(جلنار)
من كملت الحفله و راحن البنات بقيت ابجي بالغرفه ابحدي و بس اسمع اغاني حزينه بجيت لحد ما تعبت احتاجيت اكلينس ماعندي فكولت اخذ من غرفة امي
جلنار:ماما بس راح اخذ كلينس
ماما:اوك
جلنار:تسلمين
ماما:شبي صوتج
جلنار:مبي
ماما:لا بي شنو جنتي تبجين
جلنار:لا بس انشلت و هيج صار صوتي
ماما:حقيره امج اني لتظمين عليه
جلنار:يمه والله ماريده .
من سئلتني مكدرت اسيطر ع دموعي بسرعه تنزل دائما صح من نبجي منحب احد يشوفنه بس بنفس الوكت نحتاج احد نحضنه و نبجي بحضنه نحتاج احد نحجيله كولشي يصير بينه احد يحسسك بالحنان الفاقده من هاي الدنيا جان حضن امي بالنسبه الي جنه كمت ابجي بصوت عالي مثل الطفل لان الانسان مهما كبر يبقه طفل من يحضن امه
ماما:كافي عمري انتي والله لو بيدي شي جان سويته بس انتي تعرفين حبيبتي الله يسعدج صح انظلمتي بالزواج بس يكفيج الولد يحبج حبيبتي الي يكلج ماكو حب بعد الزواج جذاب هسه انتي من العشره تعرفي اكثر و تحبي
جلنار:يوم مدا اكدر شكد احاول وياه بس مداخل عقلي
ماما:لتحجين هيج انتي لان انغصبتي عليه دا تحقدين عليه لتفكرين بالزواج و لا باي شي و تعرفي عليه وكانو شخص غريب متعرفي
جلنار:امم
ماما:يلا مسحي دموعج هيج جمال ميحتاج يخرب بالبجي
جلنار:اوك
ثاني يوم ......
راما:صح النوووم
جلنار:اخخ راسي
راما:شنو جنتي مريضه
جلنار:لا
راما:مو اكول امي اجتي بالليل غطتج و باستج خير يا ستار
جلنار:وانتي شبيج تغارين امي و تحبني
راما: النه الله
يوم النتائج .....
جان يوم صعب بالنسبه الي و كل شوي يدزلي مسج احمد يذكرني بي
احمد:بعد ربع ساعه و ينطون الرابط
جلنار:تدري اني كاعده ع اعصابي وانت كل شوي دازلي مسج مذكرني بيهه
احمد:اني هم متوتر يكول نتيجتي
جلنار:اهم شي ناجحه خلي ابالك
احمد:لا والله يعني بعد تعبج و تعبي ادرس بيج و مخليلج مدرسين يابه اذا مطلعتي صيدله من كفشتج اسحلج
جلنار:والله
احمد:لا ماكدر اسويهه بيج بس راح انقهر تعبج كل هالسنين يضيع
جلنار:ترى مو شرط صيدله
احمد:ابويه جان حلمه صيدله موو
جلنار:قبل
احمد:جذابه تردين بس انتي خايفه
جلنار:مو خايفه ايست
احمد:لتخافين حتى لو تردين اوديج للخارج ادرسين والله تعبج مراح يضيع اني اكولج
جلنار:للخارج
احمد:يي
جلنار:يعني لندن
احمد:يي
جلنار:ادعي ويايه اطلع صيدله
احمد:اذا طلعتي صيدله الماجستير بلندن هديه مني
جلنار:والله
احمد:يي
جلنار:احمد شوف الرابط دزته لمار
احمد:ااوك
جلنار:ها لكيت مدرستنه
احمد:يي لكيتهه
جلنار:شوف بله
احمد:مبروووووووك
جلنار:هاا والله شكد معدلي
احمد:90 الف مبروووزك حبيبتي
جلنار:بس مو صيدله
احمد:صح مو صيدله بس رفعتي راسي بمعدلج
جلنار:اوك اروح اكول لاهلي .
جانت مثل الصدمه عليه ماعرف افرح لو شسوي صح هواي ناس اتمنوا معدلهم هيج بس مو الي اريده اني
رحت كولت لاهلي فرحوا لان مجان يهمهم المعدل اني جنت اكول اي شي عادي بس الصيدله من اني صغيره اريدهه ممعقوله انتهى حلمي ...
(لمار)
جنت كاعده من الصبح اني واهلي ع الفون منتظرين الرابط الكل يريدني مهندسه لان عشيرتنه كولهم هندسه جنت اتمنى اجيب معدل الهندسه حتى يتحقق الي ابالي صح احنه بالعراق كل شخص من يدخل سادس يترك حلمه ويأيس من النجاح بس اني غير و صديقاتي غير مستحيل اخلي تعبي يروح
امير:طلعت
لمار: شوفني
امير:دا ادور
ماما:وينك ربي اريدك تنجحهه و ترفع راسي
لمار:اميييييين
امير:مطي مطي مطي
لمار:شنووو رسبت
امير:لا دا ادور ع اسمج ماعدكم مطي
ماما:تفف عليك خرعتني
امير:لج لماااار ☺
لمار:وجع بشرني
امير:لج اسجين من ورايه و مطلعه معدل 92
لمار:عاااااااااااااااااااااااا كول والله
ماما:الف الحمدلله والشكر يارب الف الحمدلله وينك ابو لمار شوف بنتك .
جانت هاي اول مره ينصاح لابويه ابو لمار اني الجبيره بين اخوتي و امير اصغر مني بسنه و دائما يصيحون لابويه ابو امير جنت حيل فرحانه و مفتخره بنفسي الفرحه خلتني ابجي بجي حتى الراسب ميبجي هيج....
(ديما)
جنت بوكتهه نايمه النتائج طلعت العصر و اني سويت نفسي نايمه من البارحه مع العلم نومتي متعدله بس من الخوف سويت نفسي نايمه
مصطفى:كومي لج اكعدي طلعت النتائج
ديما:امممم ميهمني ولي منا
مصطفى:العائله كولهه مجتمعه علمودج لان شفنه نتيجتج
ديما: امشي ولي ادري بنفسي غبيه و مقريت عدل و مدخلت مرحلة الفلو بس شسوي اذا حلمي متحقق خلوني نايمه للسنه الجايه والله معليه حتى لو صيدله ما اريد عسى مايصير الطب بجنوب افريقيا احقق حلمي ....
مصطفى:الحمدلله اي والله ع نعمة العقل
بابا:عوف بنتي لك ديما .
جان اول مره يصيح اسمي بهيج نبره غريبه جنت خايفه كولش من الروضه و حلمي الطب اذا متحقق اروح بيهه البارحه الليل كوله ادعي ربي ميخيب ظني و يحقق حلمي وخرت البطانيه وباوعتله و عيوني كولهه دموع لان خلص اخر فرصه جانت الي هاي جانت اول مره ابجي بيهه كدام احد عمري ممسويتهه لان دمعتي عزيزه عليه
ديما:اممم يارب
بابا:مبروووك دكتورتنه ع كد ما انتي خبله و مسويتي شي بي خير رفعتيلي راسي هسه
ديما:شكد اضوج من احلم
بابا:لج ثوله طلعتي 95 حلم شنوو كومي نحتفل بيج اليوم
ديما:يعني صدك
بابا:✋ هيج اتاكدتي
ديما:عااااااااااااااااا .
عطت عيطه ماكو مثله وكبل حضنت ابويه و ظليت ابجي زين ليش البجي و الي ردته صار كل كلامي اختصر بالحمدلله ع كل شي
ماما:الف مبروووك حبيبتي
دانه:لج والنبي فرحتلج
ديما:شدكولين عليه يمه كمت ارجف
اسامه:هههههههه خطيه كومي بدلي بصمد عشاج اليوم
دانه:عههه دباع خلقتهه يرادلنه انوديهه لجويل يله تطلع
ديما:احس نفسي مثل هذني الي طلعن معدل عالي و مو حلوات
مصطفى:لتخافين هسه يصير بيج خير .
كمت بدلت و خليت مكياج يستعدل وجهي و طلعنه كولنه العائله الكريمه
اسامه:وين لصمد
دانه:لا غالي كولش
بابا:لابو نؤاس سمج
ديما:يي سمج .
وصلنه هناك والبسمه متفارك حلكي هي مو بسمه شكت حلك بس علمود النزاكه و البرستيج ☺
ماما:صديقاتج شطلعن
ديما:يااا ذكرتيني .
دكيت ع جلنار علمود اعرف نتيجتهه
ديما:الوو
جلنار:هلاوو حبي مبروووك
ديما:الله يبارك بيج وانتي شطلعتي
جلنار:90
ديما:اها زين شراح تسوين
جلنار:شنو شراح اسوي
ديما:انتي مو رايده صيدله
جلنار:لا والله تريدين اعيد سنه كامله علمود صيدله
ديما:سنه و لا تتندمين سنين
جلنار:عليمن يمعوده شبيهه الهندسه
ديما:ع كل حال مبروووك حياتي
جلنار:الله يبارك بيج قلبي
ديما:بيباي
جلنار:باي .
ديما:اووف خطيه
ماما:راسبه
ديما:لا بس رايده صيدله و مطلعت معدلهه
ماما:شكد مطلعه ممعقوله جلنار شاطره
ديما:90
مصطفى:خلوا رجليكم بالكاع لو طب لو صيدله هجم بيتجن امهات الوصخ بزمنهه اي شي ميخالف
بابا:احسن من غيرهم حتى مدرسه مكملوا و صار بيهم خير
مصطفى:وصلت
ديما:خلي ادوك ع لمار
لمار:الوو لج
ديما:لحظه اوكفي شنو صوت الدك هذا
لمار:امييييير كافي هذا امير يدوك بالجدريه فرحانين اهلي
ديما:ليش شطلعتي
لمار:الو معكم المهندسه لمار
ديما:ههههههه هي منا والهندسه خربت
لمار:انجبي هههه
ديما:احم احم وياج الدكتوره ديما
لمار:بربج
ديما:يي والله
لمار:كلللوووووش دك عيني امير دوك
ديما:هههه خبال ولي ولج راح الرصيد
لمار:امداج باي
ديما:بيباي . يمه لمار مطلعه هندسه
دانه:صدووك تستاهل
ديما:اممم .
(جلنار)
صح اهلي فرحانين بس اني و لا عبالك ناجحه اصلا ممهتمه بيهه فجاه ودك احمد بالليل
جلنار:الوو
احمد:هلاو حبيبي
جلنار:هلا
احمد:احبج
جلنار:امممم
احمد:شنو اممم
جلنار:اي اوك
احمد:يعني هيج انتي تجاوبين خطيبج
جلنار:اي
احمد:عمي اذا كل البنات هيج الولد ميتزوجون
جلنار:اي وهسه شتريد
احمد:انتي ليش تحجين هيج دائما بابا رجلج اني هسه فوك كل الحب الي احبج اياه و كل شي سويته بسبيل انج تفرحين هيج تجازيني بس الظاهر متستاهلين باي.
شنو الموضوع هذا شبي مو كل يوميه احجي وياه هيج شبي عصب و سد الخط طفيت فوني و نمت من الكآبه الي اني بيهه يعني من وين ما اروح ينسد الباب بوجهي ليش هيج حياتي بقيت ابجي و نمت من البجي كعدت الصبح بل 10 فتحت الفون لكيت 20 مكالمه 32 مسج من كل موقع دازلي احبج
طكيت صوره وسويت كروب بي مينا و لمار و ديما و حجيتلهم الصار
مينا:انتي صاحيه
ديما: هم يحبج و هم حلوو و هم محامي شتردين من الله بعد
لمار:الثول كتبي اني هم احبك لا امسح بيج الكاع
جلنار:يعني شسويله
ديما:اسئلج سؤال
جلنار:امم
ديما:لو خاطبج بدون ميغصبوج اهلج لو يحجزج هو شتجاوبي
جلنار:تلكيني اركض وراه و اموت عليه
مينا:هذا الجواب يعني انج تحبي
جلنار:لا
لمار:راح اتخبل والنبي تحبي
جلنار:لا يعني لا
ديما:راح اجي لبيتكم اكفشج لج تردين عليه لو شلون
جلنار:ارد بس ما اكوله احبك
ديما:ميخالف
مينا:اوك .
دكيت عليه و انتظرت يجاوب
احمد:لج انتي وين جنتي
جلنار:لتعيط صوج الخابرتك
احمد:اوك اسف بس عبالي صار بيج شي
جلنار:لتخاف كاعده ع قلبك
احمد:اي اريدج تكعدين ع قلبي
جلنار:بعدين شكو هاي الرسائل و الاتصالات امي الي سدت الخط
احمد:خلص مو جنت عصبي لتلزكين بالسالفه
جلنار:لا الزك
احمد:اوك عندي وياج موضوع هسه وبعدين لزكي
جلنار:شنوه
احمد:انتي معدلج 90 يعني تنقبلين صيدله اهلي
جلنار:وشكد السعر
احمد:يمكن 15 مليون بالسنه يمكن لو 15 لو 10
جلنار:اوكف دا يجيب ابويه الفلوس من الشركه
احمد:هههههه مدا اشاقه
جلنار:ولا اني موزين الراتب يكفينه يله يدفعون هلكد علمودي
احمد:بس مو همه الي يدفعون
جلنار:لعد
احمد:باعي يمج خيارين
جلنار:يي
احمد:الاول انو اني اروح للندن ادرس ماجستير و
اخذج هناك ادرسين ويايه انتي و طبعا لازم نتزوج قبل لنروح
جلنار:والثاني
احمد:الثاني انو انتي اذا مردتي تزوجين هسه تنتظريني اكمل ماجستير بلندن واجيج اشتغل اجيبلج فلوس ادخلين الاهلي والاحسن معروف ترى
جلنار:زين انت منين تروح للندن و هاي السوالف
احمد:ابن خالي عايش بلندن و عنده شقه و شركه كلي تعال اشتغل و ادرس و اني فكرت بيج
جلنار:احسك دا تجذب عليه
احمد:تحبين 42
جلنار:لا 45
احمد:مطيه دا احجي وياج صدوك اني بالحالتين اروح وره شهر ونص الولد دا يرتبلي الي احتاجه حتى شقه
جلنار:واهلي
احمد:معليهم ماخذج اذا متزوجيني لندن و صيدله ورجال حلوو شتردين بعد حصان ابيض
جلنار:اوكف لحظه اجاوب بعد شوي .
دخلت للكروب و حجيتلهم شنو احسن
مينا:ع كولته ولد صاك و لندن و صيدله اكيد
ديما:اخذوني وياكم جذب ازوجي لج و روحي اهم شي مستقبلج فديت حميتو ميريد ثانيه
لمار:بعد كم يوم تاخذين وضعيه لندن تايم مرتاااااح متوووونس
جلنار:يعنييي اوافق
الكل:طبعااا بالنعال اذا متوافقين .
جلنار:احم احم
احمد:شربي مي
جلنار:باع انت هييي
احمد:عليمن
جلنار:ع الدب المهم
احمد:يي
جلنار:خلال شهر تكدر تزوجني ؟ بس باع سالفة انك تخوني لو تبطل من معاملتك الي لو تغصبني ع شي من هسه اكولك ما اريد اتزوج ادخل هندسه اشرفلي
احمد:اي اكدر و هاي السوالف لو اريد جان سويتهه قبل الزواج مو وره الزواج اليوم اجيب ابويه يحجي ويه ابوج حتى بلكي تتحسن معاملتج
جلنار:بذاك الوكت يي افكر
احمد:تفكرين
جلنار:بصراحه اني ما احبك لان انجبرت عليك مع انو بيك المواصفات الاحبهه
احمد:واني لان اعرف هذا الشي صابر وياج
جلنار:هاي شنو طلعت جبير و تفهم
احمد:تدرين اني اكبر منج ب5 سنوات
جلنار:يي ادري
احمد:ديله ولي اكول للولد يحضر كولشي النه من هسه و من باجر نطلع نكمل نيشانج منشتري هواي مناك نشتري
جلنار:تدري لحد هسه ممصدكه
احمد:ادري بيج عووبه
جلنار:مو عوبه اي وحده غيري متصدك فجاه اروح لندن واني عبالي حلم ميتحقق
احمد:اني كلشي احققلج ✋
جلنار:اممم اضوج اعترف بس انت هيج
