البنات : صباح النور
المدرسه : اني ست مروه ام الكيمياء تعرفوني ماريد اضيع الوقت منو اتعرفلي .......
كمت اليوم بالكيمياء اكثر من خمس مرات الي خله ايات اتكوم من الرحله بس حسيت امهات دبي ضايجات مني
مينا : عود شنو هاي الحركه
ريم : انتي دا نحجي وياج
ديما : العفو ويايه
مينا : ايي ملاحظتي انج مصختيهه شوي
ديما : بشنو
مينا : كل شويه و كايمه بالكيمياء انطي للناس مجال ترى الشطاره مو بالوكفه كل شوي رافعه ايدج
ديما : اولا انتي شخصج بيه ثاني شي اذا انتي هيج ضايجه يا ادكومين يا لا بعدين اكو عدهه عيون و ادكوم هي مو اني كايلتلها كوميني ثالثا اريد درجات ماريد اكعد واكول اني شاطره حبيبتي اني فعل مو بس حجي مرة الثانيه لتدخلين باللي ميعنيج
مينا : هاي انتي ويه منو دا تحجين هيج
ديما : وياج
مينا : الظاهر متعرفيني منو اني اسئلي البنات عني و شوفي
ديما : ميحتاج اعرف منو ميثيرني الفضول عليج ☺
مينا : لا والله
ديما : اي والله
ريم : حبي عوفيهه هاي
مينا : لا والله يعني اني مينا هاي تحجي وياي هيج
ديما : ترى عيب تحجين ويه احد هيج واذا جنتي مينا مصنوعه من ذهب يعني
مينا : اي من ذهب
ديما : اوك بس الذهب يستخرج من المجاري
مينا : شنو قصدج انتي هييي
ديما : انتي شاطره ميحتاج احد يفهمج عن اذنج اروح اكل
لمار : واااو
مينا : انتي تعاي وين جنتي دايحه
لمار : جنت بالحانوت بس هاي منوو
مينا : منيه
لمار : الي تعاركت وياج
مينا : خلي تولي
لمار : شنو السالفه من كل عقلج
مينا : ولي من يمي لمار
ريم : يعني هي ضايجه وانتي دا ترشين ملح عليهه
لمار : اوك اسفه حبي
مينا : لا عادي
ريم : بالمناسبه شخبار دعوشي
لمار : انجبي زين
ريم : بابا من كل عقلج ولد بالجامعه يكلبج
لمار : ليش شبيه اني
ريم : مو شبيج شوفي بنات الجامعه انتي يعني هو عايفهن كولهن علمود وحده صغيره
لمار : رجاءا لتفتحن هيج موضوع
ريم : عود من يخونج سلميلي عليه
مينا : نعاله كافي هي منا ضوجه وانتي جاي تحجين
ريم : مثلج نعاله جعت
لمار : مانطي
ريم : لتنطين اخذ غصب
لمار : اهووو يمعوده روحي اشتري
ديما : منو لمار
لمار : اني
ديما : هاج فلوسج ناسيتهن يم ام الحانوت
لمار : ثانكس بيبي
ديما : ولو خيه
(ديما)
رجعت للبيت لكيت اخويه يمنه
ديما : واني اكول ليش البيت مظلم طلع مصطفى هنا
مصطفى : البيت مظلم من وراج عووبه شلونج
ديما : مرتاحه لان انت ماموجود ويانه
مصطفى : كبر للخبله
ديما : عابتلك
مصطفى : يله اني اروح
ديما : ليش ولك
مصطفى : لان انتي اجيتي
ديما : لا والله دكول شعندك رايح مرة الثانيه جيب مرتك و جهالك
مصطفى : ان شاء الله ولج عندي واجب لازم اروح
ديما : بالانبار ان شاء الله
مصطفى : ان شاء الله واخلص منج
ديما : والله العراق مايصير بيه خير مدام انت ضابط بي
مصطفى : اروح احسلي لا ارتكب بيج جريمه
ديما : سلملي ع الضباط وياك
مصطفى : انجبي
ديما : ماما دانه وين
ماما : طالعه ويه خطيبه
ديما : النه الله
ماما : اتزوجي و طلعي
ديما : ماريد
ماما : كلنه كولنه هيج و تاليتنه ازوجنه و جبنه قروده
ديما : هاهاهاها لا والله
ماما : يي اصبلج غده
ديما : لا حاكل موزه
ماما : مو كولتلج قرده
ديما : اشكرج
ثاني يوم ......
ديما : صباح الخير
بابا : صباح النور
ديما : امي وين
بابا : يعني متعرفين امج بس اول يومين تكعد وراهه تنام
ديما : ههههههه اصبلك حليب
بابا : اي صبيلي
ديما : اوك... تفضل
بابا : خلي يمج شوكت تبدي امتحاناتكم
ديما : الاسبوع الجاي
بابا : شدي حيلج و ما وصيج مثل الثالث بالنهايه تبطنشين
ديما : افااا عليك السنه كدهه و كدود
بابا : نشوف
ديما : ماكو تشجيع
بابا : شنو دوري اوربا هو يله شدي حيلج
ديما : اكيد ✌
(المدرسه)
ديما : صباح الخير
البنات : صباح النور
ست نجلاء : صباح الخير
البنات : صباح النور
ست نجلاء : دفاتركم طلعوهه اريد اشوف الحل
جلنار : صباح الخير
ست نجلاء : صباح النور ليش متاخره
جلنار : لا ست اني طالبه نقل
ست نجلاء : اهلا وسهلا
جلنار : تسلمين بس وين اكعد
ست نجلاء : اول رحله بصف ديما
جلنار : هلوو
ديما : هلاوو
و بدت نجلاء تشرح و اني بس عقلي يشتغل الجسم عبالك مخدر و اباوع ع الرحله اشو تصير مخده شنو الموضوع مادري
ست نجلاء : بناات لحد ملاك وصل السره باجر نكمل و الي محالات حلوا و قزوم ديربالج ع صديقتج
ديما : من عيوني
جلنار : اكولج بس علمود الرياضيات انتوا عابرينه بموضوعين عادي اخذ دفترج
ديما : اي عادي و اذا تردين اشرحلج هم
جلنار : يسلمو
ديما : ولوو
لمار : هلا والله
جلنار : هلا بيج
لمار : تعالي تطلعين بره
جلنار : اي والله ياريت
مازاا وانا （・∀・）ما موقعي في الاعراب مو صووجج زين ليش مستقبلوني مثلهه اشو بس عركات ورفعت خشم
لمار : يمج رقمي
جلنار : اوك حبي ان شاء الله
ديما : هاج الدفتر و كتبتلج تلخيص هم
جلنار : امم لا ميحتاج حاخذ دفتر لمار
ديما : اها ☺
جلنار : زهراء متتبادلين
زهراء : لا ابقي برحلتج و سكتي
جلنار : زين ديما مترحين يم زهراء
ديما : لا ماريد اغير مكاني
جلنار : حبابه
ديما : ترى هذا مكاني من قبلج بعدين اني لابسه مناظر تردين غيري انتي شعليه بيج اني
جلنار : اوك
لمار : عادي حبي يله وره المدرسه راسليني
جلنار : اكيد
درس الاسلاميه .....
ست رغد : يله بنااات حجاباتكم وين
حنين : ست نسيته
ست رغد : روحي جيبي من غير صف ... يلا بنات اعوذ بالله من الشيطان الرجيم بسم الله الرحمن الرحيم و الصلاة و السلام ع خاتم المرسلين ابا القاسم محمد (ص)
البنات : اللهم صل ع محمد و آل محمد
ست رغد : يله ياا حنين
بعد ربع ساعه ....
ست رغد : ديما يله
ديما : ايييي واخيرا ......
البنات : ست ست ست ست
ديما : بس انطوني مجال اشرح
البنات : ست ست ست
جلنار : ست اني ست ست
ديما : دكاااااااااافي
جلنار : اااا
ست رغد : اعصابج حبيبتي
ديما : ست انتي مشفتيهم الي تصيح ست خلي تصيح هسه و النبي اموتهه
الصف : .......بس صوت صرصور
الفرصه .......
ديما : استغفر الله
لمار : ديما عااشت ايدج خلستيهم
ديما : بزعوني
مينا : يستاهلون
لمار : جلنار
جلنار : ه..هاا
ديما : شبيج
جلنار : العيطه صارت بوجهي
ديما : بصراحه تستاهلين بس هي لكل الصف مو بس عليج بس لان انتي يمي فمن انداريت طلعت بوجهج
جلنار : تخوفين
ديما : هههه هههههه
ريم : لمار اريدج بموضوع
لمار : احجي
ريم : مو هنا
مينا : من ورايه تتحاجون
ريم : بعدين اكولج
مينا : اوك
(لمار و ريم)
ريم : بخصوص حبيبج
لمار : شبي
ريم : متاكده ماعنده شي
لمار : لا اله الا الله انتي شكو تبحوشين وراه بابا اني احبه مو انت
ريم : اني لو ما احبج و اخاف ع سمعتج مابحوش
لمار : شبيهه سمعتي
ريم : اذا ما اخذج ميخطبوج الناس
لمار : اوك يخطبوج انتي
ريم : عندي دليل هو يلعب عليج
لمار : جيبي
ريم : اترقبي الصوره الي حدزهه الج وره الدوام
لمار : ماشي
(البنات)
ديما : ههههههههه من كل عقلج هيج خفتي
جلنار : يمعوده انتي مشفتي عيونج شلون صارن
بلقيس : بناات ام الانكليزي مجايه و عدنه شاغر
ديما : اجه بوكته مالي خلك
جلنار : يي عفيه والله تعبت تدرين
ديما : شنو
جلنار : اول ما اجيت للمدرسه اجيت ابجي
ديما : ليش
جلنار : مادري و حسيت البنات رافعات خشومهن بس انتي و لمار لا كولش حبابات
ديما : انتي هم حبابه
جلنار : نلعب
ديما : شنو
جلنار : بيضه
ديما : بس اثنين ميصير خلي اشوف البنات ميناااا
مينا : تدرين اني وراج ميحتاج تعيطين
ديما : استغفر الله و شلون ويه النفسيه احنه تردين تلعبين ويانه بيضه
مينا : بريطانيا
ديما : يابان
جلنار : فرنسا
لمار : كوريا
ريم : ايطاليا
بدينه نلعب بيهه و كولش متحمسات عبالك اول ابتدائي مو طالبات ثانويه
مينا : شنو الاخبار
ديما : مشكل يا لوز
ريم : ولا شي متشابه
لمار : هاج ريم
ريم : راح اكفخج ✋هاج جله
جلنار : امممم هاج
ديما : مينوش تفضلي ....... بيييضه
لمار : ايدييييي بنات المطي
مينا : اني تسعين تسعين معلييه
جلنار : ثمانين
ريم : سبعين
لمار : ستين عابت هيج لعبه
ريم : حتى اني مليت ماكو غير لعبه
ديما : صراحه لو تحدي تلعبون
الكل : ييي
ديما : اوك منو اكبر وحده تفر البطل
مينا : اني
ديما : هااج
مينا : اووك جلنار و ريم
جلنار : صراحه لو تحدي
ريم : صراحه
جلنار : مسافره خارج العراق
ريم : اي هواي
جلنار : وين
ريم : دبي تركيا ... و
جلنار : كافي انضغطت
مينا : اني و ديما صراحه لو تحدي
ديما : صراحه
مينا : هم عندج صديقات
ديما : اممم من جنت صغيره اثنين بس افترقنه قبل عشر سنين بس حاليا لا
مينا : اوك .... يلا اني و لمار صراحه لو تحدي
لمار : صراحه
مينا : الشي الي كالته ريم فرح لو حزن
لمار : نص و نص يمكن
مينا : امممم
ريم : همزين اني و مينا صراحه لو تحدي
مينا : صراحه
ريم : شخص تحبي منو
مينا : كلبي تحدي
ريم : نطلع من المدرسه ادكين ع البيبان مال عالم و تشردين
مينا : شنووووه
ريم : كيفج بعد
مينا : زين غير السؤال
ريم : لااا
مينا : خلص ادكه
ريم : احنه نجي وياج حتى نتاكد
مينا:ميخالف
ست نجلاء:بنات راح اخذكم ابدال ام الانكليزي
البنات : لاااااااااا
ست نجلاء:مو المديره متقبل
البنات: زين بس اوكفي علينه
ست نجلاء:ميخالف
ريم:مينا مو تنسين
مينا:لتلحين
ريم:ههههههه اوك
صارت الحله و كلنه انتظرنه يم الباب ريم
ريم:كملت
مينا:بنات شنو رايكم نطلع نفتر
ريم:لا حياتي انتي كولتي ادك البيبان يعني ادكين
مينا:اهووو مو صغار احنه
ريم:جاوبي ع السؤال
مينا: امين ابدي
ريم:منا
(لمار)
بعد مارجعت من المدرسه فتحت تلفوني ودزيت مسج لريم بلكي مو هو يارب
لمار: وين الصوره
ريم:هياتهه هسه ادزهه
اول مدزت الصوره انصدمت معقوووووله هذا هو مستحيل
لمار:تسلمين حوب
ريم:ولو حوبي شعندي غيرج حتى تعرفين شنو نواياهم هذولي
لمار:حياتي انتي .
ظليت بس ابجي و احقد عليه و هو مسوي روحهه رجال و فدشي يمي هيج تاليتهه خاين يطلع بس حسبي الله ونعم الوكيل بي
لمار:انتهى كولشي
سيف:شنو انتهى كولشي شبيج
لمار:شنو شبيه هاااا بس احب اكولك عرفت كولشي ميحتاج هيج تلعب دور البريء كدامي و مدري ايش
سيف:حبيبتي بس فهمني شبيج
لمار:يعني انت تضحك عليه صارلك سنه وادكولي فهميني كل الي بالموضوع كشفت كل اوراقك اني بعد لدك رجاءا .
سديت الخط بوجهه و ظليت بس ابجي معقوله هيج الناس ميغزر بيهه الملح و الزاد حتى مكدرت احجي وياه و رزله مثل اي وحده خانهه حبيبهه لان ماكدر احبه ...
(ديما)
بعد مرور شهر .... امتحانات الكورس الاول
خلال هذا الشهر علاقتي زادت ويه البنات بس الاكثر جلنار و مينا حتى سوينه كروب بيناتنه ع الفايبر
(يمه الفرنسيات يمه )
ديما : بناااااات
