تعبت من غربتي

صدفه

أبطال الروايه
حلا:انا بنيه محجبه عمري 21 ثالث كليه وادرس قانون عندي اخو واحد وهو علاوي هو روحي اني اموت عليه وكله نتعارك
علي :عمري 23 متخرج من كليه اداره واقتصاد واشتغل مع ابوي بالشركة مالته عندي اخت وحده وهيه حلاوي القزمه
آدم: ولد عمري 22 سنه بس اني ثالث كليه لأن راسب سنه وانا ادرس قانون عندي اخو أكبر مني واخت أكبر مني وانا الصغير
فرح:عمري 21 ادرس قانون وحلاوي هيه صديقتي الي اموت عليه عندي اخو أصغر مني بس

حلا حلا ماما يله كافي نوم كعدي ادري عطله يوم الجمعه بس راح يأذن وانت نايمه يله كومي كعدي... اف ماما اتركيني انام يوميه اكعد الصبح علمود الكليه. يله حلا كومي زين ماما لاتعصبين كايمه..
حلا: احلا شي بالدنيا ماما وبابا واخوي صح الله مانطاني اخت بس عندي فروحه احلا اخت. كعدت غسلت ومشطت الكفشه ههههه ونزلت صباح الخير. بابا وماما صباح النور حبيبتي أما علي بعد وقت ست حلا اكوم انظف عنج بعد. انجب انت ماعليك. لاتردين قزمه. لاتكلي قزمه اني مو قزمه انت طويل. علي ههههههه عصبتج هسه رتاحين اكدر اكمل يومي ههههه. ماعصبت اصلآ . بابا ولك علي ليش ازعل الاميره مالتي علي اهوووو ضل يدلعه واني محد يدلعني. حلا لا انت محد يدلعك بس اني على عنادك. ماما لا هذا ابني حبيبي اريد ازوجه وافرح بي وادلعه بعد. حلا اي زوجي خلي اخلص منه بس خطيه بنت الناس تبتلي هههع. علي
طبعآ اليوم احنه انروح أبيت جدي أهل ابوي. حلا نعم ماما روحي بدلي انت تتأخرين اوك ماما صاعدة صعدت بدلت نزلت ورحنه عمتي حبيبتي اجت واعمامي اثنين واولادهم كعدنه كلنه ما شاء الله كلش هواي نسولف ونضحك والشباب اولاد عمي ثلاثه والبنات اربعه طبعا لمه ونسه منحس على الوقت تغدينه شلون سمج يخبل وطبعا جدتي موجوده هيه إلى تجمعنا دائما وخلتنه نحب بعض. الله يخليه النه تونسنه وصار الليل ورجعنا كل واحد ابيته. وباجر سبت راح نروح أبيت جدي أهل ماما احنه هاي عادتنه جمعه أهل بابا سبت أهل ماما. رحت لغرفتي خابرتني فروحه. الو هلا حلا شلونج الحمدلله انت شخبارج شسويتي شكو ماكو طبعا ظلينه نحجي اني وياه إلى أن خلص شحن الموبايل هههه منسكت ابد احنه البنات كلشي بالتفصيل نحجي. نمت وهمين كعدتي ماما على نفس الحجي كومي كافي نوم. كمت بدلنه ورحنه بيت جدو اول مافتت ركض اروح على بيبي ام ماما الي هيه أكثر انسانه بالدنيا احبه اكثر حتى من امي ههخ سلمت عليه شلونج بيبي الحمدلله حبيتي انت شلونج الحمدلله من اشوفج اصير زينه حبيبتي انت. احم احم امي هههههه وانا ماما نسيتيني تحبين بنتي أكثر لو شنو هههه وخري حلا خلي اسلم على امي وخري ههههه. طبعا مثل كل مره اجو خالاتي وخوالي اجمعنا كلنه واتغدينه وتونسنه ورجعنا ابيتنه الساعه تسعه بليل رحت ابدل وانزل اتعشه خلصنا عشه وغسلت المواعين ويه ماما ردت اصعد الغرفتي صاحني بابا. حلا نعم بابا روحي صيحي اخوج وتعالو اريدكم بموضوع؟ خير بابا شكو روحي صيحي وتعالي اكلكم صعدت علي تعال بابا يريدنه اني وياك علي شيريد ماتعرفين لا ماعرف كال تعالو واكلكم علي يله راح اجي نزلت واجه علي واني وماما كعدنه خير شبيكم شكو بابا. أريد اكلكم شي. احنه بعد اسبوع راح نروح لأمريكا. اني شنوووو علي شنوووو اي وراح نعيش هناك خلاص..... بابا شبيكم ساكتين. علي بابا ليش. حلا صدك بابا ليش. لأن الوضع بالعراق مو زين واني سويت شراكة ويه شخص وانت تعرفه علي هذا الشخص الي سويت شراكة ويا وشغلنه راح يصير بأمريكا وراح نسافر اني وعائلتي وهو وعائلته وهذا قرار نهائي مابي نقاش تره. حلا بابا وكليتي شلون. بابا اتكدرين ادرسين هناك خارجي اني ادبره الج. علي بابا واهلنه هنا وحياتنا شلون نترك كلشي ونروح ابوي اي نترك كلشي صح صعب هذا الشي عليكم بس راح تتعودون صدكوني. اني صعدت الغرفتي بس ابجي الكل راح نام واني ابجي ماتخيل اترك فروحه والكليه وبيبتي ام امي الي اموت عليه وبيت جدي أهل ابوي وأهل امي.. وماتخيل نفسي اترك بغداد واترك العراق.. نمت وجان اتعس يوم بحياتي .. كعدت الصبح بدلت ونزلت صباح الخير الكل صباح النور بدون شقانه انا وعلي لأن محد جان يكدر يشاقه الكل ضايج ماتريكت ماجنت اشتهي شي اجه الخط ورحت على الكليه دخلت اجت فرح هلا حلاوي شلونج. زينه. فرح شبيج شكو ليش ضايجه. بعدين احجيلج هسه عدنه محاضره. قبل لاندخل على المحاضره اجو الشباب سلمنا عليهم جان يجي آدم ضايج سلم ودخل القاعه احنه كاعدين وأدم وصديقه قصي ورانه اسمعهم يحجون قصي ولك آدم شبيك. آدم راح نسافر امريكا ونعيش هناك قصي شنوووو اي ابوي مسوي شراكة ويه واحد وراح يسافر ... يمته السفر؟ بعد اسبوع. حلا اني ضليت صافنه كلت معقوله ابو هو شريك بابا؟ خلصت المحاضره طلعنا وسولفت الفرح كلشي فرح بس تبجي تكلي ماعندي اخت انت اختي راح اتركيني وترحين شلون.. جان يوم ماحلو ابد
ادم: رجعت للبيت جنت ضايج سلمت على امي وابوي واخوي الكبير وزوجته واختي الكبيره جانت عدنه هيه وزوجه صعدت الغرفتي اجه ابن اخوي حمودي صاحني كلي جدو يصيحك نزلت.. بابا صاحني آدم. نعم بابا تعال تره باجر كلنه العصر راح نروح أبيت شريكي بالشغل نتعرف عليهم. بابا روحو اني ماريد اجي. لا الكل يجي. اوك بابا اجي . آدم صعدت الغرفتي جانت الدمعه بطرف عيني لأن اني احب الكليه وصديقي قصي. واحب حلا شلون راح اطلع واني مامعترفله بحبي ولا خاطبه ولا اكدر ازوج هسه لأن ماكملت دراسه بعدني. صار يوم ثاني كعدت رحت الكليه لكيت حلا موجوده وجانت ضايجه سلمت وانا اباوع الحلا ماشلت عيني عنه. دخلنه للمحاضره كلت القصي.. قصي اني احب حلا. قصي اعرف.. اني شلون تعرف انت صديقي سنين حتى لو ماكلت اعرف كافي قبل شوي ماشلت عينك عنه. آدم لعد شلون اني احبه واحنه راح نسافر شلون. قصي. اوف والله ماعرف آدم ربك يحله توكل على الله. إذا حلا الك محد ياخذه غيرك. آدم طبعا الي حلا ماتصير الغيري لأن اني ماكدر اعيش من دونه.
فرح : ولج حلا. نعم.. شفتي آدم ماشال عينه عنج ولا دقيقه. انجبي فرح شنو انجبي عساس انت ماتحبينه يعني. اني انفجرت بجي فجئ فرح شبيج ولج شنو ماحجيت شي يزعل. حلا: اي احبه وشلون راح اتركه واسافر اني احبه شلون. فرح حضنتني كافي ولج لاتبجين كطعتي گلبي. رجعت من الكليه واجه بابا وعلي وجان يكولون صعدو بدلو شريك بابا راح يجي هو وعائلته حتى نتعرف عليهم. صعدت ابدل. لبست بدله طويله حمره وفوكاه ستره كابوي ولبست حجابي وحطيت مرطب شفه خفيف الون وشويت كحل ومسكاره طلعت كلش حلوه نزلت لكيت ماما تبخر البيت ومبدلين ننتظر الخطار.... اندك الباب راح علي يفتح الباب ودخلو الدوانيه اول ماشفت آدم انصدمت ظليت صافنه إلى أن أمي دفعني كلتلي شبيج انثولتي سلمي. كتله اي ماما هسه اسلم رحت سلمت على أخته ومرت اخو وأمه وسلمت على ابوه كتله السلام وعليكم عمو. جان يكله بابا هاي بنتي الصغيره وعلي اكيد تعرفه الكبير. ابو ادم ماشاء الله الله يخليهم الك. ابو ادم هذا ابني الكبير زياد وزوجته مريم وابنهم حمودي اني جد. وبنتي الأصغر رشا وزوجه. وأصغر شي آدم مامزوج. ابوي وامي الله يحفظهم ويخليهم الكم. جان يكول آدم اصلا اني اعرف حلا.. اني صرت بنص هدومي كلت بكلبي شجاي يحجي هذا حلا وياي بالكليه اني وياه نفس القسم. جان تكول اخت آدم اها طلعو العائله كله تعرف بعض واحنه ماعرف. الكل هههههههه. كعدو وقدمنا عصير وكيك وأنا جنت فرحانه لأن هو راح يسافر ويانه
ادم: اتعرفت على اخو حلا علي وهو كلش حباب صرنا اصدقاء وأخذت رقمه والفيس ماله.. وانا جنت فرحان الدنيا ماواسعتني.
حلا:تعرفت على أخت آدم ومرت اخو وهمه كلش حبابات ورشا وزوجه هم راح يسافرون ويانه لأن زوجه موضف بالشركة.... تونسنه وياهم كلش حبابين طلعو من عدنه بليل من طلعو جان يكول ابوي ها شلونهم حبابين.. اني اي والله كلش حبابين.. علي اي والله وخاصه آدم كلش محترم وحباب صعدت غرفتي وبسرعه خابرت فرح... الو هلو ولج فرح تعاي شوفي شراح اكلج. فرح : خير ولج شكو.. سولفته كلشي وفرح جانت مصدومه صدك ولج. كتله اي والله صدك. فرحتلي كلش فرح . بعدين سديته ورحت انام. وجان يوم كلش حلو بالنسبه الي. آدم : رجعت للبيت جنت فرحان جان يكول ابوي شلون العائله حبابين.. اني اي بابا كلش حبابين علي كلش حباب. وبصوت ناصي واخت علي هم ابوي شنو؟؟ اني ماكو شي. جان تكول رشا اي حلا كلش حبابه. صعدت الغرفتي خابرت قصي كتله قصي شوف شنو صار وياي اليوم وسولفته. قصي جان مصدوم وفرح كلش وكلي شوف كتلك إلى كاتبه الله يصير إذا حلا جانت مقسومه الك راح تتزوجون أن شاء. آدم اي والله صح حجيك ونعم بالله. ولك اني فرحان مامصدك. قصي هههههههه أن شاء الله دايما فرحان يله ولك اريد انام دروح تصبح على خير. اني وانت من اهله نمت وجان احلا يوم بحياتي.