تركني ورحل...كم هو غريب هذا الرجل...اتجهت الى داخل المنزل...اتصلت بصدديقتي سارة اريد رؤيتها لم يتبقى لي غيرها..
فور ان امسكت بالهاتف رن جرس الباب ..تركت الهاتف وسرت نحو الباب فتحته...لم اتوقع مجيئه الى هنا بعد ماحدث ليلة امس
-أأ..هلا سالم
-اجيت حتى اعتذر عن البارحة ..يعني انتي جنتي طالعة كلش حلوة وووماقدرت الزم نفسي وردت ابوسج
-امممم....يلا مصار شي
-يعني قبلتي اعتذاري؟
-بشرط!
-شنو ،حياتي الج.
-لا عوف حياتك على صفحة مالي خلق اطب للسجن من وراك،المهم تعزمني على غدة بمطعم راقي.
-هههههههههههههههههه،همج بس بطنج.
-لازم ادلع كرشي.
-بس عندي سؤال.
-تفضل!
-الاكل الي تاكلي وين يروح ؟يعني تاكلين وميبين بيج!
-رياضة حبيبي رياضة.
-حبيبج!
-لا ... يعني هالكلمة مامقصودة هيج طلعت ويه مسير الجملة
-اااي ...يلا اني اروح.
-والغدة!
-شوفي اليوم صاحبي عنده حفلة مسويه ببيته بسبب نجاحه بالشركة واني معزوم ورح اخذج ويايه.
-مو فشلة يعني اني ممعزومة واروح؟
-لا اصلا هو فري ،لتشيلين هم ..ساعة سبعة جاهزة.
-اوكي.
.
.
في المساء وفي الساعة السابعة تحديدا
كنت اضع اللمسات الاخيرة ....كنت ارتدي فستانا اسود اللون طويل ..خالي من الاكمام يكون ملتصق على جسمي حتى الخصر ومن الاسفل منفوش ارتديت حذاء فضي مع اكسسوارات فضية...وابقيت شعري منسدلا
خرجت من غرفتي كان سالم للتو قد اتى...
-جاهزة؟
-اي .
-اممم... نمشي؟
-اي اوكي
-ممكن تسمحيلي بكلمة؟
-تفضل!
-كل يوم تطلعين احلى من قبل
ابتسمت بخجل وقلت له:شكرا هذا من ذوقك
ركبنا سيارته واتجهنا الى منزل صاحبه
اشعر بالاحراج كيف لي ان ادخل مكان لااعرفه...
