تعبت من غربتي

صدفه

أبطال الروايه
حلا :انا بنيه محجبه عمري 21 ثالث كليه وادرس قانون عندي اخو واحد وهو علاوي هو روحي اني اموت عليه وكله نتعارك
علي :عمري 23 متخرج من كليه اداره واقتصاد واشتغل مع ابوي بالشركة مالته عندي اخت وحده وهيه حلاوي القزمه
آدم :ولد عمري 22 سنه بس اني ثالث كليه لأن راسب سنه وانا ادرس قانون عندي اخو واحد أكبر مني واخت أكبر مني وانا الصغير
فرح :عمري 21 ادرس قانون وحلاوي هيه صديقتي الي اموت عليه عندي اخو أصغر مني بس

حلا حلا يله ماماتي كومي كعدي من النوم صح اليوم جمعه وعطله بس راح يأذن وانت نايمه... ماما اتركيني نايمه يوميه اكعد من الصبح علمود الكليه....حلا كافي كومي كعدي. زين كايمه لاتعصبين.
حلا:احلا شي بالدنيا ماما وبابا وعلي اخوي صح الله مانطاني اخت بس عندي فروحه احلا اخت. رحت غسلت ومشطت الكفشه هههههه. نزلت صباح الخير ماما وبابا صباح النور. أما علي بعد وقت اكوم انظف عنج.. أنجب انت ماعليك.. لاتردين قزمه.. لاتكلي قزمه اني مو قزمه انت طويل. علي هسه عصبتج ارتاحيت اكدر اكمل يومي هههههه. اصلا اني ماعصبت. بابا: ولك علي ليش تضوج الاميره مالتي.. علي: اهوووو ضل يدلعه واني محد يدلعني.. حلا : لا انت محد يدلعك على عنادك بس انا.. أمي. لا هذا ابني حبيبي اريد ازوجه وافرح بي وادلعه هم.. حلا. أي زوجي خلي نخلص منه بس خطيه بنت الناس تبتلي هههع... علي:انجبي قزمه
امي : ولج حلا صعدي بدلي انت تتأخرين بالتبديل....اوك رايحه ماما. صعدت بدلت لأن انريد انروح أبيت جدي أهل ابوي بدلت ونزلت رحنه أبيت جدي.. جانو جاين اعمامي وعمتي حبيبتي طبعا تونسنه ولله وتغدينه سمج يخبل. وجدتي موجوده الله يخليه هيه الي تجمعنا ابيته وخلتنه نحب بعض... صار اليل رجعنه ابيتنه رحت لغرفتي خابرتني فروحه. الو هلو حلا شلونج شخبارج شكو ماكو. هلا فرحه الحمدلله زينه. وكعدنه انسولف اني وفرح إلى أن خلص شحن الموبايل هههه احنه البنات انسولف كلشي بالتفصيل. رحت نمت.
كعدتني ماما الصبح على نفس الحجي كمت غسلت وبدلت ورحنه أبيت جدي أهل ماما اول ما اوصل اروح اسلم على بيبتي ام امي لأن هيه أكثر انسانه احبه بالدنيا كلها احبه اكثر من امي. ههههه سلمت عليه وكتله شلونج بيبي كلتلي الحمدلله من شفتج صرت زينه. اجت امي احم احم واني اريد اسلم شنو الدلال كله الحفيدتج. وخري ولج حلا خلي اسلم على امي... تونسنه واجو خالاتي وخوالي وصار الساعه تسعه رجعنه للبيت صعدت الغرفتي بدلت ونزلت تعشينه وخلصنا غسلت المواعين ويه ماما اريد اصعد الغرفتي صاحني بابا. حلا.. نعم بابا روحي صيحي اخوج وتعالي... خير بابا شكو... صيحي وتعالو اكلكم.. اوك رايحه. صعدت كتله علي بابا يصيحنه.. خير شيريد ماتعرفين شي. كتله لا ماعرف كال يريدنه نزلنه...بابا :تعالو اريدكم بموضوع. علي وانا شنو بابا...... راح نسافر الامريكا ونعيش هناك.... علي شنووووووو انا شنووووو. أي وبعد اسبوع راح نروح... بابا: شبيكم ساكتين.. حلا : بابا وكليتي شلون.. انا ادبره الج ادرسين خارجي هناك. علي : ازين ليش راح نروح بابا...... لأن الوضع بالعراق مو زين وانا سويت شراكة ويه واحد وشغلنه بأمريكا وانا راح اسافر ويه عائلتي وهو وعائلته..... حلا : بابا وأهله شلون نترك كلشي ونروح... ابوي اي نترك كلشي هناك احسن النه صدقوني. وهذا قرار نهائي مابي نقاش... صعدت الغرفتي وجنت بس ابجي ماعرف منين اجت هاي الشغله هسه نمت وكعدتني ماما الصبح اروح للكليه بدلت ونزلت صباح الخير.. الجميع صباح النور. بدون عركتنه انا وعلي وشقانه لأن محد جان اله واهس يضحك الكل ضايج رحت للكلية دخلت اجت فرح هلو حلاوي شلونج. زينه الحمدلله.. فرح : شبيج خير شكو.. بعدين اسولفلج هسه عدنه محاضره. قبل لا أدخل اجو قصي وأدم سلمو آدم جان ضايج معرف ليش دخلنه للمحاضره انا جنت كاعده وراي كاعد آدم وقصي...... قصي:آدم شبيك ضايج شكو خير ادم: راح نسافر لأمريكا انعيش هناك. قصي مصدوم شنووووووو. آدم اي وبعد اسبوع ابوي عنده شراكة ويه واحد وراح انسافر هناك الشغل حلا: اني ضليت صافنه لأن سمعت الحجي كله كلت معقوله ابو ادم شريك بابا... خلصت المحاضرة وطلعنه... وسولفت الفرح كلشي. فرح بس تبجي تكلي اني ماعندي اخت انت اختي راح اتركيني وترحين شلون... خلص الدوام وجان يوم ماحلو ابد رجعت للبيت
آدم :رجعت للبيت جنت ضايج دخلت سلمت على الكل اخوي وزوجته وامي وابوي واختي وزوجه جانو عدنه سلمت وصعدت فوك لغرفتي.. وره شوي اجه حمودي ابن اخوي. صاحني كلي خالو جدو يصيحك نزلت. صاحني ابوي آدم.... نعم بابا..... باجر العصر وره الدوام العصر راح نروح أبيت شريكي نتعرف عليهم.. اني ماريد اجي روحو انتو... ابوي لا الكل يجي... اني اي زين راح اجي. صعدت الغرفتي وجانت الدمعه بطرف عيني لأن اني احب كليتي وقصي صديقي واحب حلا واني مامعترفله بحبي شلون اروح واتركه ولا اكدر اخطبه وازوجه لأن بعدني ماخلصت دراسه.... رحت نمت صار يوم ثاني كعدت ورحت للكلية وجانت حلا موجوده سلمت عليه وضليت اباوع الحلا ماشلت عيني عنه. دخلت للمحاضره صحت قصي كتله قصي. أريد اكلك شغله. كول شكو... قصي اني احب حلا.. قصي: اصلا اعرف..... اني شلوووون تعرف.. قصي. انت صديقي سنين شلون ماعرف كافي قبل شوي ماشلت عينك عنه.. آدم : لعد شلون راح اسافر واتركه شلون.. قصي:والله ماعرف توكل على الله إذا حلا مقسومه الك ان شاء الله محد ياخذه غيرك... آدم : ونعم بالله بس طبعا حلا الي اني ماكدر اعيش من دونه
فرح: ولج حلا... نعم..شفتي آدم ماشال عينه عنج.. انجبي شنو انجبي عساس انت ماتحبينه يعني.. اني طكيت من البجي فجئ.. فرح مصدومه ولج حلا شبيج ماحجيت شي يزعل.... اني اي احبه وشلون راح اسافر واتركه شلون. فرح حظنتني كافي ولج گطعتي گلبي سكتي كافي بجي بس....... رجعت للبيت واجو علي وبابا من الشغل كالو صعدو بدلا لأن راح يجي شريكي هو وعائلته يتعرفون علينه.. صعدت بدلت لبست بدله طويله حمره وفوقها ستره كابوي ولبست حجابي وحطيت مرطب شفه وشويت كحل ومسكاره طلعت كلش حلوه نزلت لكيت ماما جاي تبخر البيت وننتظر الخطار يجون.... اندك الباب طلع علي فتح الباب ودخلهم للدوانيه اول ماشفت آدم بوجهي انصدمت وضليت صافنه إلى أن أمي دفعني كلتلي شبيج انثولتي روحي سلمي. أي أي ماما رايحه اسلم سلمت على أخت آدم اسمه رشا وأمه ومرت اخو اسمه مريم. سلمت على ابو ادم. كتله السلام عليكم عمو.. جان يكله بابا هاي بنتي الصغيره حلا وهذا الكبير علي تعرفه. ابو ادم.. الله يحفظهم الك... وانا هذا الكبير زياد وزوجته مريم وابنه حمودي.. وبنتي الأصغر رشا وزوجه... وهذا آدم مامزوج.. بابا وماما.. الله يحفظهم الك... جان يكول آدم اصلا اني اعرف حلا.. اني صرت بنص هدومي كلت هذا شجاي يحجي... حلا وياي بالكليه اني وياه نفس القسم... جان تكول اخت آدم طلع الكل يعرف بعض واحنه مانعرف. الكل ههههههه. دخلو وكعدو قدمنا عصير وكيك وسولفت ويه اخت آدم وزوجت اخو كلش حبابات واخت ادم وزوجه يجون ويانه لأمريكا لأن زوجه يشتغل بالشركه.
آدم :سولفت ويه اخو حلا علي كلش حباب أخذت رقمه والفيس مالته.
حلا : طلعو من عدنه وانا جنت كلش فرحانه.. بابا : ها شلون العائله حبابين.. اني اي والله كلش حبابين.. علي :اي حبابين وخاصه آدم كلش خوش ولد.. أمي : اي والله حتى امهم حبابه.. حلا : صعدت الغرفتي جنت كلش فرحانه خابرت فرح.. الو هلو فرح شلونج ولج تعاي اكلج شنو صار وياي اليوم. فرح: هله حلاوي خير شنو صار. ولج ابن شريك بابا تعرفين منو... فرح:منو آدم... فرح ضلت مصدومه. صدك تحجين ولج... أي والله صدك. فرحت لي كلش فرح وسديت الموبايل وراها ونمت...
آدم :رجعنه للبيت بابا سالنه شلون العائله حبابين اني اي وآلله كلش حبابين وخاصه علي حباب.. وبصوت ناصي واخت علي هم تخبل. ابوي شنو؟؟ ماكو شي... رشا: اي والله حلا كلش حبابه. أم ادم: اي والله حتى امهم خوش مره.. ..صعت الغرفتي خابرت قصي . الو ولك قصي تعال شوف شنو راح اكلك... قصي :خير ولك شكو انت ماتجي من وراك غير المصايب.... آدم :طاح حظك لا ولك مو مصيبه قصي:لعد شنو.... تعرف منو بنت شريك بابا. قصي:منو؟؟ حلا هيه بنته يعني هي تسافر ويانه قصي :احلف والله آدم :ولك والله.. قصي :مصدوم وفرح كلش وكلي شفت من كتلك إذا حلا مقسومه الك محد ياخذه غيرك. ادم: اي والله صح ونعم بالله ولك فرحان كلش الدنيا ماواسعتني.... قصي: هههههههه أن شاء الله دوم فرحان يله ولك اريد اروح انام تصبح على خير.. آدم: وانت من اهله باي