كنا جالسين في الصاله والكل مجتمع فيها ويسولفون مبسوطين بعد سالفة أبوي تجاهلوا كل شئ وفرحوا أنه بينهم اللحين ، بينما أنا هلكني النعاس همست لأبوي : يبه بنام
أبوي : ما في نوم اللحين ، قوم غسل وجهك وتعال
فارس : يبه تكفى تراني هلكان نوم مانمت أنت نمت في الطيارة
أبو فارس : قلت ما في نوم اجلس مع اهلك شوي وتعرف عليهم
فارس : طيب بروح أغسل وجهي
تكلم جدي : سعد ودي فارس للمغاسل
فارس (دقيقة بسم الله ذا كيف سمعني )
ابتسم لي سعد ومشى قدامي
سعد : هذي اخر سنة ثانوي لك صح ؟
فارس : ايوا
سعد : يعني قدي ، ترا مو باين عليك باين انك بزر توك داخل المتوسط
مسكت قلبي وتنهدت : حرام عليكم ياخي كل ماشافني قال بزر أيش أسوي اذا نموي متوقف وأصلا من طولك أنت وجهك
سعد انفجر ضحك
طالعت فيه بتكشيرة : لا تضحك
حط يده على فمه : معليش بس شكلك يضحك وباين عليك القهر
غسلت وجهي
فارس : ماعلي منكم شايفين أنفسكم أنتم ! اللي يشوفكم يقول عواميد كهرب
أعطاني سعد مناديل ومسحت وجهي فيها
سعد حط يده على كتفي وقال :
ما عليك بتطول إن شاء الله وتصير عامود كهرب
فارس : إن شاء الله ، وأصير أطول منك وأعايرك على طولك أصبر بس
ضحك سعد : أمشي يا صعلوك
فارس : لا عاد تقولها لا تجيك ضربة تعلمك ايش يقدر يسوي الصعلوك
سعد : خلاص توبة ما اعيدها
رجعنا للصالة وجلست جمب سعد
فارس : أقول سعد العيال كم والبنات كم ؟
سعد : أفا ما تعرف أهلك
طالعت في سعد بنص عين
فارس : أنقلع أنت وجهك تدري متى آخر مره جيتكم يوم أني بزر وانا إيش يذكرني
سعد : يوه نسيت
بدأ يعرفني وأنا منتبة له
بعد ربع ساعة بديت أنعس رحت عند أبوي و حطيت رأسي على فخوذه
أبو فارس : قوم اللحين بيحطون العشاء
فارس : بنام ماني مشتهي شئ
أبو فارس : بعد شوي لا قمت لا تروح تطفشني وتقولي أنك جيعان
فارس همس : طيب إن شاء الله
غفت عيونه ونام
صحى على صوت أبوه وهو يقومه
فارس : مابي شئ بنام خلني
أبو فارس : وأنا قلت لك قوم تعال نام معاي في المجلس
فارس هو ميت نوم : ايش مجلس ؟!
ضحك أبو فارس : بكستاني أنت ... قوم يلا قوم
دخل جد فارس : هذا ماقام
أبو فارس : لا وشكله مو ناوي
جد فارس : أنا أوريه كيف يقوم
ضربه بعكازه
نط فارس وصرخ من الخوف
مسح مكان الضربه : عورتوني خلوني ياخي بنام هنا إيش يصير
جد فارس : قوم أحسن لك لا تجيك ضربة تكسر عظامك
فارس : خلاص قمت بدأ يمشي وهو مغمض عيونه مو شايف شئ من النوم
مسكه أبوه : الله يصلحك ما أنت فالح إلا في النوم
سلام
أتمنى يعجبكم البارت اللي مافيه أحداث كثيرة لكن كل شئ راح يبتدئ وراح أطول في البارتات
So thanks guys
Love you
