Part <10>
راحوا الضباط يشوفون الموقع
تركي يناظر الموقع / والله مضبوط
بندر: متى العمليه ؟
أسامه : بعد أسبوع لأن التاجر مو موجود مسافر
تركي : بعد أسبوع , بعد أسبوع , الله معنا إن شاء الله
بندر: من مشارك فيها ؟
أسامه :الكل وانتوا مو معهم بس جهزوا انفسكم يمكن نحتاجكم
تركي وبندر : إن شاء الله ...
في بيت الجد
تهاني تكلم لمى ع المسن
لمى : اوف طفش طفش
تهاني : من جد
لمى : خلينا نطلع
تهاني : وين نروح
لمى : مدري أي مكان
تهاني : نروح لشوق
لمى : لا وين , خاف أخوك بالبيت ونحرجها
تهاني : طيب أكلمها واسألها
شوق أعلنت دخولها بالمسن
تهاني : بسم الله علي كنها حاسه
لمى : هههههههه سوي أنفايت
تهاني : ايه دقايق
دخلت معهم شوق محادثه جماعيه
شوق: يالمصافيق مجتمعين ولاقلتوا لي
لمى :ههههههههههههه تونا بندق عليك
تهاني : ايه شوشو
شوق: ايييييوه مادام السالفه فيها شوشو أجل فيها دراهم
لمى : هههههههههههه
تهاني :ههههههههههه
تهاني: لا والله بس طفشانين
شوق: تعالوا عندي بنادي فهده ومي بنت خالتي ونهى صديقتي والهنوف بعد
تهاني : جمعة بنات يعني
شوق: ايه تعالوا أخوك شوي وبيطلع وبجلس لحالي
لمى : خلاص ع المغرب نجيك
شوق: يالله طسوا أروح أشوف البيت
تهاني : الله الله شوق صرنا حريم
شوق: (فيس معصب ) على تبن
تهاني : بناات برب لحظه بنت عمي تحاكيني
شوق: طيب
لمى : لاتطولين
تهاني : باااااك
شوق: أحلى باك
لمى : ماشاء الله مسرع خلصتي منها
تهاني : ايه كانت تقول أنها بتجيني عشان كذا أعذريني شوشو ماراح أجي
شوق: خير (فيس معصب) تعالي وجيبيها معك
تهاني : لا لا لا
(لمى وشوق أستغربوا رفض تهاني )
شوق: ليش لا
تهاني: اهي خجوله وتستحي
شوق: وانا بناكلها تعالوا بس وجيبيها ترى والله أزعل
تهاني : ياربي
لمى : شفيك أنتي ماتبينها تجي
تهاني : لا والله بس يعني
شوق: أقول والله أن ماجيتي جيت أسحبك من كشتك
لمى : كفو شوشو
شوق: يالله بنات بروح ألحق على تركي يجيب لي أغراض
تهاني: طيب يالله باي
لمى: باي شوشو
شوق: بااايااات
طلعت شوق وظلت تهاني ولمى
لمى : ألحين أنتي وش فيك
تهاني : افهموا بنت عمي راعية مشاكل
لمى: الهنوف راعية مشاكل ومانفيناها عادي جيبيها متعودين ع الغثه
تهاني : ( فيس يبكي )
لمى : تهاني سالفة أنها راعية مشاكل ماخشت بالي
تهاني : بصراحه
لمى : أي قولي
تهاني : رنا بنت عمي حاطه عينها على تركي وماتستحي تطلع عليه ماتغطي وجهها وخايفه أخذها وتفشلني عند شوق
لمى : اهااا ماعليك شوق متعوده على هالأشكال وان تصرفت تصرف بايخ بتتفاهم معها
تهاني :هههههههههههه عارفه
لمى : خلينا من هالسالفه متى بتروحين بيروت عشان فستان زواجك
وكملوا سواليف
بيت تركي
شوق: سيمي سيمي
سيمي جت تركض: يس مدام
شوق: وين مستر تركي
سيمي : فوق
شوق : اوكي
