Pilipinas, Inang Bayang Sinisinta
Ika'y natatangi, Perlas ng Silangan
Sa iyong ganda'y dayuhan ay nahalina
Tinangkang kamkamin at pagsamantalahan
Unang sumubok espanyang makapangyarihan
Paunang layunin ay krus at espada
Prayle't simabahan pasakit ay karahasan
Alipusta sa Pilipino'y magugunita
Sunod na sumubok mga Amerikano
Mabuting balita,edukasyon ay handog
Subalit tunay na kulay matatanto
Unti-unti lihim na agenda ay nabunyag
Hapones, maituturing na huling nagtangka
Nagsasabing ang Asya'y para sa Asyano
Ngunit hirap at pighati sa pamilya
Naranasan ng bawat pilipino
Di nagtagal mga pilipino'y namulat
Nagising sa katotohanan at nagaklas
Tulad ni Jose Rizal na manunulat
Lupon ng Pilipino't sandatahang lakas
Dumanak ang dugo ng mga pilipino
Buhay inalay ng bayani't ninuno
para sa kalayaang nais matamo
Na hanggang sa kasalukuyan hawak mo
