وِبِګ أّګتّفِّيِّ

[ البارت 3 ]

وأغار منيِ؛ حيِن أرى نفسِي فيّ إنعكاس عينيْه

.....

× في الطريق للاستراحه ×

ندى : يبه انا بروح مع تهاني ونديم ونسيم

ابو نواف : لا انتي بتروحين معنا ونديم يروح مع واحد ثاني .. خلوا المعاريس لحالهم لاتضايقونهم

نسيم قرب لسياره ابوه : لاعادي يبه .. اصلا انا قلت لنديم يجي معي يونسني بالطريق .. تهاني ماتتكلم ولا تسولف وانا انسان اطفش بسرعه .. وعادي ندى تجي لو حبت

ابو نواف : ماعندي الكلام ذا .. نديم وندى ماراح يروحون معك .. يلا انقلع رح خذ زوجتك وروحوا

ندى ركبت مع ابوها وامها ..

نديم وصل لسياره نسيم وكان لحاله هناك : حياتي تاخرت عليك ..

نسيم : اسف نديم ماراح تروح معي .. ابوي رفض حد يروح معنا

نديم بحزن : امم عادي مومشكله .. بروح مع تبان

نسيم : وش معنى تبان هاااه .. ليش ماتروح مع نواف وتميم او تركي

نديم : تميم بيروح مع عمي .. ونواف يقول بيمر مكان اول بعدين يجي ويمكن يتأخر .. وتركي قالي نفس الشي ..يعني بروح مع تبان

نسيم : لا .. اركب معي يلا

نديم : وتهاني .. بتجي

نسيم : ايه بتجي يلا انت اركب وننتظرها لين تجي

وصلت تهاني وركب نسيم وركبت جنبه تهاني .. ونديم ركب ورا نسيم

نسيم يعدل مرايه السياره عشان يقدر يشوف نديم ..

نديم يبتسم : يلا مانبي نطول عليهم ..

تهاني مشغوله ترسل بالجوال وتتفرج في المحلات و نسيم يطالع في نديم بالمرايه : هااااه وش حابين تسمعون

تهاني : اجنبي حلو

نديم مايحب الاغاني الاجنبيه كثير ويعرف ان نسيم بعد مايحبها لاكن ماحب يخجلها خصوصا ان ماصار لها الا يوم واحد من تزوجت اخوه

نديم : حط اجنبي احلى

نسيم شغل اغنيه اجنبيه وكانت رومنسيه كلماتها وكانت عيون نسيم متصله بعيون نديم في المرايه .. وفجئه حس نسيم بيد تهاني على يده .. وطالع في يده وماقدر يبعدها عشان مايكسر بخاطرها ..
وبسرعه طالع في نديم اللي اول ماطاحت عيونه بعيون نسيم
نزل راسه يلعب بيدينه عشان يشتت نفسه عنهم

× في سياره ابو تركي ×

ابو تركي : تاكدت يا ام تركي من الاغراض كامله اخاف ناقص شي

ام تركي : لا موناقص شي .. بس الشغلات وينهم من الظهر ماشفتهم ونسيت اسئلك

ابو تركي : ارسلتهم مع شغالات اخوي للاستراحه