وِبِګ أّګتّفِّيِّ

[ البارت 4 ]

اتمنى اشوف كومينتات وفوت كثيره عشان البارت الجاي ينزل بسرعه ياليت ترجع مثل البارت الاول

LOVE U ❤

Enjoy

×××

إن كنت أعز عليك فخذ بيديّ، فأنا عاشقاً لكَ من رأسي حتى قدميّ

×××

× عند الحريم في الاستراحه ×

ام تركي : يامنى يابنتي ..

منى : سمي ياخاله

ام تركي : ماغرتي من حماتك ساره شوفيها ماشاء الله بعد ماجابت تالا زاد حب زوجها لها .. وونستها بنتها .. ماودك تجيبين بنت مثلها تملي حياتك انتي وماجد

ام ماجد : عي والله يا ام تركي كلميها .. عجزت معاها هي وماجد .. راحو للمستشفى بس قالوا لهم ماعندهم مشاكل

منى : والله موبيدي ياخالتي .. بس ربك كريم الله يرزقنا

تهاني : امين يارب .. ويرزقنا بعد

ندى : على ايش مستعجله توك امس متزوجه .. تهني به لوحدك شوي .. بعدين فكري بالعيال .. ترا بعدين ماراح يخلونكم تاخذون راحتكم هههه

ام نواف : ندى ابعدي عن البنت لاتوسوسين بذنها .. يابنتي يا تهاني ماعليك منها .. بسرعه شدي حيلك ابي اشوف حفيدي واربيه مثل ماربيت ابوه

× عند الرجال ×

في المجلس اللي كان كبير وواجهه كلها قزاز .. والكنب جلسه ارضيه لاكن فخمه وكانت على ثلاث زوايا ..

تميم كان جالس على الكنب كل شوي يطالع جهة الباب يبي يشوف نواف اول مايجي ..

نديم ونسيم كانو جالسين على الارض مقابل الباقيين ومعطين ظهرهم للباب ..
نديم : تميم لي ساعه اكلمك وعينك على الباب ماتسمعني .. وش تنتظر

تميم : هااه .. لا ما انتظر حد

نديم : طيب يالحب كلمنى عطنا وجه حبي

نسيم اللي كان منسدح على جنبه ومتسند براسه على يده .. و نديم جالس قدامه ولاصق ظهره في بطن نسيم ..

نسيم قرص نديم في خصره وبهمس : انطم

نديم يمسك مكان القرصه : ااااه .. يااااا الــ ..... ليش تقرصني شسويت انا

نسيم بهمس : لا سبني بعد .. لاتقول يالحب وحبي ومن هالاكلام لحد فاهم .. ولا ترا ما اخليك تجلس هنا

نديم : لاوالله احلف .. بزر انا

نسيم : لاتتفلسف علي ..

نديم : اففف

دخل نواف للمجلس وجلس جنب تميم

نواف : السلام عليكم

ردوا كلهم السلام .. تميم قرب اكثر من نواف