عندما نحب، عندما ينبض قلبنا لرؤيه من نحب
عندما ننضر بعينه ونبتسم ، عندما تتلامس يدينا لنشعر باللهفه "
هذا هو النعيم
لكن هناك وجه اخر للحب ، وجه عندما نراه نعيش بالجحيم !
اسمي براق شاب ٢٠ سنه عمري
مجرد شاب عراقي عادي اهلي محترمين
حياتي عاديه مبيها شي مميز جانت عندي علاقات قبل الصراحه علاقتين وفشلت بيهن بس عادي ماثرت بيه جانت اول سنه الي اداوم بالكليه واتعرف ع عالم جديد
بنات ولد علاقات جديده
بيوم من الايام سوو الجامعه كروب لكل كليه ع الفيس اني علوم بايو (بايلوجي) ضافني صاحبي لكروب كليتنه جانت اكو بنت مسميه نفسها فتاه بلا احلام عجبني اسمها
حيل جنت اعلق ع كل شي تنشره ماعرف هي منو او يامرحله بس جانت عاجبتني اسلوبها منشوراتها
سام:(صديق براق بنفسً القسم)براق اكلك اليوم شلون شفتلك شوفه
براق:وين
سام:بنت صاكه جايه استضافه لقسمنا
براق:مشفت وحده جديد
سام:خرب خربطت اقصد الكليتنه هي قسم جيلوجيً
براق:ممم راح تكبل وياهة
سام:احم احم صاك الجامعه شلون ماكبل
براق:متمل من هالشي
سام:بربك هو اكو احلى من الحب والتكبيل والبنات والرومانسيات اويلي
براق:خهههه وخر وراي شغل
سام:وين رايح
براق:حرجع للبيت ااجر تكسي ابوي عازم عمي ع الغده ولازم اروح
سام:اشوفك باجر
براق:يله باي ،وطبعا حتى افلت من المحاضرات وماريد سام يعرف وين راح اروح جنت ناوي اروح لبنت بكليه الحقوق صاحبته قبل كم يوم بالنت وتواعدنه نلتقي وماردت احد يعرف عيب من البنت خصوصا انو ماعرف عنها شي دامشي بالكليه فلفت من وره الاقسام الداخليه صاير مثل الطريق ترابي محد يجي هنا اصلا
براق: سمعت صوت بنت تحجي وتهدد وتتوسل بواحد اقتربت اكثر شفت بنت دتخابر وتتوسل بشخص حتى مينشر صورها طبعا مردت ادخل بس قهرتني حيل مشفت حتى وجها لزمت الفون من ايدها
براق:الو انت منو
الولد:انت منو وليش اخذت التلفون من هبه
براق:اسمع يول اذا هددت بيها بعد ابوك اسمطه
الولد:انت منو تعرف المن دتحاجي
براق:اني ابن الواء ... يعني باتصال واحد اخليك وره الشمس فاهم
الولد:اسف والله
براق:سد الخط انداريت ع البنت جانت تبجي ومصدومه ومنزله راسها نطيتها الفون حتى ماخجلهة اني براق قسم بايو مرحلىً اولى اذا ضوجج انوب بس تعالي القسمي واني اتصرف رحت وعفتها
