مبارح بالليل صارت مشاكل بالبيت وبسببها اخدوني ع المشفى اغمى عليي عطوني ابرة مهدء ودوا مرخي اعصاب لو م لحئوني فين كان دمي تجلط ومتت .. اسفة حبيبي له السبب م قدرت حكيك مبارح بعرف بتكون نطرتني وم اجيت بس هيك صار معي .. وهلء بس تفتح رح احكيلك .. صح تعبت من اهلي صح اهلي هنة هيك من البداية لدرجة اني من قبل م اعرف غيث كنت مستسلمة ورح انخطب بعدين بصير وبتعرف ع غيث متل اشارة مساعدة من رب العالمين عم يقلي صبري م تستسلمي في حياة احسن الك .. وفعلا هيك صار بعد م عرفت غيث بيومين لسا قبل م نحب بعض حكيت ل ابوي قول للجماعة انا م عاد بدي وصار يصرخ عليي شو نحن عم نلعب ومن هالحكي .. وفعلا غيث كان وصار املي الوحيد به الدنيا هو الشخص الوحيد الي صابرة كرمالو هو بيستاهل هالشي بيستاهل اني اتحمل كل الصعوبات كرمال عيونو لانو فعلا رجال بكل ماتعنيه الكلمة من معنى .. رح نعيش سوا بأذن الله رح نكون احلا تنين .. انا كنت م بحب غير الله ورسولو لا اهلي ولا مخلوق ع الدنيا حبيتو لحتى اجا غيث وصار الله ورسولو فوق وغيث تحت ... كل المحبة ل غيث وبس نتزوج رح تصير ل 3 اشخاص غيث وولادنا ال 2 يلي الله رح يبعتلنا ياهن ان شاء الله .. الله بحبني والحمدلله والشكر لله لو م بحبني م بيبعتلي شوية أمل ل حب الحياة .. رح ادرس واشتغل وحقق حلمي يلي بيرضيك ي ربي .. الف الحمدلله على كلشي .. لسا هلء الساعة 7:30 الصبح غيث اسا بكون اول م فايق ل روح اتغالظ عليه بعد شوي
برجعلكن
