(جزء 1)..
تعرفنا ع بعض على الفيس بوك وكنا صريحين من البداية مع بعض .. حكيتلو كلشي عني شو بحب وشو بكره وكيف بفكر تقريبا حفظني وحسيت انو تفكيري عجبو ..
ومرة من الايام حكالي ذكريني بدي احكيلك قصة قلتلو ماشي ولما اجا المسا قلتلو رح تحكيلي القصة قلي طبعا .. سمعي .. حكاالي عن قصتو مع بنت كانت حبيبتو .. طبعا هو حكالي القصة ولسا م كنا منحب بعض انو كنا اصدقاء بس .. حكالي انو كان هو بيعرف بنت من 4 سنين كانت البنت مرتبطة وبعدين تركت حبيبا وصارت تحكيلو شو بصير معها وبيوم من الايام حكالها بحبك وبدي ياكي حكتلو بدي فكر ..
فكرت البنت ووافقة ضلو سنة مع بعض بعدين بيوم اجت حكتلو !! غيث انا م رح اقدر افتح فيس حكالها ليش حكتلو لانو عندي دراسة انا بكلوريا .. حكالا اوك اوعك ترجعي تحكيني او تفكري فيني وانسيني والبنت م اهتمت ل كلامو وتركو بعد فترة بترجع بتحكيه وبقلو انو هي بتحبو وبدها ترجعلو حكالا اوك بس هو بطل يحبها صار فرق .. هو كان يهتم فيها وهي كانت باردة ولما رجعتلو صار هو بارد معها وهي تهتم فيه .. ولا بيوم اجا سألها ليش م كنتي هيك من قبل .. حكتلو م كنت ( مقتنعة )!! قلها سنة كاملة عم تضحكي عليي ومانك مقتنعة .. حكتلو انا تغيرت .. هو هون م بقا يحبها ابدا وهي عم تحاول تثبتلو حبها بس هو م بقا عم يحس بشعور الحب تجاها ابدا .. هون خلصت قصتو معا بس كانت لسا عم تحاول تضل معو وتصلح غلطا .. بس كلشي عم تعملو البنت ع الفاضي ..
