يااااه ...هو ممكن تكره حياتك اوي كده
ممكن تكرهها لدرجة انك ممكن تعمل اى حاجة عشان تخلص من نفسك ...
تخلص من حياتك المملة المستفزه .....
ممكن تتعصب لدرجة عالية اوى ...تخليك تكره كل حاجة الحلوة و الوحشة
حتة لو في حاجات كتير اوى حلوه فى حياتك بتحبها...او عايش عشانها
بس في لحظه غضب ممكن كل حاجة حلوة تروح
كنت قاعدة علي سريرى صاحية الساعة 4:30 بعد الفجر
ماسكه رواية حلوه اوى بجد
كلامها مريح للاعصاب رومانسية مع انى مليش فى الرومانسي اوي
بس مشرفة المكتبة اللي بشتري منها كتبي قالتلى انها هتعجبنى
اوى و هى فعلا عجبتنى اوى ....
الرواية في ايدى ...مج القهوة جنبى على الكومود ..
البلاكون مفتوحة و الهوا جميل اوى منعش للنفس اوي
الشمس في طريقها انها تيجي بس نورها قريب
الوقت بيعدي بسرعة الضوء
مع اخر حبة خدتهم من مج القهوة و بصيت بعدها في الموبايل
اشوف الساعة لقيتها بقت 6:44
ياااه بالسرعة دي كده .....
مفيش حاجة قدامي دلوقتي غير انى انام
قفلت الكتاب ...قفلت الموب ....حطيتهم جنب المج ....مرديتش
اقوم اقفل البلاكون ...حبيت اوي اني اسيبها
اول ما راسى لمست المخده عينى راحت فى النوم
بسرعه اوي
فتحت عيني ولقيت الساعه كانت 10:30
فقت و قمت من علي السرير ....غسلت مج القهوة
نتقى شر امى و زعيقها عالصبح
مش طالباها خالص على الصبح
ماما: انتي صحيتى يا هانم
انا: ايوه يا ماما صحيت
: وطبعا زي كل يوم ....سعادتك نيمالي وش الفجر و لسة
صحية وطبعا سيادتك ماسكالى كوباية القهوة ولا اللى
عندها 50 سنة و ماسكالى كتاب تقرا فيه
زى ما يكون خلاص الثقافة نزلت فجأة عالبت
: يا مثبت العقل والدين يارب
ماما... انا مرتاحه بمواعيد نومى و صحياني دي
معرفش هي مدايقاكى لية و بعدين ايه علاقة القهوه بالسن
و على فكره انتي عارفى انى بقرا كتب من زمان و بحب الكتب اوى
ماما اظن انى كبيرة كفاية انى اعرف امشى حياتى بنفسى
انا مش صغيرة انا عندى 19 سنة
وياريت متدخليش في حياتى اكتر من كده
كده كتير كتير اوى
"ماما مسكتنى من ايدي جامد":يا قليلة الا دب يا حيوانة
.....انتى روحتى ولا جيتى لسة عيلة صغيرة
مش عارفة حاجة
خليتها تسيب ايدى: لااااااااا دى مبقتش عيشة دي بقى
وروحت اوضتي
اوف دي عيشه دي ولا أرف
مستحيل تكون دي عيشة ده اكيد ابتلاء
" ماما جت خبطت على باب الاوضة"
الفطار خلص يا زفتة هتطفحى و لا لأ
: مش عايزه اطفح
: احسن بردو
قاعده علي الارض و ضامة رجلية ل صدرى
ودموعى خلاص هتنزل
يا ربى انا كرهت عيشتى دي بقي اوف
انا مستحيل اكمل فيها
كل يوم خناق و زعيق و ارف و لو مش مع ماما يبقي مع بابا
قومت بسرعة.....
انا خلاص خدت القرار
مش Never say never بقى
غيرت هدومي و لبست لبس نضيف
________""________________""______________""
الناس الجدعان ....... عان
الحلوين اوي اوي .........اوى
اللى بيقروا و بيعملوا vote ...... ڤوت
اڤورت انا صح ....
ربنا يكرمك يا اوختشي ياللى بيقري و بتعملى ڤوت او comment
تتفتكروا اية الفكرة او بمعنى اصح القرار اللى هولى اخدته؟؟؟؟؟؟؟؟؟؟
~ maryaam
أنت تقرأ
Ellie Aaber
FanfictionIf you believe.. dreams may come true Life will change.. will be unbelievable ( Ellie ;)
