Ellie Aaber

chapter..8

...

- يالا بقى انت اتكلم عن نفسك

سمع كلامي و سكت عشان يرد بعد 3 ثوانى من الخيال

و السرحان والتفكير العمييق اللي متتطلبش منه وقت

ولكننه رجع بابتسامه حنينه وقال

- انا بقى اسمى احمد مأمون
عندي اخت اصغر مني بتدرس في Portland

بابا و ماما ماتوا فى حادثة طياره
من 7 سنين كانوا مسافرين علشان بابا كان بيسافر كتير.. للشغل طبعا.. ماما كانت معاه.
مفضلش غير انا و اختى.

سكت لمدة كام دقيقه ميتحسبوس.. و بعدين كمل كلامه بصوت شويه مخنوق ..و عين بتلمع من الدموع ،بس مسابش نفسه يبكي ..

بدأ يتكلم بسرعه بنبره صوت مصطنع فيها القوه .. بس للاسف مصمدش كتير بالنبره دي و رجع لنقطة البدايه..

- ماتوا و أنا عندي.. 12 سنه .. يعني سابوني في وقت انا كنت محتاجلهم فيه جدا ّّّ.. سابولى شويه فلوس
لسه فاكر شكلهم و بابا بيطبطب علي كتفي.. و ماما و هي بتحضني.. كنت بحبهم اوى لدرجة اني مش مسامحهم على انهم مشيوا و سابونى...

عارف انه مش بإديهم و انه قدر ...
بس انا.... *لألأ فالـ كلام* انا بس محتاجهم...

..بص فالارض ..

سكت..

- عندي صحاب كتير جداً دلوقتي.. هما بيقولو كدا .. بس انا مش حاسسهم،
بتوع سفر و سهر و هزار و ضحك و فرحة ،،
وجودهم حلو ،، بس مالوش لازمة ،، بيكدبو على نفسهم . مش عليِّ
انا وهما عارفين انهم موجودين عشان السهر والشرب والخروجات الحلوة و الفلوس اللى بتتصرف ف اي حاجة ملهاش اي 3 لازمه ..
ب

س محدش جمبى ..
محتاج اكون كويس

،، حتى لو مش فرحان ،، على الاقل مرتاح طيب
اكون مطمن..
.. جوايا حته محدش قدر يوصلها ،،
محدش عرف يخلينى انسى .
محدش عرف يخلينى محسش بالوحده ..

I can catch the best moments of people , laughing, dancing, smiling, kissing , smoking , screaming,,
انا شفت قد ايه الفرحه ممكن تطلع من اكتر حته مقفولة جواك ..
و شفت بردو قد ايه ممكن تزيف ضحكتك و تصطنعها ..
شفت عيون بتضوي من الفرحة..
و عيون تانيه مكسوره بتستخبي، محمرة و تعبانه، تحتها مصبوغ اسود ..
انا مش مصدق انى بتكلم معاكى كدا ،، انا شفتك من شوية بس..

قربت بسرعة و خدته فى حضني ..
ايدي ضماه ، مدخلاه كله فى حضنى ، ايد محاوطاه ، و التانية على راسه بتقربه اكتر ليا ، راسه علي كتفى ، فوق صدرى ،
حضنه مريح ، حسيت بضربات قلبه ، و بنفسه اللى بيتنفسه ، بالتنهيده اول ما جسمنا لمسوا بعض..دموعه السخنه اللى بتنزل فى صمت ، بكل الوجع اللى موجوعاه انا من وحدتى ، و بكل الراحة اللى فالعالم ، و بإحتياجى ليه ، و باحتياجه ليا ، بجماله ، و نقاوة قلبه ..
بحاجات كتير اوى