رهف : كنت جالسه اقلب في قنوات التلفاز اشعر بالملل اتتني فكره سوف اذهب للسوك قمت وبحثت عن اخي سلطان في المنزل سلطان يمعود وينك اووف ماما ما شفتي سلطان وين
السيده سلمى : لا ما شفته شوفي بغرفته خاف
رهف : شفته ماكو
السيده سلمى : انتي شنو تريدين منه
رهف : اريده يأخذني للسوك اريد اشتري ملابس مدرسه
السيده سلمى : اووف منج ولا تشبعين من السوك ومن الملابس
رهف : ماما شتردين مني بعدني بشبابي خليني اتونس
السيده سلمى : اني من جنت بكدت ما اشتري هلكد ملابس واخسر اهلي افلوس هيح علخالي بلاش البس الي عندي واسكت
رهف : اووف منج نبع الحنان ادري بيج جنتي خوش بنيه بس هاي انتي مو اني
السيده سلمى : ما يفيد وياج
سلطان : السلام عليكم اشلونج يمه
السيده سلمى : وعليكم السلام هلا حبيبي
رهف : سلطان حباب اخذني للسوك اريد اشتري ملابس مدرسه
سلطان : ولج بابا انتي متشبعين من الملابس يوميه وديني للسوك وديني للسوك
رهف : اووف شنو السالفه هسه اني شمشتريه يلا حباب صير خوش ولد ووديني
سلطان : يعني هسه اني مو خوش ولد ماشي
رهف : منو كال انت مو خوش ولد انت احسن واحد بالدنيا
سلطان : يلا بدلي بس بسرعه اذا تأخرتي اعوفج واروح
رهف : يي فديتك ما اتأخر ثواني واني يمك بدلت ملابسي عالسريع ونزلت يلا خلصت امشينه
سلطان : سبحان الله رهف اول مره تلبس عالسريع يلا امشي
رهف : طلعنا وتوجهنا للسوق وصلنا نزلت من السياره دخلنا للسوق وبديت اختار الملابس وبعد 3 ساعات من التجول انتهيت وأخيراً
سلطان : شدعي عليج رهف وكعتي رجليه بعد زوج الي يطلعج
رهف : هسه احنه شكد افترينه هنه 3 ساعات
سلطان : ما كايله شي
رهف : اخويه حبيبي اختك جوعانه مراح توكلهه
سلطان : شوف اللواكه اوكفي هنا راح اجيب السياره واجي مو ترحين منا لو منا وبعدين نروح لمطعم صمد ناكل هناك
رهف : ياي فديتك حبيبي انته اوك روح جيب السياره واني هنا منتظرتك راح سلطان يجيب السياره وبقيت اني واكفه بمكاني اجت سياره كيه سوده وكفت كدامي نزلوا منهه ثنين شباب
احد الشباب : نزلنا من السياره وفتنه من يمها وبعدها التفت عليها وخليت قطعه قماش على وجهه بحيث استنشقت المخدر
