رهف : اسيقظت صباحاً بتثاقل دخلت للحمام استحميت وخرجت غيرت ثيابي وهممت بالخروج وكالعادة استوقفتني امي
السيده سلمى : رهف تعالي تريقي
رهف : ما اريد ماما يلا راح اروح قبل لا اتأخر
السيده سلمى : تعالي راح اسويلج لفه واكليهه بالطريق لو بالجامعه
رهف : ماما اني هسه بالجامعه ومو بالمدرسه هي مال لفه يلا بااي
السيده سلمى : الله وياج حبيبتي
رهف : خرجت من المنزل من عادتي اذهب للجامعه سير على الاقدام لا احب ركوب الباصات او السياره الخاصة خلال سيري سمعت صوت يندهني انه صوت مؤلف نعم اعرفه هو زين بقيت واقفه في مكاني لا استطيع ان اكمل سيري ولا استطيع ان انظر اليه
زين : كنت اراقبها كل يوم وهي لا تشعر بوجودي اريد ان اتحدث معها لقد اشتقت اليها كثيراً لقد تغيرت كثيراً لم تعد
تلك الفتاة المفعمه بالسعاده اصبحت مليئه بالهموم شكلها تغير أيضاً كنت اخاف ان اتكلم معها اخاف ان ترفض ان
تسمعني او تقول لي انت ماضي ولقد نسيته واليوم تجرأت وقررت ان اتحدث معها ندهت عليها لكنها لم تجيبني او حتى تنظر الي
اقترب منها ووقفت بجانبها نظرت اليها كانت تنزل رأسها وتنظر للأرض قلت رهف شلونج
رهف : انه على قيد الحياة اشعر انني اريد ان اعانقه بقوة اشتقت اليه كثيراً يجب ان ابتعد عنه لا اريد ان اضعف انه الشخص الغير مناسب لي تماماً لم اجبه اردت الذهاب لكنه امسك بي من معصمي قلت رجاءً هد ايدي احنه بالشارع
زين : اشتاقيتلج رهف باوعيلي بس مره وحده
رهف : انت شتريد مني تريد فلوس بعد ما عندي اخذت كلشي يعني صرت ما افيدك روح دور على ضحيه ثانيه وسوي بيهه نفس الي سويته بيه كنت اختنق مع كل كلمه اقولها اريد البكاء لكن ليس امامه
زين : بعدج مصره على هذا رأيج انو اني كذبت عليج واخذت فلوسكم
رهف : لا انت مسويت هيج لا كذبت ولا اخذت فلوسنه صح مو هسه انت شتريد
زين : اريدج تنطيني فرصه علمود اوضلحج الي صار
رهف : كلشي واضح شتوضح بعد اكثر من هيج ويلا روح وما اريد اشوف وجهك
زين : اني احبج وما اكدر انساج وما راح اروح وراح اضل وراج لحد ما تخليني اشرحلج اني ليش سويت هيج
رهف : كافي عاد وما اريد اشوفك كرهت حتى البشر من وراك انت واحد جذاب ومستحيل اثق بيك مره ثانيه
زين : كل كلمه دا تكوليهن مثل الخنجر وتنغرز بكلبي لا تحجين هيج الله يخليج
رهف : هسه الحجي ميفيد كلشي صار وانتهى وانت صرت شي منتهي بالنسبه إلي ذكرى وبس
