بتبدأ مرحلة ثانوي علي البنت، و أنا بعتبر دي مرحلة تحديد ملامح الشخصية. قبل كدة مهما كان انت طفلة، بس ثانوي هو مرحلة تغير من كل ناحية. مرحلة تحول في جسمك، في شكلك، في لبسك، في تفكيرك، في أصحابك، في انتمائاتك، يعني المرحلة اللي انتِ بتبدأي تبقي انتِ فيها.
أول تغير: الجسم.
بتبدأي تهتمي انك تخسي جامد، تتمرني، تعملي كل اللي انتِ تقدري عليه عشان يبقي جسمك حلو. السؤال هنا ليه؟ أنا مش محتاجة أعرف ردك. بس هو غالبا واحد من أتنين، بتهتمي عشان نفسك و شكلك و صحتك -و ده الرد اللي نفسي أسمعه- أو بتهتمي عشان الناس، موضوع الناس ده حكاية لوحده عشان الناس بتتقسم أنواع: أولهم الأولاد، طبعا مفيش بنت مكانتش عايزة ولد يعجب بيها و كدة فبدأت تعمل أي حاجة عشان تعجبه، صح؟ هنا ندخل مشكلة تانية، لو بيحبك عشان شكلك يمشي، أصل متسمحيش لحد يبصلك كأنك شيء، جسم مش شخصية. النوع التاني من الناس هما ناس هيألسوا علي وزنك، دول عندهم نقص صدقيني و ده يرجعنا لنقطة، لو مش عايزة جسمك يبقي حلو عشان نفسك متخسيش.
ثاني تغير: الشكل.
ده بيتغير إطلاقا، بتبصي علي صورك في إعدادي و تبقي غائزة تنتحري أكيد. بس المشكلة أتغير أزاي؟ تغير انك تلبسي حاجات مش لايقة علي مواقف، زي heels و blazer و full makeup في درس أو الصبح، ده من فضلك أرجعي لإعدادي.
أو تغير للأحسن، يعني بتعرفي تختاري اللبس المناسب للوقت المناسب. بس من فضلك، لما تلبسي حلو انت بتلبسي عشان نفسك مش عشان غيرك.
ثالث تغير: الشخصية.
أنا مش هعرف أتكلم هنا، مش عشان حاجة بس عشان تكون الشخصية بيكون نتيجة للظروف، طريقة التفكير و كل ده بيعتمد علي ظروف البنت اللي هي عايشأها.
المشكلة عندنا في ثقافة، زي ما قلت قبل كدة، "البنت اللي لابسة كويس دي عايزة تتعاكس"، "ما هي اللي لابسة كدة."،"ما هي اللي استفزته"،"أنا بديها ثقة في نفسها" بصي، اللي يقولك كدة اشتميه. أه صح نسيت الستيمة عيب للبنت. طيب أنا بنت إيه موقفي؟ اتخلي عن أنوثتي عشان انت مش قادر تتحكم في رجولتك؟ لا أنا أسفة يعني بس أبو أمك، أصل هتتحكم فيا؟ في لبسي؟ في تصرفاتي؟ في أنزل إمتي و أمشي إزاي و أمشي فين؟ طب ما تتحكم في نفسك.
إيه؟ حيوان؟ فاكر إن بصتك دي بتفرحني؟ تبقي حيوان.
فاكر إن كلمتك بتديني ثقة في نفسي؟ تبقي بردو حيوان.
ملعون المجتمع اللي فهمك انك أحسن مني، إن لما متقدرش تتحكم في نفسك أبقي أنا السبب.
ملعون المجتمع اللي أداك حق تحس إني لعبة أو ضعيفة.
أقولك، أنا مش هدعي علي أمك ولا أختك ولا بنتك، ملهمش ذنب انك حيوان. أنا هدعي عليك انت.
أه و لو شايف إن لبسي حرام، ربنا أمرك بغض البصر و لما متسمعش كلامه ده حرام.
و عموما اللي هيحاسبني هو اللي هيحاسبك.
أنت تقرأ
اتولدت، هي دي غلطتها؟
Teen Fictionالموضوع بسيط جداً، احنا عايشين في عالم ماينفعش من غير البنت، بس البنت أكتر كائن مظلوم فيه. قررت أناقش شوية مشاكل البنت بتشوفها نتيجة الجهل أو تقاليد المجتمع اللمقتنع إن لها إقتناع بالدين، بس هي ملهاش أي علاقة بيه كل إسبوع هنشر فصل، وإحتمال كبير محدش...
