بتبدأ القصة مع أسرة متوسطة، الاسرة اللي اتولد عندهم بنت الصفحة إلي فاتت دي. بنتهم بتكبر وكل ما حد يشوفها يقول "ما شاء الله" "بقت عروسة" وهي لسة هتدخل مدرسة بس مش مشكلة.
المشكلة إن هي هتدخل مدرسة؛ الأم نفسها في مدرسة كويسة عشان البنت تتعلم كويس وتبقى حاجة كبيرة والأب مرتبه على قده. إشتغل الأب أكتر عشان يجيب فلوس يعلم حضرتك بيه تعليم محترم، وبقت مهمة الأم انها تشتغل، تروح، تنضف، تعملك أكل، تطمن عليك، تستنى بابك يروح، تعمله أكل، تنام، تصحى، تعيد اليوم.
والأب يصحى، يروح الشغل، يشتغل، يخلص، يروح تعبان ومش طايق نفسه، ياكل وممكن يتخانق مع مامتك وينام.
بعدين القرار كان يدخلك مدرسة اه، عموماً انتي من ساعة ما إتولدتي عمللهم أزمة، ما علينا، أعد يختار الحضرتك مدرسة، وطبعاً عشان احنا مصريين مش بنتدخل في حياة غيرنا، كانت مامتك وأهلها واصحابها بيختارو وبابكي وأهله وأصحابه بيختارو العكس تماماً.
بتخلص الحرب دي وبتدخلي في الأخر المدرسة الربنا كاتبهالك، وبتعدي مرحلة إبتدائي ملهاش لازمة، وبعدها إعدادي، ممكن أول مرة تبتدي تتعاملي مع مشاكل من أول ما إتولدتي من صفحتين.
هي اه مشاكل تافهة، مثلاً مش فهم حصة، زعلانة من صحبتك، مش عايزة تروحي تمرين، بس أول مشكلة بجد هتقبلك لم تحبي ، هو اه مش بيكون حب بجد ومستحيل يكمل، بس أي بنت في إعدادي بتحب أو بتكون معجبة بشخص -بتقرف لم تفتكر إن هي كانت شايفة إن الشيء ده حلو في يوم من الأيام لم تكبر- بس البنت بتكون خايفة تحكي لمامتها، حتى لو مش عيب ومفيش حاجة، مجرد ثقافة مجتمع.
ثقافة إن البنت لو عندها مشاعر طفلة دي علامة سودا في حياتها بس الولد بيتعلم. سؤال بس؛ هو الولد هيتعلم في بقرة؟
ثقافة إن البنت غلط تنزل لوحدها بس الولد عادي.
ثقافة إن البنت تتحجب وهي صغيرة -دي قليل ما بنشوفها بس موجودة، طفلة في تانية إبتدائي محجبة-
ثقافة إن الولد لو شرب سجاير عادي بس البنت تبقى مش محترمة -أنا ضد الموضوع بس للولد والبنت-
ثقافة إن الولد يعرف نص بنات البلد ويطلب يتجوز وحدة ماتعرفش يعني اه ولاد
ثقافة إن الولد البيشتم جامد والبنت البتشتم متربتش
كل دي ثقافات مجتمع لا علاقة للدين بيها، ما هو قدام ربنا الغلط واحد، تفتكر إن "الحكم العدل" هيسامحك عشان إنت ولد وهي لأ عشان بنت؟
بس نرجع لموضوعنا كنت هنسى، البنت بتشوف حد وتعجب به ويتسلى بها ويسيبها ويدور على غيرها. خلصت.
أنت تقرأ
اتولدت، هي دي غلطتها؟
Fiksi Remajaالموضوع بسيط جداً، احنا عايشين في عالم ماينفعش من غير البنت، بس البنت أكتر كائن مظلوم فيه. قررت أناقش شوية مشاكل البنت بتشوفها نتيجة الجهل أو تقاليد المجتمع اللمقتنع إن لها إقتناع بالدين، بس هي ملهاش أي علاقة بيه كل إسبوع هنشر فصل، وإحتمال كبير محدش...
