جيش حبك في الحشا سوى حشودي وعسكر بالفؤاد ورماني ضحية

34

سلطان:سلم سلم على ام خليفة .... خليفة:يبلغ ..من صوبك سلطان: يبلغ الله يحفظك ... " " سلطان:يسلم عليكم خليفة الكل:الله يسلمة من الشر سلطان:ابويه ابو سلطان:عونك سلطان:برد لبلاد ابو سلطان: شو عندك هناك سلطان: خليفة بيملج ..عاد .. ابو سلطان:هيه .. منو بياخظ سلطان:بنت عمه .. ابو سلطان: اها ...متى بسير سلطان:الحين ساير بقطع تذكر بسير اليوم اذا حصلت .. ابو سلطان:عاد ماوصيك سلطان:ان شاء الله مايبالها وصيه ..هذي .. ابو سلطان: بيض الله ويهك .. سلطان:سمحولي .. الكل:بالحــــــــــــــــــــــــل €: € € ظهر سلطان وقطلعه تذكر صوب مطار بوظبي ....وحس بالراحة يوم حصل له كرسي في الطيارة ...لان بيوصل عند خليفة قبل الملجة باليووم ..... : : : (عند الشباب ) بعد ماتمشوا قعدوا قرب الغيل ... حمد من الصبح يتغايض فيا شباب ومسكم واحد ورى الثاني يطنز عليهم وتمصخر عليهم كلهم ...وينش بطي ..وقول حق الشباب ..مره قوموا فروه حمد:لا شوووووووووووو اااا تقول انت .. ويمسك التلفون بطي ويصورهم ويفرون حمد ..داخل الغيل كل:ككككككككككككككككككككككككككككك حمد:خيبة تخيبكم ان شاء الله الكل:ككككككككككككككككككككك على شكل حمد طاحت غترته حمد:والله انكم سبلان ... بطي:يله بسكم بسير المهرجان حمد:سير وانا خرسانه كندورتي بطي: مب عضيله سير بدلها حمد:لا مرة البيت فرت حصاه بطي:على سواقتك فرت حصاه .. حمد:لاحول والله انكم هروم سبلان ... ثاني:خلك ..محد قالك من الصبح سب فينا ..ونحن حشمناك بس انت محد يحشمك .. حمد:هرووووووووووم والله انكم هروم بطي:ويحلف بعد ...سير سير الله يخليك فضحتنا كل يطالعنا حمد:يعني قصدك فشلتك عند العرب ..اوكيه مامنكم من الي يسير وياكم ثاني:سير سير بدل ملابسك حمد:حسبي الله عليكم بخيس سيت السيارة ماي بطي:مب عضيلة حط كيسة تحت مابتخيس حمد: من وين الكيسة بطي:سير صوب هالدكان وشتريلك شئ وشل الكيسة ثاني:صح كلام اخوي سعيد:عند بطي..مرة لا تعلث ولا تحاول انك تعلث بيبلك الحل .. بطي:سير نحن منظهر ..بسير صوب مهرجان وتعال هناك حمد:خلاص ....سبقوني بلحكم .. : : : شباب ساروا صوب المهرجان ..يتمشون ..وسولفون وبعد نص ساعة ياهم حمد .. بطي: منو يباريني حمد:انا بطي: تراك بتخسر ههههههههه حمد: لا ههههههههههههههههه يلة بطي:بسير صوب هذيك العبة .. حمد:وين هذيك الي يرمون بطي:هيه .. : : : دشوا الشباب وحطوا فلوسهم وتموا يرمون ..بطي..حصل دبدوب كبير وردي اما حمد حصل ارنوب متود ماتعشوا مرت اربع ساعات وهم ينكتون ويسولفون ..ويشربون : : مر الوقت مثل البرق الشباب يسولفون ..بعد حمد:اقول .. بطي:هلا حمد:دوك هالارنوب عطه ميمي .. بطي:شتباه حمد:ماعندنا بنات في البيت صغار احمد بسوي فيها جراحة بقطعه بطي:هههههههههههههه حمد:شله قولها من عندي انا مب عندك بطي:خلاص بقولها انه من عند بطي.. حمد:ايه من عندي .. بطي:خلاص ...عن صيح الحين حمد:يله برخصتكم .. : : : ظهروا الكل ..وكل واحد صوب بيتهم : : بيت بو محمد)€ : : ساعة 12 فليل ...نشت سلامي على صوت التلفون سلامي:فزت وهي دهرانه:الو عبد الله:الو اهلين سلامي ..سمحيلي غثيتك سلامي:لالا عادي بو حميد .. عبد الله:فطامي عندج سلامي:هيه راقدة عبد الله:عطيني اياها سلامي:دقيقة : سلامي: فطامي فطامي:شوووو تبين سلامي: دوج تلفون فطامي:وتحطي السماعة على اذنها الو منو؟؟؟؟ عبد الله : حبيبي آسف زعجتك ..حلو صوتك قبل لاتنام سمعته وانشرح صدري وكني شفتك بعين : فطامي:فزت من رقادها...عبــــــــــــــــــــــ د الـــــــــــــــــ ل هـــ عبد الله:هيه فطامي:تناطرن عيونها ...ـــــــــــــــــــــــــــــــــــــ عبد الله:ليش سكتي فطامي: بس عبد الله:بس شو ..؟؟ فطامي:هذا الي انت سويه منقود... عبد الله:لا مب منقود فطامي: كيف يعني ؟؟؟ عبد الله:واحد بغى يسمع صوت حرمتة قبل مايرقد مب منقود .. فطامي:ــــــــــــــــــــــــــــــــــــــــــ وعيونها ترسن دموع عبد الله :فطامي..شبلاج ..ردي علي فطامي:كانت مصدومة من كلمه عبد الله ..ـــــــــــــــــــــ عبد الله: شفيج كلامي ذايقج فطامي:ودمعه طاحت من عينها ....وتمت ظهر صوت غريب ..وهي تصيح ..كانت مسكرة اثمهى وهي صيح ...وتتنفس بصعوبه .. عبد الله: فطامي..فديتج لا صحين .. فطامي ...طاح التلفون من ايدها ... عبد الله :الو ..الو وفطامي:فجرت من الصايح وحطت راسها على ريولها ..نشت سلامي مفزوعه ..:شبلاج شبلاج .. تلتفت صوب التلفون .. سلامي:شقلتلها عبد الله:ماقلت شئ سلامي:خلاص عبد الله سكر عبد الله:طمنيني عليها سلامي:لو سمحت لالاتصل مره ثانيه خلاص بس..وتدفن التلفون في ويه عبد الله : : سلامي..حضنت فطامي بقواااااااا ..خلاص سكتي .. فطامي:بمووووووووووووووت حصوص بموووووت سلامي:بسم الله عليج فعدوج فطامي:والله بمووووووووووت وتصيح سلامي:تمسح على راسها خلاص سكتي .. فطامي:ليش ليش ....؟؟كل من حبيتهم يستوي فيه جيه سلامي: ..شو قالج فطامي:قال اني حرمته لالالالالالالالالالا وتصيح سلامي:بس فطامي..دخيلج لاصحين ... : : : بطي دش غرفته وبطل كندورته وقد عل شبريه ..وحس ان ضايق ...... وطاح على ظهرة وتم يطالع السقف...حس بضيــــــــــــــــــــق بطي:ستغفر الله ..لا إله الا الله محمد رسول الله ...... : : ياعيني كفي وافهمي الحظ مقسوم ..جسمة من المولى يبرى بداها ادويها روحي من غير مفهوم.. لو كان بشرب حنظل البر ماها لذيذ على جبدي خافقي ومكتوم ..تصفي ولو تدلج على جفاها : : نشت فطامي صوب الحمام وغسلت ويها..وسارت صوب الكبت وطلعت طربوشة بطي السودة ومسكتها وسارت تسدح على الشبريه ومسكتها تمت شمها ورصت عليها بقو..,حست براحة.. شوي ....وغفت عينها ... : : : بطي: ذكر امه يوم تقوله شفتك لابس البشت ومعرس بس مب فرحان كان ويهك مسروق منه الفرحة...وخطر باله فطامي..في خاطره.... ياربي خلة من مقسومي ونصيبي ...ياربي... : : : مر اليوم كله بهدوء فطامي كانت في غرفتها مانزلت ابدا ..وكل يتخبر عنها سلامي قالت لهم انها تعبانه شوي ...وبتنزل يوم بصح .. وفطامي..طول امس لين اصبحت وهي ماتحركت من مكانها كانت راصة على الطربوشة وشم ريحة بطي.... : : الساعة خمس العصيري ويه سلطان صوب البلاد ..وطارت به الطيارة ..وصل مطار بوظبي وكان واحد الربع يرقبونه ...وسار صوب خليفة وساعدة في الذبايح والعشى ..وحطوا خيمة جدام البيت حق الريايل ..لان كانت العربان الي عازمينهم وايد فالمبرز مابسدهم ...قبل الملجة فليل..كان خليفة وسلطان قاعدين على الدرج جدام المبرز ... خليفة:تنهد سلطان:بلاك خليفة:ماشئ ذكرت ابويه سلطان:الله يرحمة ... خليفة:كم تمنيته يكون الحين عندي ويباركلي وكون عندي ..ويفرح لني خذت بنت اخوه .. سلطان: حط ايده على جتف ربيعه:الله يرحمة اكيد الحين هو راضي ..عليك ..والاشو نحن واياك ..كلنا ..انا اخوك وابوك واربيعك ..وكل اهلك ..والا ماصرت غالي خليفة: لا اكيد غالي سلطان:هاه المعرس..باجر ملكتك ..وتعبس.. خلفة:وتبسم بسامه ..كانت كلها حزن ...ورفح راسه وتنهد..وطالع القمر .. سلطان:يله قوم نرقد باجر ورانا شغل .. خليفة:يلة دشوا وارقدوا عند الغرفة النوم الي في المبرز... " " " " مر اليوم كلة وسلطان وخليفة وياسر ..يرحبون بالضيوف ..والناس..والي يزاعق والا يقول حط هذا هنيه شل هذا ود اماي..الدخون وين وتم يمر الوقت من الصبح لين العصر والناس تزيد ..ماتنقص...وميرة واقفه وطالع سلطان ..وين ساير وين رايح ..وقابضة على قلبها كل ما ضحك ورمس ..ويا حد والا يوم يوصي الهنود..والمقهوين ..على العرب..وهي طالعه ..كان وكل ماتخيس سار وبدل الكندورة ... €" €" "€ "€ بطي :ميمي ميمي:نعم بطي:تعالي بعطيج شئ ميمي:حلاوه بطي:لا مب حلاوه شئ من عند حمد ميمي:حمد..ليث ماينا بطي: بينا ان شاء الله ظهر لها الارنوب ..ميمي:الله حلووووو .. بطي: تبين هذا ميمي:لا هذا عود ماروم اشلة بطي:عيل خلاص..بقولج شئ بس بتخلينه سر بيني وبينج ميمي: انزين بطي:ماتخبرينه حد ميمي:مابخبر حد بطي:هذا دبدوب الوردي تبينه ميمي:لا تبير ماابغيه بطي:عيل خلاص..تبين تعطينه منو ميمي:مادلي بطي:قالوا ان فطامي..مريضة عطيها اياه ميمي:ليش الي مرضون يعطونهم العاب بطي:لان المريضين يتعبون ويبولهم العاب عشان يصحون ميمي:هيه بطي: تحبينها انتي ميمي:هيه وايد دوم العب فياها..بس مالوم اشلة لا بطي:عطيه عمتج ميثا بتعطيهم ميمي:سح هيه بسير عندهم الحينه : : سارت ميمي..عند ميثا : ميثا:الله من وين ميمي:عطاني اياه خالي .. ميثا:عطيني اياه ميمي:لا ميثا:عندج ثنينه عطيني واحد ميمي:هذا الارنوب عشاني وهذا عشان فطامي ميثا:ليش يعني فطامي ميمي:فطامي مريضة وانا احبها انتي تضربيني ميثا:انا الحين اضربج ..زولي انتي ودبدوبج وياج ميمي:بسير وياج عند فطامي..بعطيها الدبدوب .. ميثا:يلة سير : : : (بيت بومحمد) رقت ميثا وميمي فوق عند حجرة فطامي..ودشن يوم سمعت صوتهن يودت الطربوشة تحت المخدة فطامي:اهلين..منو يانا الشيخة ميمي ميمي: هيه ثحالث فطامي:بخير شحالج انتي .. ميمي:بخير.. ميثا:قالوا عنج تعبانه فطامي:لا مب تعبانه بس مالي خاطر اظهر من الحجرة ميثا:اها .. ميمي:دوج هذا حقج فطامي:حقي انا شكرا حلو....تسلمين ..خشمج ميمي:تتقدم,, فطامي: ..فديت هالويه حقج.... من وين يبتيه ..ريحته حلوه ميمي:حالي بتي عتاني اياه .. فطامي:ــــــــــــــ في خاطريها ف\يت هالطاري ميثا: عيل بنخليج ..بتنزلين فطامي:يله يايه وراكن ميثا:يلة.. ميمي:بسرعة نزلي بتلعبين وايا فطامي:انزين .. : : ظهر من الجرة فطامي حست بان شئ له صوت في الدبودب تم طالع ..حصلت ورقة بطلتها : : << ( بيت خليفه - شوامخ) (((( وقت المغيربي ))) " خليفة:سلطان لاامارتن عليك يب المدخن سلطان:ان شاء الله .. خليفة:زقر على امي بتظهر لك بالمدخ .. سلطان:خلاص اوكيه : : ميرة كانت لابسه جلابية حمرة و وديمة شراتها لابسة ... كان شكلها الطفولي مايطيها سنها الحقيقي..وكانت تشبة اختها ..وديمة .. : ...ام خليفة:ميره ميره ميره :عونج .. ام خليفة:ظهري بيج سلطان يبغي المدخن .. عطي وديمة تعطيه ميرة: ان شاء الله .. " " يوم ظهرت حصلت سلطان واقف جدام الباب ..بس بعيد ..ظهرت ودوم شاله المدخن..وكانت ميرة واقفه جدام الباب ..طالع اختها .. : : سلطان: هلا والله بالحلوه وديمه:انت بعد حلو .. سلطان:هههههههه خشمج ..وتوايهه سلطان:سلمتي وديمة:العفو...ههههه انت طيب سلطان:وانتي بعد وديمة:احبك سلطان:منو غير بعد ؟؟؟ وديمة: ومايا ..وياسر وخليفة سلطان:ههههههههههه حتى انا احبكم كلكم .. وديمة : و سلطان:امممممممم ...ههههه وديمة:ليش تضحك؟؟؟ سلطان: احبها .. وديمة:وهي بعد تحبك سلطان:ـــــــــــــــــــــــــ ورفع عينه عند الباب ....وطالع ميرة ..هههههههههه ... وديمة:باي بسير انا سلطان:مع السلامة.. ظهر سلطان بس كل تفكيره بكلمة وديمة $$$$$وهي تحبك بعد$$$ ...وذكر سالفتها في المطبخ..ههههههههه وفي خاطرة ..وتم يذكر ملامح ميرة وكيف كانت زايغه وملامحها الطفولية تشبه وديمة نفس الويه والخشم والاثم الصغير وضحكتها ..كانن فيهن شبة وايد ..كبير... : وحد يقطع افكارة ...........خليفة :ووووووين تاخرت سلطان:اه ...سمحلي خليفة:وين عقلك بو الشباب سلطان:لالا ماشئ..لاتحط بخاطر... خليفة:سلمت سلطان:من قال سالم..بدري..بعد ماحصلت سبه خليفة:ههههههههههههههههههههههه سلطان:سير..ترى حطوا العشاء خبر خطار خليفه:يله .. : : : مر الوقت بسرعه وكل كان تعبان ..ومنهد حيلة الخطار ..بعد العشاء بشوي تم يخفون شوي شوي لين ماسرى كل واحد بيته..سلطان.كان تعبان لدرجة..مارايم يمسك عمرة والغترة محطنها على جتفه ويحك راسة ...ويمشي وريوله تعبانات من الوقفة..سار سيدة صوب الغرفة ..ونام ...من التعب ماحس بعمر : : الصبح اساعه 11 الضحى ..حد كان يدق الباب على سلطان ..وفز سلطان لان صوت حد يصيح... فج الباب ..جان يشوف؟؟؟؟؟؟؟؟؟؟؟؟؟؟؟ : : هزركم سلطان منو جاف ؟؟؟ومنو دق عليه الباب ؟؟ وليش صوت صايح؟؟؟ : وفطامي شو حصلت مكتوب في الورقة ؟؟؟؟
البارت 33 " " تدروني بي هايم ولا اقوى جفاكم تدروبي عاشق وامتى فتوني حالي شرى الليل مظلم بلاكم والليل بدون بدر ظلمة وسكوني اشوفني بموت اتبع خطاكم صارت حياتي بيدكم صدوقوني " " فطامي بطلت الورقه وهي مبتسمة.. وهي تقرى .. °• حبـــــــــــر الـــــــغرام •° لو كتبت المحبه جف حبر الغرام واعلن التعبير ياسه وانحنى للقصيد الخيال استعده بين عد وهيام وانتقيها المعاني واترك الي زهد ماغشى ليل وجدي في نهاري ظلام أستنير الجوارح و المشاعر تزيد كم حرف غزيته لجل حلو اللثام أكتبه لجل عينه واجبره لو عنيد با هي الحسن خده مثل برق الغمام كاسي الليل متنه احوري فريد منفرد في و صوفه مثل بدر التمام تعشق العين شوفه من قريب وبعيد لي نظرت العيونه شفت لحظ الحسام ولي نظرني بعينه شاف حبه يقيد ماغضى وسط قلبه غير حبي ونام ولا ملك عرش قلبي غير حبه أكيد ..وعيونها ترسن بالدموع ..........آاااااااااااااااااااااااااااخ ... كل يوم صرت تعلق فيك مثل ماتعلقت بي..ورفعت راسها ودمع سالت على خدها..سألتك ياربي يكون من صيبي ...ياااااااااااارب .. : : شوي وحد يبطل الباب عليها......وتنقز ..: بسم الله .. : : : (( بيت بو حمد)) بعد الغدى كل متيمع في الصالة..يشربون جاي.. بوحمد:هاه حريم جهزن ترانا باجر برد لبلاد عليا:لا بويه خلنا نقعد شوي خلود:قعده حلوه هنيه عمي روضة:هيه صدق بسير الوقن بنهلك حر..عيل حد يخلي براد ويسير صوب الحر بو عبد الله:يالله بسير..بويه ورانا اشغال سعيد:وهو يضحك..بوش ...شغلهم ومزرعة وعزبه..كل هذا بخلونه حق منوه عليا:يالله بس خلونا يومين بوحمد:لالا ماشئ يومين ..من الحين شلن قشاركن ..ستعيل به باجر منظهر من الصلالة روضة:مدت ثمها...... خلود:يـــــــــــــــالله شو هالحالة .. عليا:قومن هبابنا ..ورنا ترتيب شنط روضه:اكره شئ عندي ترتيب الشنط... خلود:سير اوووووف حمد:انتن قاعدات اسبوعين ..عيل انا شو اقول اسبوع ويوم ..هاه يوم ..تراه ماشبعتن خلود:لا مرة ماشبعنا يبالنا نعقعد جمن يوم حمد:خل عنك...محد اصلن يعطيكن يالبنات ويه..سيرن يله..رتبن قشاركن..قفضن.. خلود:ازين حمد:اقول ..باجر الي بتقول نسيت احطي شئ والا شئ..من الحين ترها المحنيا موجوده .. ام حمد:هيه انت مستني ولا قي محدار عشان تضربهن حمد:اباهن يستون حريم روضة:وان شاء الله نحن شو.. حمد:خمي ثرج خمي ..عن جوفين هالكوب على راسج عليا:ترمس خلود:الله يعين الي بتاخذة حمد:شو شو قلتي.. عليا:ما قلت شئ...وسير..بويه يقلون الشردة نص المريله شردن عن حصلنا الحين شئ معقوط علينا خلود:هههههههههه صدقتي..خبلة رويض تعالي بصفعج تراه ماعنده كاني ماني روضه:يايه : : : (( في الشوامخ )) سلطان ويفز من الرقاد على حد يدق عليه الباب....وينش وهو يحك راسه..بطل الباب