ظروف صعبه

بداية صلح

ﻛﻨﺖ ﻣﺤﺘﺎﺭﻩ ﺟﺪﺍ " ﻳﺎﺗﺮﻯ ﻋﺎﻭﺯﺍﻧﻰ ﻟﻴﻪ "
" ﻟﻜﻮﻥ ﺯﻋﻠﺘﻬﺎ ﻓﻰ ﺣﺎﺟﻪ ... ﺍﻧﺎ ﻫﺘﻌﺐ ﻧﻔﺴﻰ
ﻓﺎﻟﺘﻔﻜﻴﺮ ﻟﻴﻪ ﻫﺨﻠﺺ ﻭﺍﺭﻭﺡ ﺍﺷﻮﻑ ﻓﻰ ﺍﻳﻪ "
ﻭﻓﻌﻼ ﺑﻌﺪ ﺩﻗﺎﻳﻖ ﺭﻭﺣﺘﻠﻬﺎ ﻛﺎﻧﺖ ﻧﺎﻳﻤﻪ ﻓﺎﻟﺴﺮﻳﺮ
ﺩﺧﻠﺖ ﺍﻻﻭﺿﻪ
ﺍﻧﺎ ﺑﻘﻠﻖ : ﺧﻴﺮ ﻳﺎ ﻣﺎﻣﺎ
ﺳﻬﻴﺮ : ﺗﻌﺎﻟﻰ ﻳﺎ ﻧﻬﻰ ... ﺍﻗﻌﺪي ﻫﻨﺎ
ﻭقعدت ﺟﺎﻧﺒﻬﺎ ﻋﻠﻰ ﺍﻟﺴﺮﻳﺮ
ﺳﻬﻴﺮ : ﺑﺼﻰ ﻳﺎﻧﻬﻰ ﺍﻧﺎ ﻫﺘﻜﻠﻢ ﻣﻌﺎﻛﻰ ع طول ﻭﺑﺼﺮﺍﺣﻪ
ﺍﻧﺎ : ﺍﺗﻔﻀﻠﻰ ﻳﺎﻣﺎﻣﺎ
ﺳﻬﻴﺮ : ﺍﻧﺎ ﻋﺎﺭﻓﻪ ﺍﻥ ﻋﻼﻗﺘﻨﺎ ﻣﻊ ﺑﻌﺾ
ﻣﻜﺎﻧﺘﺸﻰ ﻛﻮﻳﺴﻪ .... ﺍﻧﺘﻰ ﻏﻠﻄﻰ ﻭﺍﻧﺎ ﻛﻤﺎﻥ
ﻏﻠﻄﺖ ﺍﻛﻴﺪ ... ﺑﺲ ﺍﻟﻠﻰ ﺩﻓﻊ ﻧﺘﻴﺠﻪ ﻏﻠﻄﻨﺎ ﺩﻩ
ﻫﻮ ﺣﺴﺎﻡ ... ﺍﻧﺘﻰ ﺯﻯ ﻣﻘﻮﻟﺘﻰ ﺣﺒﻨﺎ ﻟﻴﻪ ﺿﺮﻩ
ﻋﻤﻠﻨﺎ ﺯﻯ ﺍلدُﺏ ﺍﻟﻠﻰ ﻗﺘﻞ ﺻﺎﺣﺒﻪ .... ﻋﺸﺎﻥ
ﻧﻘﺪﺭ ﻧﻌﻴﺶ ﻣﻊ ﺑﻌﺾ ﻣﺒﺴﻮﻃﻴﻦ ﻭﻧﻘﺪﺭ ﻧﺴﻌﺪ
ﺣﺴﺎﻡ ﺍﻟﻠﻰ ﻫﻮ ﻛﻞ ﻫﻤﻨﺎ ﻻﺯﻡ ﻧﺘﻔﻖ ﻭﻛﻞ ﻭﺍﺣﺪه
ﻓﻴﻨﺎ تتنازﻝ ﺷﻮﻳﻪ ﻋﺸﺎﻥ ﺍﻟﺘﺎنيه ... ﻧﻬﻰ ﺍﻧﺎ
ﻣﺶ ﻭﺣﺸﻪ ﻭﺍﻟﻠﻪ ﻣﺶ ﻫﻜﺪﺏ ﻋﻠﻴﻜﻰ ﺍﻧﺎ ﺳﺎﻋﺎﺕ
ﺑﻐﻴﺮ ﻋﻠﻰ ﺣﺴﺎﻡ ﻣﻨﻚ ... ﺍﻧﺎ ﻋﺎﺭﻓﻪ ﺍﻧﻚ ﻣﺮﺍﺗﻪ
ﻭﻫﻰ ﺩﻯ ﺳﻨﺔ ﺍﻟﺤﻴﺎﻩ ﻭﻻﺯﻡ ﻳﻌﻴﺶ ﺣﻴﺎﺗﻪ
ﻭﻳﻜﻮﻥ ﻟﻴﻪ ﺑﻴﺘﻪ ﺑﺲ ﻏﺼﺐ ﻋﻨﻰ ﺍﻧﺎ ﻋﺸﺖ
ﺣﻴﺎﺗﻰ ﻛﻠﻬﺎ ﻋﺸﺎﻥ ﺑﺎﺑﺎﻩ ﻣﺎﺕ ﻭﺳﺒﻬﻮﻟﻰ ﻭﻫﻮ
ﻟﺴﻪ ﺻﻐﻴﺮ ﻛﺎﻥ ﻛﻞ ﻫﻤﻰ ﻓﺎﻟﺪﻧﻴﺎ ﺍﺳﻌﺪﻩ
ﻭﺍﺷﻮﻓﻠﻪ ﻃﻠﺒﺎﺗﻪ ﻛﺎﻥ ﻟﻤﺎ ﺑﻴﺰﻋﻞ ﺍﻟﺪﻧﻴﺎ ﺑﻀﻠﻢ
ﺣﻮليا ﻭﻟﻤﺎ ﺑﺸﻮﻑ ﺿﺤﻜﺘﻪ ﺑﺤﺲ بإﻥ ﺭﻭﺣﻰ
ﺭﺟﻌﺘﻠﻰ ... فجأﻩ ﺑﻘﻰ ﻣﺶ ﻣﻦ ﺣﻘﻰ ﺍﻋﺮﻑ
ﻋﻨﻪ ﺣﺎﺟﻪ ﻟﻘﻴﺖ ﻛﻞ ﺣﺎﺟﻪ ﻛﺎﻧﺖ ﻣﻦ ﺣﻘﻰ
ﻣﺒﻘﺘﺸﻰ ﻣﻦ ﺣﻘﻰ ﻛﺎﻥ ﻧﻔﺴﻰ ﺗﻔﻬﻤﻰ ﻛﺪﻩ
ﻭﺗﺤﺎﻭﻟﻰ تحتوﻳﻨﻰ ﻭﺗﻘﺮﺑﻴﻨﻰ ﻣﻨﻚ ﻭﺍﻟﻠﻪ ﻣﺶ
ﺗﺪﺧﻞ ... ﺍﻧﺘﻰ ﻣﺶ ﻫﺘﻔﻬﻤﻴﻨﻰ ﻏﻴﺮ ﻟﻤﺎ ﺗﺨﻠﻔﻰ
ﻭﻟﺪ ﻭﺗﺮﺑﻴﻪ ﻭﺗﺤﺒﻴﻪ ﺍﻭﻯ ﻭﻳﺒﻘﻰ ﻛﻞ ﺣﻴﺎﺗﻰ
ﻭفجأﻩ ﻳﻤﺸﻰ ﻭﺗﻼﻗﻰ ﺣﻴﺎﺗﻚ ﺑﻘﺖ ﻓﺎﺿﻴﻪ ....
ﻛﺎﻥ ﻧﻔﺴﻰ ﺑﺠﺪ ﺗﺒﻘﻰ ﺑﻨﺖ ليا ﻭﺑﺪﻝ متاخدي
ﺣﺴﺎﻡ ﻣﻨﻰ ﻭﺍﺑﻘﻰ ﻟﻮﺣﺪﻯ ﺍﻟﻘﻰ في ليا ﻭﻟﺪ
ﻭﺑﻨﺖ ﺑﻴﺤﺒﻮﻧﻰ ﻭﺑﻴﻬﺘﻤﻮ بيا ﻋﺸﺎﻥ انتو ﺣﺎﺑﻴﻦ ﺩﻩ
ﺍﻧﺎ ﺑﺪﻣﻮﻉ : ﻭﺍﻟﻠﻪ ﻳﺎﻣﺎﻣﺎ مكانش ﻗﺼﺪﻯ ﺍﺧﺪﻩ
ﻣﻨﻚ ... ﺑﺎﻟﻌﻜﺲ ﻛﻨﺖ ﺑﺤﺎﻭﻝ ﺍﺭﺿﻴﻜﻰ ﻭﺍﺭﺿﻴﻪ
ﺳﻬﻴﺮ : ﺑﺲ ﻣﺶ ﺑﺤﺐ ... ﻛﻨﺖ ﺑﺤﺲ ﻭﺍﻥ
ﺑﺘﻌﻤﻠﻰ ﺍﻟﺤﺎﺟﻪ ﻭﺍﻧﺘﻰ ﻣﻐﺼﻮﺑﻪ ﻣﻀﺎﻳﻘﻪ ﻣﻨﻰ
ﻭﻣﻦ ﻃﻠﺒﺎﺗﻰ ... ﺻﺤﻴﺢ ﻛﻨﺖ ﺑﺒﻘﻰ ﻣﺒﺴﻮﻃﻪ
ﺍﻧﻚ ﺑﺘﺮﺿﻰ ﺣﺴﺎﻡ ﺑﺲ ﻣﻜﻨﺘﻴﺶ ﺑﺘﺒﻘﻰ ﺭﺍﺿﻴﻪ
ﻣﻦ ﺟﻮﺍﻛﻰ ... ﻋﺸﺎﻥ ﻛﺪﻩ ﻛﻨﺖ ﺑﻘﻮﻟﻚ ﺍﻟﻜﻼﻡ
ﺍﻟﻠﻰ ﻛﺎﻥ ﺑﻴﻀﺎﻳﻘﻚ ..... ﺍﻧﺎ ﻣﺶ ﺑﻘﻮﻝ ﻛﺪﻩ
ﻋﺸﺎﻥ ﺍﺑﺮﺭ ﻏﻠﻄﻰ ﺍﻧﺎ ﻏﻠﻄﺖ ﻭﻣﻌﺘﺮﻓﻪ ﺑﺪﻩ ...
ﺍﻧﺎ ﻣﻔﻮقتش ﻟﻨﻔﺴﻰ غير ﻟﻤﺎ ﺣﺴﻴﺖ بإﻥ ﺣﺴﺎﻡ
بيضيع ﻣﻨﻰ ﻭﺑﻘﻴﺖ ﻣﺼﺪﺭ ﺣﺰﻧﻪ ﺑﺪﻝ ﻣﻜﻨﺖ
ﻣﺼﺪﺭ ﺳﻌﺎﺩﺗﻪ ﻭﻓﺮﺣﺘﻪ ... ﻧﻬﻰ سامحيني
ﻭخلي ﺣﺴﺎﻡ ﻫﻮ ﻛﻤﺎﻥ ﻳﺴﺎﻣﺤﻨﻰ
ﺟﺮﻳﺖ ﻧﻤﺖ ﻓﻰ ﺣﻀﻨﻬﺎ ﻭﻓﻀﻠﺖ ﺍﻋﻴﻂ : ﺍﻧﺘﻰ
ﺍﻟﻠﻰ تسامحيني ﻳﺎﻣﺎﻣﺎ ... ﻭﻣﺘﺰﻋﻠﻴﺶ ﻣﻨﻰ
ﻋﺸﺎﻥ ﺧﺎﻃﺮﻯ ﻭﺍﻟﻠﻪ ﺍﻧﺎ ﺑﺤﺒﻚ ﺍﻭﻯ
ﺳﻬﻴﺮ : ﺍﻧﺎ ﻋﺎﺭﻓﻪ ﺍﻧﻚ ﻛﻮﻳﺴﻪ .... ﻭﺍﻧﺎ ﻛﻤﺎﻥ
ﺑﺤﺒﻚ ... ﻭﻧﻔﺴﻰ ﺗﺒﻘﻰ ليا ﺑﻨﺖ ﻣﺶ ﻣﺠﺮﺩ
ﻣﺮﺍﺕ ﺍﺑﻦ
نيمتني ﻓﻰ ﺣﻀﻨﻬﺎ ﻭﻓﻀﻠﺖ ﺗﻄﺒﻄﺐ عليا : ﺍﻧﺘﻰ
ﻋﺎﺭﻓﻪ ﻛﺎﻥ ﻧﻔﺴﻰ ﺍﻭﻯ ﻳﺒﻘﻰ ليا ﺑﻨﺖ ﺍﻧﺰﻝ
ﺍﺷﺘﺮﻯ ﻣﻌﺎﻫﺎ ﻟﺒﺴﻬﺎ ﻭﻧﺮﻭﺡ ﺍﻟﺴﻮﻕ ﻣﻊ ﺑﻌﺾ
ﻭﺍﻗﻮﻟﻬﺎ ﺭأيي ﻓﺎﻟﺤﺎﺟﺎﺕ ﺑﺘﺎعتها ﻭﻫﻰ ﻛﻤﺎﻥ
ﺗﺨﺘﺎﺭﻟﻰ ﻟﺒﺴﻰ ... ﻧﺒﻘﻰ ﺳﺮ ﺑﻌﺾ ﻭﻧﺒﻘﻰ
ﺣﺎﺳﻴﻦ ﺑﺒﻌﺾ .... ﺍﻧﺘﻰ ﻋﺎﺭﻓﻪ ﻳﻮﻡ ﻟﻤﺎ ﻛﻨﺎ
ﺑﻨﺸﺘﺮﻯ ﺍﻟﺸﺒﻜﻪ ﻭﺍﻟﻠﻪ ﻛﻨﺖ ﺣﺴﻪ ﺍﻧﻰ ﺑﺸﺘﺮﻯ
ﺷﺒﻜﺔ ﺑﻨﺘﻰ ﻭﻛﻨﺖ ﻣﺒﺴﻮﻃﻪ ﺍﻭﻯ ﻭﺍﻧﺎ ﺑﻘﻮﻟﻚ ﺩﻩ
ﺣﻠﻮ ﻭﺍﻧﺘﻰ ﺗﻘﻮﻟﻰ ﺍﻩ ﻭﺍﻟﻘﻴﻜﻰ ﻣﺒﺴﻮﻃﻪ ... ﺍﻧﺎ
ﻣﺶ ﻋﺎﻭﺯﻩ ﺍﺩﺧﻞ ﻓﻰ ﺣﻴﺎﺗﻚ ﻭ ﺍﻓﺮﺽ ﺭأيي
ﻋﻠﻴﻜﻰ ﺍﻧﺎ ﺑﺲ ﻋﺎﻭﺯﻩ ﺍﻛﻮﻥ ﻣﻌﺎﻛﻮ ﻣﺶ ﻋﺎﻭﺯﻩ
ﺍﺑﻘﻰ ﻟﻮﺣﺪﻯ ﺍﺣﺲ ﺍﻧﻰ ﺑﻌﻤﻞ ﺣﺎﺟﻪ ﻋﺸﺎﻥ
ﺍﻓﺮﺣﻜﻮ ... ﻓﻬﻤﺎﻧﻰ ﻳﺎﻧﻬﻰ
ﺍﻧﺎ ﻭﺍﻧﺎ ﺑﻤﺴﺢ ﺩﻣﻮﻋﻰ : ﻓﻬﻤﺎﻛﻰ ... ﻭﺍﻥ ﺷﺎﺀ
ﺍﻟﻠﻪ ﻫﻨﺒﻘﻰ ﻛﺪﻩ ... ﺣﺴﺎﻡ هيرجه ﻭﻫﻨﺒﻘﻰ ﻋﻴﻠﻪ
ﻭﻧﻌﻴﺶ ﻣﻊ ﺑﻌﺾ ﻣﺒﺴﻮﻃﻴﻦ ... ﻣﺶ ﻛﺪﻩ
ﺳﻬﻴﺮ : ﺍﻥ ﺷﺎﺀ ﺍﻟﻠﻪ ﻳﺎ ﺣﺒﻴﺒﺘﻰ