ظروف صعبه

حماتى فى المستشفى

Part 9/10

ﻛﻨﺖ ﻗﻠﻘﺎﻧﻪ ﺟﺪﺍ ﻭﺧﺎﻳﻔﻪ ﺗﻜﻮﻥ ﺣﺼﻠﺖ ﻣﺸﻜﻠﻪ
ﺟﺪﻳﺪﻩ ... ﺍﺻﻌﺐ ﺣﺎﺟﻪ ﺍﻧﻚ ﺗﻜﻮﻥ ﻣﺶ ف إﻳﺪﻙ
ﺣﺎﺟﻪ ﺗﻌﻤﻠﻬﺎ ﻭﺗﻔﻀﻞ ﺑﺲ ﺣﻴﺮﺍﻥ ﻭﺗﺎيهه ﻛﺪﻩ
ﻭﺑﻌﺪ ﺣﻮﺍﻟﻰ 4 ﺳﺎﻋﺎﺕ ﻣﻦ ﺍﻟﻘﻠﻖ ﻟﻘﻴﺖ ﺣﺴﺎﻡ
ﺑﻴﻔﺘﺢ ﺑﺎﺏ ﺍﻟﺸﻘﻪ ﻭﺷﻜﻠﻪ ﻣﺶ ﻃﺒﻴﻌﻰ ﺍﻧﺎ ﻃﺒﻌﺎ
ﺟﺮﻳﺖ ﻋﻠﻴﻪ
ﺍﻧﺎ ﺑﺨﻀﻪ : ﺣﺴﺎﻡ ﻓﻰ ﺍﻳﻪ
ﺣﺴﺎﻡ ﻓﻀﻞ ﻳﺒﺺ ﻋﻠﻴﻪ ﺷﻮﻳﻪ ﻭﻫﻮ ﻣﺶ ﺑﻴﺘﻜﻠﻢ
ﻣﺴﻜﺖ ﺍﻳﺪﻩ : ﺗﻌﺎﻟﻰ ﺍﻗﻌﺪ ﻭﺍﺣﻜﻴﻠﻰ ﺍﻳﻪ ﺍﻟﻠﻰ
ﺣﺼﻞ
ﻭﺣﻜﺎﻟﻰ ﻭﻳﺎﺭﻳﺘﻪ ﻣﺤﻜﺎﻟﻰ
ﻓﻀﻠﺖ ﻗﺎﻋﺪﻩ ﺷﻮﻳﻪ ﻭﺍﻧﺎ ﻣﺶ ﻋﺎﺭﻓﻪ ﺍﻋﻤﻞ ﺍﻳﻪ
ﻭﻻ ﺍﻗﻮﻟﻪ ﺍﻳﻪ ﻭﺷﻜﻠﻪ ﻛﺎﻥ ﻳﺼﻌﺐ ﻋﻠﻰ ﺍﻟﻜﺎﻓﺮ
ﺍﺧﺪﺕ ﻧﻔﺲ ﻛﺒﻴﺮ ﻭﻗﺮرﺕ ﺍﺗﻜﻠﻢ
ﺍﻧﺎ ﺑﻬﺪﻭﺀ ﻏﻴﺮ ﻃﺒﻴﻌﻰ : ﺣﺴﺎﻡ ﺍﻧﺎ ﻋﻨﺪﻯ ﺣﻞ
ﻟﻜﻞ ﺍﻟﻤﺸﺎﻛﻞ ﺩﻯ
ﺣﺴﺎﻡ ﺑﻔﺮﺣﻪ : ﺑﺠﺪ .... ﺍﻳﻪ ﻫﻮ
ﺍﻧﺎ ﺑﺼﻮﺕ ﻣﺤﺸﻮﺭ : ﺣﺴﺎﻡ .... ﻃﻠﻘﻨﻰ
ﺣﺴﺎﻡ ﻭﻫﻮ ﻣﺘﻨﺢ ﻭﺑﺼﺪﻣﻪ : ﺍﻳﻪ؟؟؟؟
ﺍﻧﺎ ﺑﺪﻣﻮﻉ : ﻫﻮ ﺩﻩ ﺍﻟﺤﻞ ﺍﻟﻮﺣﻴﺪ ... ﺍﻟﻠﻰ
ﻫﻴﺮﻳﺤﻨﺎ ﻛﻠﻨﺎ
ﻭﻗﻮﻣﺖ ﻣﻦ ﻣﻜﺎﻧﻰ ﺩﺧﻠﺖ ﺍﻭﺿﺘﻰ ﻭﺷﺪﻳﺖ
ﺍﻟﺸﻨﻄﻪ ﻭﺍﺑﺘﺪﻳﺖ ﺍﻟﻢ ﻓﻰ ﺣﺎﺟﺘﻰ ﻭﺍﻧﺎ ﺩﻣﻮﻋﻰ
ﺑﺘﻨﺰﻝ ﻏﺼﺐ ﻋﻨﻰ
ﺣﺴﺎﻡ ﻗﺮﺏ ﻣﻨﻰ : ﻧﻬﻰ ﻋﺸﺎﻥ ﺧﺎﻃﺮﻯ
ﻣﺘﺼﻌﺒﻴﻬﺎﺵ عليا ﺍﻛﺘﺮ ﻣﻦ ﻛﺪﻩ
ﺍﻧﺎ ﺑﺪﻣﻮﻉ ﻭﻟﺴﻪ ﺑﻠﻢ ﻓﻰ ﺣﺎﺟﺘﻰ : ﻫﻰ ﺑﻘﺖ
ﺻﻌﺒﻪ ﻟﻮﺣﺪﻫﺎ ... ﺧﻼﺹ ﻳﺎ ﺣﺴﺎﻡ ﺍﻟﺤﻴﺎﻩ ﺑﻴﻨﺎ
ﺑﻘﺖ ﺻﻌﺒﻪ ﺍﻭﻯ ﻭﻣﺴﺘﺤﻴﻠﻪ .... ﺍﻧﺎ ﻣﺶ ﻫﻔﻀﻞ
ﻃﻮﻝ ﻋﻤﺮﻯ ﻋﺎﻳﺸﻪ ﻓﻰ ﻣﺸﺎﻛﻞ ﻭﻋﻨﺪ ﻭﺗﺪﺧﻞ
ﻓﻰ ﺣﻴﺎﺗﻰ ﺑﺪﻭﻥ ﺍﻯ ﻣﺒﺮﺭ .... ﺑﺠﺪ ﻛﻔﺎﻳﻪ ﺍﻭﻯ
ﻟﺤﺪ ﻛﺪﻩ
ﺣﺴﺎﻡ ﺑﺎﻧﻜﺴﺎﺭ : ﻧﻬﻰ ﺍﻧﺎ ﺑﺤﺒﻚ
ﺍﻧﺎ ﻗﺎﻋﺪﺕ ﻋﻠﻰ ﺍﻟﺴﺮﻳﺮ ﻭﺍﻧﺎ ﻣﻨﻬﺎﺭﻩ : ﻭﺍﻧﺎ
ﻭﺍﻟﻠﻪ ﺑﺤﺒﻚ .. ﺻﺪﻗﻨﻰ ﺍﻧﺎ ﺑﻌﻤﻞ ﻛﺪﻩ ﻋﺸﺎﻧﻚ ..
ﺣﺴﺎﻡ ﺍﻧﺎ ﻟﻤﺎ ﺍﺗﺠﻮﺯﺗﻚ ﻭﺣﺒﻴﺘﻚ ﻛﻨﺖ ﻋﺎﻭﺯﻩ
ﺍﺳﻌﺪﻙ ﻭﺍﺭﻳﺤﻚ ﺑﺲ ﻟﻼﺳﻒ ﺩﻩ محصلش ...
ﺍﻧﺎ مقدرتش ﺍﺳﻌﺪﻙ ﻭﻻ ﺣﺘﻰ ﺍﺭﻳﺤﻚ ﺑﺎﻟﻌﻜﺲ
ﺯﻭﺩﺕ ﻋﻠﻴﻚ ﺍﻟﻀﻐﻂ ﻭﺍﻟﺘﻌﺐ
ﺣﺴﺎﻡ ﻗﺎﻋﺪ ﻗﺪﺍﻣﻰ ﻭﻣﺴﻚ ﺍﻳﺪﻯ ﻭﺑﺪﻣﻮﻉ :
ﻧﻬﻰ ﻋﺸﺎﻥ ﺧﺎﻃﺮﻯ ﺍﺳﺘﺤﻤﻠﻴﻨﻰ ﺷﻮﻳﻪ ﻛﻤﺎﻥ
ﻭﻣﺘﺴﺒﻨﻴﺶ ... ﻭﺍﻧﺎ ﻫﺤﺎﻭﻝ ﺍﺗﻜﻠﻢ ﻣﻌﺎﻫﺎ
ﺍﻧﺎ : ﺍﻟﻜﻼﻡ ﻣﻌﺪش ﻫﻴﺠﻴﺐ ﻧﺘﻴﺠﻪ ﺧﻼﺹ ﻳﺎ
ﺣﺴﺎﻡ
ﺣﺴﺎﻡ ﺑﺘﺮﺟﻰ : ﻃﻴﺐ ﻧﺤﺎﻭﻝ ... ﺧﻠﻴﻜﻰ ﻣﻌﺎﻳﺎ
ﻭﻧﺤﺎﻭﻝ
ﺍﻧﺎ ﻭﺍﻧﺎ ﺑﻤﺴﺢ ﺩﻣﻮﻋﻰ ﻭﺑﺒﻌﺪ ﻋﻨﻪ ﻗﺒﻞ ﻣﻀﻌﻒ
ﻗﺪﺍﻡ ﺩﻣﻮﻋﻪ : ﺧﻼﺹ ﻳﺎﺣﺴﺎﻡ ﻣﻌﺪش ينفع
ﻭﻟﻤﻴﺖ ﺑﻘﻴﺖ ﺣﺎﺟﺘﻰ ﻭﺍﺧﺪﺕ ﺷﻨﻄﺘﻰ ﻭﻧﺰﻟﺖ
ﻣﻦ ﺍﻟﺸﻘﻪ ﻭﻫﻮ ﻛﺎﻥ ﻟﺴﻪ ﻗﺎﻋﺪ ﻣﺼﺪﻭﻡ ﻋﻠﻰ
ﺍﻟﺴﺮﻳﺮ
...............................................
.................................
ﻃﺒﻌﺎ ﺍﻧﺎ ﻟﺤﺪ ﺩﻟﻮﻗﺘﻰ ﺍﻧﺎ ﻣﺶ ﻋﺎﺭﻓﻪ ﺍﻧﺎ ﻭﺻﻠﺖ
ﻋﻨﺪ ﺑﺎﺑﺎ ﺍﺯﺍﻯ ﻣﻜﻨﺘﺶ ﻓﻰ ﻭﻋﻰ ﺗﻘﺮﻳﺒﺎ ﻛﻨﺖ
ﺣﺴﻪ ﺍﻧﻰ ﺗﺎﻳﻪ ﻭﺭﻭﺣﻰ ﺑﺘﻨﺴﺤﺐ ﻣﻨﻰ ﻭﻛﻨﺖ
ﺑﻌﻴﻂ ﺑﻄﺮﻳﻘﻪ ﻏﻴﺮ ﻃﺒﻴﻌﻴﻪ ﻭﺍﻭﻝ ﻟﻤﺎ ﻭﺻﻠﺖ ﻋﻨﺪ
ﺑﺎﺑﺎ ﻭﻓﺘﺤﻠﻰ ﺍﻟﺒﺎﺏ
ﺑﺎﺑﺎ ﺑﺨﻀﻪ : ﻧﻬﻰ ﻓﻰ ﺍﻳﻪ ... ﻣﺎﻟﻚ
ﻣﺘﻜﻠﻤﺘﺶ ﺑﺲ ﺟﺮﻳﺖ ﻭﺗﺮﺍﻣﻴﺖ ﻓﻰ ﺣﻀﻨﻪ
ﻭﻗﺎﻋﺪﺕ ﺍﻋﻴﻂ ﺟﺎﻣﺪ
ﻫﻮ ﺩﺧﻠﻨﻰ ﺍﻭﺿﺘﻰ ﻭﻫﺪﺍﻧﺎ ﻭﺳﺎﺑﻨﻰ ﻋﺸﺎﻥ ﺍﻧﺎﻡ
ﺷﻮﻳﻪ
ﻓﻀﻠﺖ ﻃﻮﻝ ﺍﻟﻴﻮﻡ ﻗﺎﻋﺪﻩ ﻓﻰ ﻭﺍﺿﺘﻰ ﺑﻌﻴﻂ
ﻟﺤﺪ ﺑﻠﻴﻞ ﺷﻮﻳﻪ ﻭﻟﻘﻴﺖ ﺑﺎﺑﺎ ﺑﻴﺨﺒﻂ ﻋﻠﻰ ﺍﻟﺒﺎﺏ :
ﻣﻤﻜﻦ ﺍﺩﺧﻞ
ﻣﺴﺤﺖ ﺩﻣﻮﻋﻰ : ﺍﺗﻔﻀﻞ
ﺩﺧﻞ ﻗﺎﻋﺪ ﺟﺎﻧﺒﻰ : ﺍﻧﺎ ﻛﻠﻤﺖ ﺣﺴﺎﻡ ﻭﺣﻜﺎﻟﻰ
ﻛﻞ ﺍﻟﻠﻰ ﺣﺼﻞ ... ﻭﻫﻮ ﺟﻰ ﺑﻜﺮﻩ ﻋﺸﺎﻥ ﻧﺘﻜﻠﻢ
ﺑﻌﻘﻞ
ﺍﻧﺎ : ﺍﻧﺎ ﺧﻠﺼﺖ ﻛﻼﻣﻰ ﻓﺎﻟﻤﻮﺿﻮﻉ ﺩﻩ ﺧﻼﺹ
ﻳﺎﺑﺎﺑﺎ .... ﻭﺍﺧﺪﺕ ﻗﺮﺍﺭﻯ ﻭﻣﺴﺘﻨﻴﻪ ﺗﻨﻔﺬﻭ
ﺑﺎﺑﺎ : ﺍﻧﺘﻰ ﻣﺶ ﺑﻌﻘﻠﻚ ﻋﻠﻰ ﻓﻜﺮﻩ ... ﻋﻴﺐ
ﺍﻟﻠﻰ ﺑﺘﻘﻮﻟﻴﻪ ﺩﻩ ﻳﺎﻧﻬﻰ
ﺍﻧﺎ ﺑﺪﻭﻥ ﺳﻴﻄﺮﻩ ﻋﻠﻰ ﻧﻔﺴﻰ : ﻋﻴﺐ ﻫﻮ ﺍﻳﻪ
ﺍﻟﻠﻰ ﻋﻴﺐ ... ﻋﻴﺐ ﺍﻧﻰ ﺍﻋﻴﺶ ﺣﻴﺎﺗﻰ ﻣﻊ
ﺟﻮﺯﻯ ﻋﻴﺐ ﺍﻧﻰ ﺍﺧﺮﺝ ﻣﻌﺎﻩ ﻋﻴﺐ ﺍﻧﻰ ﺍﺣﺲ
ﺍﻧﻰ ﺍﻧﺴﺎﻧﻪ ﻭليا ﻛﺮﺍﻣﻪ .... ﺍﻟﻌﻴﺐ ﻳﺎ ﺑﺎﺑﺎ ﺍﻧﻰ
ﺍﺷﻮﻑ ﺟﻮﺯﻯ ﺗﻌﺒﺎﻥ ﻭﺗﺎﻳﻪ بينا ﻭﻣﺶ قادره
ﺍﺳﻌﺪﻩ ﻭﻻ ﺍﺳﻌﺪ ﻧﻔﺴﻰ ﻣﻌﺎﻩ
ﺍﻧﺎ ﺑﻌﻴﺎﻁ : ﺍﻧﺎ ﺗﻌﺒﺖ ﺍﻭﻯ ﻳﺎﺑﺎﺑﺎ ﺗﻌﺒﺖ ﻣﻦ ﻛﻞ
ﺣﺎﺟﻪ حوليا ... ﺍﻧﺎ ﻣﺶ ﻗﺎﺩﺭﻩ ﺍﺳﺎﻓﺮ ﻣﻊ
ﺟﻮﺯﻯ ﻋﺸﺎﻥ ﺧﺎﻃﺮﻫﺎ ﻭﻻ ﻗﺎﺩﺭﻩ ﺍﺧﺮﺝ ﻣﻌﺎﻩ
ﻋﺸﺎﻥ ﻫﻰ ﻣﺶ ﻋﺎﻭﺯﻩ ﻛﺪﻩ .... ﻃﻮﻝ ﺍﻟﻮﻗﺖ
ﻣﺘﺸﺘﺖ بينا ﻋﺸﺎﻥ ﻳﺮﺿﻴﻨﺎ ... ﺑﺎﺑﺎ ﻭﺍﻟﻠﻪ ﺍﻧﺎ ﺑﺤﺒﻪ
ﻭﻗﺮﺍﺭﻯ ﺩﻩ ﻋﺸﺎﻥ ميخسرشﻧﻔﺴﻪ ... ﻭﻫﻮ
ﻣﺶ بإيده حاجه ﻭﺧﺎﻳﻒ ﻳﺨﺴﺮ ﻣﺎﻣﺘﻪ ... ﺑﺲ
ﺍﻻﻛﻴﺪ ﺍﻧﻪ خسرني ﺧﻼﺹ
ﺑﺎﺑﺎ ﺑﺘﻨﻬﻴﺪﻩ : ﻗﻮﻣﻰ ﻳﺎﻧﻬﻰ ﺍﻏﺴﻠﻰ ﻭﺷﻚ
ﻭﺻﻠﻰ ﻭﺍﺩﻋﻰ ﺭﺑﻨﺎ ﻳﻬﺪﻳﻠﻚ ﺍﻟﺤﺎﻝ ﻭﺍﻧﺎ ﻛﻤﺎﻥ
ﻫﺪﻋﻴﻠﻚ .... ﺑﺲ ﻋﺸﺎﻥ ﺧﺎﻃﺮﻯ ﺍﻫﺪﻯ ﺷﻮﻳﻪ
ﻭﻓﻜﺮﻯ ﺑﻌﻘﻠﻚ ﻟﺤﺪ ﻣﺎ ﺣﺴﺎﻡ ﻳﺠﻰ ﺑﻜﺮﻩ
ﻭﻧﺘﻜﻠﻢ ... ﺑﻌﻘﻞ ﻳﺎ ﻧﻬﻰ ﺑﻌﻘﻞ
ﺍﻧﺎ ﻭﺍﻧﺎ ﺑﻤﺴﺢ ﺩﻣﻮﻋﻰ : ﺣﺎﺿﺮ ﻳﺎ ﺑﺎﺑﺎ ...
ﺣﺎﺿﺮ
ﻗﻮﻣﺖ ﻓﻌﻼ ﺍﺗﻮﺿﻴﺖ ﻭﺻﻠﻴﺖ ﻭﺩﻋﻴﺖ ﺭﺑﻨﺎ ﻳﻔﺮﺝ
ﺍﻟﻬﻢ ﺩﻩ ﻭﻳﻬﺪﻳﻨﻰ ﻟﻠﺼﺢ ﻭﻓﻀﻠﺖ ﻃﻮﻝ الليل
ﺑﻔﻜﺮ ﻭﻣﺶ ﻋﺎﺭﻓﻪ ﺍﻧﺎﻡ
ﺗﺎﻧﻰ ﻳﻮﻡ
ﻋﺮﻓﺖ ﺍﻥ ﺣﺴﺎﻡ ﺑﺮا  ﻗﻮﻣﺖ ﻟﺒﺴﺖ ﻭﻏﺴﻠﺖ
ﻭﺷﻰ ﻣﻦ ﺍﻟﻌﻴﺎﻁ ﻛﺎﻥ ﺑﺎﻳﻦ ﻋﻠﻰ ﻭﺷﻰ ﺍﻟﻌﻴﺎﻁ
ﻭﻗﻠﺔ ﺍﻟﻨﻮﻡ
ﺧﺮﺟﺖ ﻛﺎﻥ ﻗﺎﻋﺪ ﻣﻊ ﺑﺎﺑﺎ ﻭﻛﺎﻥ ﺑﺎﻳﻦ ﻋﻠﻴﻪ
ﺍﻻﺭﻫﺎﻕ ﻭﺍﻟﺘﻌﺐ ﻗﻠﺒﻰ ﺣﻦ ﺍﻭﻝ ﻟﻤﺎ ﺷﻮﻓﺘﻪ ﺑﺲ
ﻋﻘﻠﻰ ﻛﺎﻥ ﺭﺍﻓﺾ ﺍﻯ ﺗﺴﺎﻫﻞ ﺍﻭ ﺣﻨﻴﻦ ﻛﺎﻥ
ﺷﻜﻠﻪ ﺻﻌﺒﺎﻥ ﻋﻠﻴﻪ ﺑﺲ ﺑﺮﺩو ﻣﺶ ﻫﻴﻨﻔﻊ .....
ﻗﺎﻋﺪﺕ ﻣﻦ ﻏﻴﺮ ﺣﺘﻰ ﻣﺴﻠﻢ ﻋﻠﻴﻪ
ﺣﺴﺎﻡ ﺑﻨﻈﺮﺓ ﻋﺘﺎﺏ : ﺍﺯﻳﻚ ﻳﺎﻧﻬﻰ
ﺍﻧﺎ ﻣﻦ ﻏﻴﺮ ﻣﺒﺼﻠﻪ : ﺍﻟﺤﻤﺪ ﻟﻠﻪ ﻉ ﻛﻞ ﺣﺎﻝ
ﺑﺎﺑﺎ : ﻫﺎ ﻳﺎ ﻭﻻﺩ ﻣﺶ ﻫﺘﻌﻘﻠﻮ ﺑﻘﻰ ﻭﺗﻬﺪﻭ ﻛﺪﻩ
ﺣﺴﺎﻡ : ﺑﺺ ﻳﺎﺑﺎﺑﺎ ﺍﻧﺎ ﻣﺶ ﻫﺴﻴﺐ ﻧﻬﻰ ﻣﻬﻤﺎ
ﺣﺼﻞ ... ﻭﺍﻧﺎ ﻫﺤﺎﻭﻝ ﺍﺣﻞ ﻛﻞ ﺍﻟﻤﺸﺎﻛﻞ ...
ﺑﺲ ﺑﻼﺵ ﺍﻟﺠﻨﺎﻥ ﺑﺘﺎﻋﻬﺎ ﺩﻩ
ﺍﻧﺎ ﺑﻬﺪﻭﺀ : ﺣﺴﺎﻡ ﺑﻼﺵ ﻧﺘﻜﻠﻢ ﺑﻌﺎﻃﻔﻴﻪ ... ﺧﻠﻴﻨﺎ
ﻭﺍﻗﻌﻴﻦ ﺍﻛﺘﺮ ﺍﺣﻨﺎ ﺣﻴﺎﺗﻨﺎ ﺑﻘﺖ ﺻﻌﺒﻪ ﻭﻣﺶ
ﻫﻴﻨﻔﻊ ﺗﻔﻀﻞ ﺑﺎﻟﻮﺿﻊ ﺩﻩ ﺍﻧﺖ ﻣﺎﻣﺘﻚ ﻣﻬﻤﻪ ﺍﻭﻯ
ﻋﻨﺪﻙ ﻭﺟﺰﺀ ﺍﺳﺎﺳﻰ ﻓﻰ ﺣﻴﺎﺗﻚ ﻭﺍﻧﺎ ﻋﻤﺮﻯ
ﻣﻬﻄﻠﺐ ﻣﻨﻚ ﺍﻧﻚ ﺗﺰﻋﻠﻬﺎ ﺍﻭ ﺗﻐﻀﺒﻬﺎ ﻋﻠﻴﻚ ....
ﺻﺪﻗﻨﻰ ﻣﻔﻴﺶ ﺣﻞ ﺗﺎﻧﻰ ﻏﻴﺮ ﺍﻟﻄﻼﻕ
ﺣﺴﺎﻡ ﺑﻌﺼﺒﻴﻪ : ﻧﻬﻰ ﻣﺘﻨﻄﻘﻴﺶ ﺍﻟﻜﻠﻤﻪ ﺩﻯ
ﺗﺎﻧﻰ
ﺍﻧﺎ : ﺣﺴﺎﻡ ﻗﻮﻟﺘﻠﻚ ﺧﻠﻴﻨﺎ ﻭﺍﻗﻌﻴﻦ
ﺑﺎﺑﺎ : ﺑﺺ ﻳﺎﺣﺴﺎﻡ ﻧﻬﻰ ﻛﻼﻣﻬﺎ ﺻﺢ ﻣﺶ ﻫﻴﻨﻔﻊ
ﺗﻌﻴﺸﻮ ﺣﻴﺎﺗﻜﻮ ﻓﺎﻟﻀﻐﻂ ﺩﻩ ... ﺑﺲ ﺍﻧﺎ ﻋﻨﺪﻯ
ﺣﻞ ﺗﺎﻧﻰ ... ﻣﻤﻜﻦ ﺗﺴﻤﻌﻮﻧﻰ
ﺣﺴﺎﻡ : ﺍﺗﻔﻀﻞ ﻳﺎ ﺑﺎﺑﺎ
ﺑﺎﺑﺎ : ﺍﻧﺎ ﺷﺎﻳﻒ ﺍﻟﺤﻞ ﺍﻟﻮﺣﻴﺪ ﺍﻥ ﻣﺎﻣﺘﻚ ﺗﻴﺠﻰ
ﻫﻨﺎ ﻭﻧﺘﻜﻠﻢ ﻛﻠﻨﺎ ﻭﻧﺸﻮﻑ ﺣﻞ ﻟﻠﻮﺿﻊ ﺩﻩ ﻭﻻﺯﻡ
ﻫﻰ ﻭﻧﻬﻰ ﻳﺘﺼﺎﻓﻮ ﻋﺸﺎﻧﻚ ﻭﻋﺸﺎﻥ ﺣﻴﺎﺗﻜﻢ ﺑﻌﺪ
ﻛﺪﻩ ... ﻭﻛﻞ ﻭﺍﺣﺪ ﻳﻘﻮﻝ ﺍﻟﻠﻰ ﺟﻮﺍﻩ ﻭﻧﻬﺪﻯ
ﺍﻟﻨﻔﻮﺱ ﻭﻛﻞ ﻭﺍﺣﺪ ﻳﻌﺮﻑ ﺣﺪﻭده ﻭﻭﺟﺒﺎﺗﻪ ...
ﺍﻧﺎ ﺷﺎﻑ ﺍﻥ ﻫﻮ ﺩﻩ ﺍﻟﺤﻞ
ﺣﺴﺎﻡ ﺑﺎﺭﺗﺒﺎﻙ : ﺑﺲ ﺍﻧﺎ ... ﻣﺶ ﻋﺎﺭﻑ ﻣﺎﻣﺎ
ﻫﺘﺮﺿﻰ ﺗﻴﺠﻰ ﻫﻨﺎ ﻭﻻ ﻻﺀ
ﺍﻧﺎ ﺑﻌﺼﺒﻴﻪ : ﺑﺺ ﻳﺎﺣﺴﺎﻡ ... ﺍﻧﺎ ﻫﻔﻀﻞ ﻗﺎﻋﺪﻩ
ﻓﻰ ﺑﻴﺖ ﺍﻫﻠﻰ ﻳﺎﻣﺎ ﻣﺎﻣﺘﻚ ﺗﻴﺠﻰ ﻭﻧﺸﻮﻑ ﺣﻞ
ﺯﻯ ﻣﺎﺑﺎﺑﺎ ﻗﺎﻝ ﻳﺎﻣﺎ ﺗﺨﺘﺎﺭﻫﺎ ﻭﺗﺴﺒﻨﻰ ﻭﻧﺮﺗﺎﺡ
ﻛﻠﻨﺎ ﻭﺩﻩ ﺍﺧﺮ ﻛﻼﻡ ﻋﻨﺪﻯ ... ﺑﻌﺪ ﺃﺫﻧﻜﻢ
ﻭﻗﻮﻣﺖ ﺩﺧﻠﺖ ﺍﻭﺿﺘﻰ ﻣﻦ ﻗﺒﻞ ﺣﺘﻰ ﻣﺎ ﻳﺮﺩ
...............................................
...........
ﺣﺴﺎﻡ ﻟﻤﺎ ﺭﻭﺡ ﺩﺧﻞ ﻋﻨﺪ ﺳﻬﻴﺮ ﻭﻫﻮ ﺑﺎﻳﻦ ﻋﻠﻴﻪ
ﺍﻟﺘﻌﺐ
ﺳﻬﻴﺮ : ﻋﻤﻠﺖ ﺍﻳﻪ ؟
ﺣﺴﺎﻡ : ﻭﻻ ﺣﺎﺟﻪ
ﺳﻬﻴﺮ : ﻟﺴﻪ ﻣﺼﻤﻤﻪ ﻋﻠﻰ ﺍﻟﻄﻼﻕ
ﺣﺴﺎﻡ : ﻣﺎﻣﺎ ﺍﻟﺤﻞ ﺍﻟﻮﺣﻴﺪ ﺍﻧﻚ ﺗﻴﺠﻰ ﻣﻌﺎﻳﺎ
ﻭﻧﺘﻜﻠﻢ ﻛﻠﻨﺎ ﻭﻧﺼﻔﻰ ﺍﻻﻣﻮﺭ ﻭاللي ﺑﻴﻨﻜﻢ
ﺳﻬﻴﺮ ﺑﻌﺼﺒﻴﻪ : ﻧﻌﻢ ... ﺍﻧﺖ ﻋﺎﻭﺯﻧﻰ ﺍﺭﻭﺡ ﺍﺻﺎلحها
ﻭﻻ ﺍﻳﻪ .. ﺍﻧﺴﻰ ﻳﺎ ﺣﺴﺎﻡ .. ﻭﻟﻮ ﻫﻰ ﻋﺎﻭﺯﻩ
ﺗﻄﻠﻖ ﻃﻠﻘﻬﺎ ﻭﺍﻧﺎ ﻫﺠﻮﺯﻙ ﺳﺖ ستها
ﺣﺴﺎﻡ ﺑﻌﺼﺒﻴﻪ : ﻣﺎﻣﺎ ﺍﻧﺎ ﻣﺶ ﻫﻄﻠﻖ ﻧﻬﻰ ﻣﻬﻤﺎ
ﺣﺼﻞ ... ﻋﺸﺎﻥ ﺧﺎﻃﺮﻯ ﺣﺎﻭﻟﻰ ﺗﺘﻨﺎﺯﻟﻰ ﻭﻟﻮ
ﻣﺮﻩ ﻭﺍﺣﺪﻩ ﻭﺿﺤﻰ ﻋﺸﺎﻧﻰ
ﺳﻬﻴﺮ : ﻫﻰ ﺩﻯ ﺍﺧﺮﺗﻬﺎ ﻳﻌﻨﻰ ﺍﻧﺖ ﺷﺎﻳﻒ ﺍﻧﻰ
ﻋﻤﺮﻯ ﻣﻀﺤﻴﺖ ﻋﺸﺎﻧﻚ ﺩﻩ ﺍﻧﺎ ﻋﺸﺖ ﻋﻤﺮﻯ ﻛﻠﻪ
ﺑﻀﺤﻰ ﻋﺸﺎﻧﻚ ... ﺑﺲ ﺩﻩ ﻣﺶ ﻣﻌﻨﺎﻩ ﺍﻧﻰ
ﺍﺗﻨﺎﺯﻝ ﻋﻠﻰ ﻛﺮﺍﻣﺘﻰ ﻋﺸﺎﻥ ﺧﺎﻃﺮﻙ ...
ﺍﻟﺘﻀﺤﻴﻪ ﻟﻴﻬﺎ ﺣﺪﻭﺩ ﻳﺎ ﺣﺴﺎﻡ
ﺣﺴﺎﻡ : ﻳﻌﻨﻰ ﺩﻩ ﺍﺧﺮ ﻛﻼﻡ ﻋﻨﺪﻙ
ﺳﻬﻴﺮ ﺑﺘﺤﺪﻯ : ﺍﻩ ﻭﺍﻧﺎ ﻣﻄﺮﺩﺗﻬﺎﺵ ﻋﺸﺎﻥ ﺍﺭﻭﺡ
ﺍﺭﺟﻌﻬﺎ ﺯﻯ ﻣﺨﺮﺟﺖ ﻣﻦ ﺑﻴﺘﻬﺎ ﺗﺮﺟﻊ ﺗﺎﻧﻰ ﻭﻟﻮ
ﻣﺶ ﻋﺠﺒﻬﺎ ﺗﺨﺒﻂ ﺩﻣﺎﻏﻬﺎ ﻓﻰ ﺍﻟﺤﻴﻂ
ﺣﺴﺎﻡ : ﻣﺎﺷﻰ ﻳﺎﻣﺎﻣﺎ ...ﺍﻧﺎ ﻫﻄﻠﻊ ﻋﺸﺎﻥ
ﺍﺣﻀﺮ ﺷﻨﻄﺘﻰ ﻭﺍﺳﺎﻓﺮ
ﺳﻬﻴﺮ ﺑﺎﺳﺘﻐﺮﺍﺏ : ﻟﺴﻪ ﻳﻮﻣﻴﻦ ﻋﻠﻰ ﺍﺟﺎﺯﺗﻚ
ﺣﺴﺎﻡ : ﻻ ﺍﻧﺎ ﻫﺴﺎﻓﺮ ﺩﻟﻮﻗﺘﻰ
ﻭﻃﻠﻊ ﻭﺭﺯﻉ ﺍﻟﺒﺎﺏ ﻣﻦ ﻏﻴﺮ ﻭﻻ ﻛﻠﻤﻪ
ﺑﻌﺪ ﺷﻬﺮﻳﻦ
ﺣﺴﺎﻡ ﺳﺎﻓﺮ ﻭﻣﻜﻠﻤﻨﻴﺶ ﻏﻴﺮ ﻣﺮﺗﻴﻦ ﻛﺎﻥ
ﺑﻴﺤﺎﻭﻝ ﻳﺨﻠﻴﻨﻰ ﺍﻏﻴﺮ ﺭﺍﺋﻰ ﺑﺲ ﺍﻧﺎ ﻛﻨﺖ
ﻣﺘﻤﺴﻜﻪ ﺑﻘﺮﺍﺭﻯ
ﻭﻋﺮﻓﺖ ﻣﻨﻪ ﺍﻧﻪ ﻣﻦ ﺳﺎﻋﺔ ﻣﺴﺎﻓﺮ منزلش
ﺍﺟﺎﺯﻩ ﻭﻛﻞ ﻣﻜﻠﻤﺎﺗﻪ ﻣﻊ ﻣﺎﻣﺘﻪ ﺭﺳﻤﻴﻪ ﺑﻴﻄﻤﻦ
ﻋﻠﻴﻬﺎ ﻭﺧﻼﺹ ﻭﻛﺎﻧﺖ ﻟﻤﺎ ﺗﺘﻜﻠﻢ ﻣﻌﺎﻩ ﻓﻰ ﺍﻯ
ﺣﺎﺟﻪ ﻛﺎﻥ ﺑﻴﻘﻔﻞ ﻣﻌﺎﻫﺎ ﺍﻟﻜﻼﻡ ﺑﺤﺠﺔ ﺍﻟﺸﻐﻞ
ﻭﻳﻘﻔﻞ ﻣﻌﺎﻫﺎ
ﻭﻓﻰ ﻳﻮﻡ ﻛﻨﺖ ﻗﺎﻋﺪﻩ ﻓﻰ ﺍﻭﺿﺘﻰ ﺳﺮﺣﺎﻧﻪ
ﻭﺑﻔﻜﺮ ﻓﺎﻳﺎﻣﻰ ﺍﻟﻠﻰ ﻋﺸﺘﻬﺎ ﻣﻊ ﺣﺴﺎﻡ ﻛﺎﻥ
ﻭاﺣﺸﻨﻰ ﺍﻭﻯ ﻭﻓﺠﺎﺀﻩ ﻟﻘﻴﺘﻪ ﺑﻴﺮﻥ عليا
ﺍبتسمت ﺍﻓﺘﻜﺮﺕ ﺍﻳﺎﻡ ﺯﻣﺎﻥ ﻟﻤﺎ ﻛﺎﻥ ﺑﻴﺤﺲ بيا
ﻭﺍﻟﻘﻴﻪ ﺑﻴﻜﻠﻤﻨﻰ ﻟﻤﺎ ﺍﻛﻮﻥ ﻣﻀﺎﻳﻘﻪ
ﺭﺩﻳﺖ ﻋﻠﻴﻪ ﺑﺴﺮﻋﻪ : ﺍﻟﺴﻼﻡ ﻋﻠﻴﻜﻢ
ﺣﺴﺎﻡ ﺑﺼﻮﺕ ﺗﻌﺒﺎﻥ : ﻭﻋﻠﻴﻜﻢ ﺍﻟﺴﻼﻡ
ﺍﻧﺎ ﺑﺨﻀﻪ : ﻓﻰ ﺍﻳﻪ ﻳﺎﺣﺴﺎﻡ ﻣﺎﻟﻚ
ﺣﺴﺎﻡ : ﺗﻌﺒﺎﻥ ﺷﻮﻳﻪ ... ﺣﺼﻠﺘﻠﻰ ﺣﺎﺩﺛﻪ
ﻓﺎﻟﺸﻐﻞ ﺍﻧﻬﺎﺭﺩﻩ
ﺍﻧﺎ ﺑﺨﻀﻪ : ﺍﻳﻪ
ﺣﺴﺎﻡ : ﻣﺘﺨﺎﻓﻴﺶ ﺍﻧﺎ ﻛﻮﻳﺲ ... ﺩﺭﺍﻋﻰ ﺑﺲ
ﺍﻧﻜﺴﺮ ﻭﺷﻮﻳﻪ ﻛﺪﺍﻣﺎﺕ ﻓﻰ ﻭﺷﻰ
ﺍﻧﺎ ﺑﺪﻣﻮﻉ : ﺍﻧﺖ ﻛﺪﻩ ﺑﻄﻤﻨﻰ
ﻓﻀﻞ ﺳﺎﻛﺖ
ﺍﻧﺎ : ﻣﺶ ﻫﺘﻨﺰﻝ ﺍﺟﺎﺯﻩ ﻗﺮﻳﺐ
ﺣﺴﺎﻡ : ﻛﺘﺒﻨﻠﻰ ﺍﺟﺎﺯﻩ ﺷﻬﺮ ﺑﺲ ﺍﻧﺎ ﻣﺶ ﻫﻨﺰﻝ
ﻫﻘﻀﻴﻬﺎ ﻫﻨﺎ ﻓﺎﻟﺒﻴﺖ
ﺍﻧﺎ : ﻟﻴﻪ ﻛﺪﻩ ﻳﺎﺣﺴﺎﻡ ﻃﻨﻂ ﺯﻣﺎﻧﻬﺎ ﻗﻠﻘﺎﻧﻪ ﻋﻠﻴﻚ
ﺣﺴﺎﻡ : ﺍﻧﺎ ﻣﺶ ﻫﻨﺰﻝ ﻏﻴﺮ ﻟﻮ ﺭﺟﻌﺘﻰ
ﺍﻟﺒﻴﺖ .... ﻣﺶ ﻗﺎﺩﺭ ﺍﺩﺧﻞ ﺍﻟﺒﻴﺖ ﻭﺍﻧﺘﻰ ﻣﺶ
ﻓﻴﻪ
ﺍﻧﺎ ﺑﻮﺟﻊ : ﺣﺴﺎﻡ متضغطش ﻋﻠﻴﺎ ﻋﺸﺎﻥ
ﺧﺎﻃﺮﻯ .. ﺻﺪﻗﻨﻰ ﺍﻧﺎ ﺑﻌﻤﻞ ﻛﺪﻩ ﻋﺸﺎﻥ ﺑﺤﺒﻚ
ﻭﺧﺎﻳﻔﻪ ﻓﻰ ﻳﻮﻡ ﺗﻜﺮﻫﻨﻰ ﺑﺴﺒﺐ ﺍﻟﻤﺸﺎﻛﻞ
ﺣﺴﺎﻡ : ﺑﺲ ﻳﺎ ﻧﻬﻰ ﺍﻧﺎ ﻣﺤﺘﺎﺟﻚ ﺍﻭﻯ
ﺍﻧﺎ ﺑﺎﺭﺗﺒﺎﻙ : ﺣﺴﺎﻡ ﺍﻧﺎ ﻫﻘﻔﻞ ﺩﻟﻮﻗﺘﻰ ﻭﺧﺎﻟﻰ
ﺑﺎﻟﻚ ﻣﻦ ﻧﻔﺴﻚ ﺳﻼﻡ
ﻭﻗﻔﻠﺖ ﺑﺴﺮﻋﻪ ﻗﺒﻞ ﻣﻀﻌﻒ ﻭﺍﻏﻴﺮ ﻗﺮﺍﺭﻯ
ﻭﻓﻀﻠﺖ ﺍﻋﻴﻂ
ﺗﺎﻧﻰ ﻳﻮﻡ
ﺻﺤﻴﺖ ﻋﻠﻰ ﺗﻠﻴﻔﻮﻧﻰ ﺍﻟﻠﻰ ﺑﻴﺮﻥ ﻗﻮﻣﺖ ﺑﺴﺮﻋﻪ
ﻭﺑﺼﻴﺖ ﻋﻠﻰ ﺍﻟﺘﻠﻴﻔﻮﻥ ﻟﻘﻴﺘﻪ ﺣﺴﺎﻡ
ﺍﻧﺎ ﺑﺎﺳﺘﻐﺮﺍﺏ ﻭﺧﻮﻑ : ﺍﻟﺴﻼﻡ ﻋﻠﻴﻜﻢ ... ﺧﻴﺮ
ﻳﺎ ﺣﺴﺎﻡ
ﺣﺴﺎﻡ ﻭﺑﺎﻳﻦ ﻋﻠﻴﻪ ﺍﻟﻘﻠﻖ : ﻧﻬﻰ ﻣﺎﻣﺎ ﻳﺎ ﻧﻬﻰ
ﺍﺗﻨﻔﻀﺖ ﻣﻦ ﻋﻠﻰ ﺍﻟﺴﺮﻳﺮ : ﻣﺎﻟﻬﺎ ... ﻓﻰ ﺍﻳﻪ
ﺣﺴﺎﻡ ﺑﺪﻣﻮﻉ : ﻣﺶ ﻋﺎﺭﻑ ﺑﻜﻠﻤﻬﺎ ﻣﻦ ﺍﻣﺒﺎﺭﺡ
ﺑﻠﻴﻞ .. ﻣﺶ ﺑﺘﺮﺩ ﻋﻠﻴﻪ
ﻭﺍﺗﺼﻠﺖ ﺑﺨﺎﻟﺘﻚ ﻗﺎﻟﺘﻠﻰ ﺑﻘﺎﻟﻬﺎ ﻳﻮﻣﻴﻦ ﻣﺮﺍحتش
ﺍﻟﺸﻐﻞ ... ﺍﻛﻴﺪ ﻓﻰ ﺣﺎﺟﻪ
ﺍﻧﺎ : ﻃﻴﺐ ﺍﻫﺪﻯ ﺑﺲ ﺍﻧﺎ ﻫﻠﺒﺲ ﻭﻫﻨﺰﻝ ﺍﻧﺎ ﻭﺑﺎﺑﺎ
ﻧﺸﻮﻓﻬﺎ
ﺣﺴﺎﻡ ﺑﺪﻣﻮﻉ : ﻋﺸﺎﻥ ﺧﺎﻃﺮﻯ ﻳﺎﻧﻬﻰ ﻃﻤﻨﻴﻨﻰ
ﻭﺍﻧﺎ ﻫﺮﻛﺐ ﻓﻰ ﺍﻭﻝ ﺍﺗﻮﺑﻴﺲ ﻭﻫﺎﺟﻰ
ﺍﻧﺎ : ﺣﺎﺿﺮ ﻳﺎﺣﺴﺎﻡ متقلقش ... ﺳﻼﻡ
ﻭﻗﻮﻣﺖ ﺑﺴﺮﻋﻪ ﺑﺎﺑﺎ ﻛﺎﻥ قاعد ﻓﻰ ﺍﻻﻧﺘﺮﻳﻪ
ﺍﻧﺎ ﻭﺑﺎﻳﻦ ﻋﻠﻴﻪ ﺍﻟﺨﻮﻑ : ﺑﺎﺑﺎ ﺍﻟﺒﺲ ﺑﺴﺮﻋﻪ
ﺑﺎﺑﺎ ﺑﺨﻀﻪ : ﻓﻰ ﺍﻳﻪ ﻳﺎﻧﻬﻰ
ﺍﻧﺎ : ﻣﺶ ﻋﺎﺭﻓﻪ ﻃﻨﻂ ﺳﻬﻴﺮ ﺑﺎﻳﻦ ﺣﺼﻠﻬﺎ ﺣﺎﺟﻪ
ﺗﻌﺎﻟﻰ ﻣﻌﺎﻳﺎ ﻧﺸﻮﻓﻬﺎ ... ﺣﺴﺎﻡ ﻣﻨﻬﺎﺭ
ﺑﺎﺑﺎ : ﺣﺎﺿﺮ ﻳﺎ ﺑﻨﺘﻰ ....ﻳﺎﺭﺏ ﺳﺘﺮﻙ ﻳﺎﺭﺏ
ﻭﺩﺧﻞ ﻟﺒﺲ ﻭﺍﻧﺎ ﻛﻤﺎﻥ ﻭﻧﺰﻟﻨﺎ ﺑﺴﺮﻋﻪ ﻭﺻﻠﻨﺎ
ﺍﻟﺒﻴﺖ ﻓﻀﻠﻨﺎ ﻧﺨﺒﻂ ﻛﺘﻴﺮ ﺑﺲ مفيش ﻓﺎﻳﺪﻩ
ﺑﺎﺑﺎ : ﻭﺑﻌﺪﻳﻦ ﻳﺎﺑﻨﺘﻰ ... ﻣﺤﺪﺵ ﺟﻮﺍ ﺑﺎﻳﻦ
ﺍﻧﺎ ﺑﺘﻮﺗﺮ : ﺍﻧﺎ ﻣﻌﺎﻳﺎ ﻣﻔﺘﺎﺡ ﻟﻠﺸﻘﻪ ﻓﻮﻕ ﻫﻄﻠﻊ
ﺍﺟﻴﺒﻪ ﻭﻧﺪﺧﻞ
ﺑﺎﺑﺎ : ﻣﺎﺷﻰ ﻳﺎ ﺑﻨﺘﻰ ﺑﺲ ﺑﺴﺮﻋﻪ
ﻃﻠﻌﺖ ﺟﺮﻯ ﺟﺒﺖ ﺍﻟﻤﻔﺘﺎﺡ ﻭﺩﺧﻠﻨﺎ ﺍﻟﺸﻘﻪ ﻛﻞ
ﺣﺎﺟﻪ ﻣﻜﺎﻧﻬﺎ
ﻓﻀﻠﺖ ﺍﻧﺪﻩ : ﻃﻨﻂ ﺳﻬﻴﺮ .... ﻃﻨﻂ
ﻣﺤﺪﺵ ﻛﺎﻥ ﺑﻴﺮﺩ عليا
ﺑﺎﺑﺎ : ﺍﺩﺧﻠﻰ ﻳﺎﺑﻨﺘﻰ ﺍﻧﺘﻰ ﺷﻮﻓﻴﻬﺎ ﻛﺪﻩ ﻳﻤﻜﻦ
ﻧﺎﻳﻤﻪ
ﺩﺧﻠﺖ ﺍﻭﺿﺘﻬﺎ ﻟﻘﺘﻬﺎ ﻭﺍﻗﻌﻪ ﻋﻠﻰ ﺍﻻﺭﺽ
ﻭﻗﺎﻃﻌﻪ ﺍﻟﻨﻔﺲ
ﺍﻧﺎ ﺑﺼﻮﻳﺖ : ﺑﺎﺑﺎﺍﺍﺍﺍﺍ ﺑﺎﺍﺍﺍﺍﺍﺍﺍﺍﺍﺍﺑﺎ ﺍﻟﺤﻘﻨﻰ