الغابة الريفية

تعريف الشخصيات

بعد ما شفت ..حسيت الرواية ما تكمل الا بتعريف الشخصيات .. انا كثير اتهرب من وصف الشخصيات لأني ما أعرف اوصف صراحةة ..بس ما راح اوصف وصف دقيق راح اوصف شخصياتهم ومشاعرهم ..
وسامحوني ع التعريف المتأخر ..
الاعمار نفس بعض أولا

1 - سلطان : هو شخص أناني ويبي الشي يمشي على كيفه ويحب يكون متسلط ويحب يكون اليد العليا واليد المتحكمة بكل شيء مرات شخصيته المتسلطة تفيد من حوله اذا استخدمها في الخير ..

سؤال: لكن مع مجموعته اللي بروسيا هل يستخدمها بالخير أو بالشر نشوف لاحقا ..

2 - راكان : شخصية محبوبة تحب تساعد من حولها وطيبه وقليل تزعل هالشخصية باختصار هو سكر كل جلسة .

س: تتوقعون وين راح راكان ؟؟

3 - وليد : شخصيه مرحه ويحب يطقطق ويستهبل وشخص يضحي كثيرا لأجل أي واحد يثق فيه واللي يحبه ويعزه يعطيه عيونه واللي يبي .

4 - خالد : الشخصية الساكته والصنم او زي ما يسمونه اخوياه الغامض هالشخصيه دايم كتومه وتحل مشاكلها بالسر والكتمان وممكن تقلب عليك في أي وقت واذا زعل ما يعرفك ولا يندم ع اي شيء يسويه وقتها لكن هالشخصية صبورة جدا وبعد وقت ينفجر ولا تنسون ان هالشخصيه وراها بلاوي ..

س : شخصية خالد وش تعتقدون تأثر ع مجرى الحياة الي هم فيها وخصوصا تحت القبة وش تعتقدون له علاقة باللي صاير ..

5 - سعد : الشخصية العلمية والي تحب العلم وتتفلسف عليه كثير ويمزح احيانا وينفس احيانا بس راح يكون له تأثير كبير مستقبلا في القصة ..

س : اش تتوقعون دور سعد الان ومستقبلا وأش ممكن يسوي للمجموعة

شخصيات البنات فيما بعد

جاوبو ع الاسئلة .. اذا فاضين لها