الغابة الريفية

البارت السابع ( الكهف المظلم )

بعد دقايق الباب الرئيسي يدق
دق دق دق
خالد بضحكة خفيفة : وصل الموت ولا زلتم على عنادكم
سمر تبكي : وصلواا !!!
سارة : شنسوي الحييين !!
وليد : اسمعوا انا باخذ شيء معي وبروح افتح واشغلهم وانتم حاولوا تهربون
سمر : لا لا تضحي بنفسك خلونا كلنا ندافع عن نفسنا ..تكفى وليد لا تروحح .!
خالد : كيف بنات وتدافعون ؟!
فاتن بصياح : الخوف يزيد من التوتر خلونا نشوف النتايج بالأول ..
سحر بصوت خفيف : وين راحوا ؟؟
سارة : مدري ..!
سعد : اي صدق الباب ما دق له دقايق ..خلونا نركز باللي فيه الحين ونترك خلافاتنا ..
خالد : ننقسم ثنين ثنين يلا سحر وسعد .. سمر و وليد ..انا وسارة ..فاتن خليك هنا بالغرفة ..
الجميع : اوك
..
بعد 10 دقايق
ولا زال الهدوء مستمر
..
( عند مجموعة سحر وسعد )
يمين البيت الدور السفلي ..
سحر تفتح صندوق الاكل : سعد كلامي بدا يتحقق
سعد : اي كلام ؟!
سحر : الأكل بدأ ينقص ومحد داري كلهم مشغولين باللي يصير
سعد : طيب شنسوي الحين ..
سحر : سامحني بس ما فيه الا طريقه وحده
سعد : وشو ؟
سحر : نسرق نص الاكل لي انا وانت ونخزنه .. عشان مستقبلا اذا صار مشاكل نكون بعيدين عنها ..
سعد : سحر انجنيتي ..انت من جدك !!
سحر : اي ..يعني ينتهي الاكل ونجلس نتذابح معهم اجل نسلم من الحين احسن .. ..
سعد : ذولا نعرفهم ومستحيل يصير شيء بيننا اذا انتهى الاكل .. وحرام نسرق نص اكلهم هذول اخواننا
سحر : شف حبيبي النية الطيبة ما تنفع في الوقت هذا وتوقع اي شيء بالعكس انا اسوي كذا ..لأن اذا جاء الوقت الي يبقى فيه اكل قليل راح يكون الاكل هذا للأقوى ..
سعد : كيف يعني ..؟
سحر : يعني ما راح ياكله الا سلطان او خالد بعد القتال الي راح يصير هنا عشان هالاكل .. فنساعد نفسنا من الحين عشان نسلم بعدين
سعد : خلاص يلا خذي الاكل وانا براقب عند الباب عشان محد يجي
سحر : انا بخبي هالاكل في غرفتنا او شنطتي بالاخص اوك ؟
سعد : اوك يلا سريع سريع خذي الاكل ..
..
عند مجموعة ( وليد وسمر )
الدور الثاني في يمين البيت
..
سمر تراقب بالشباك : وليد الي جونا قبل ربع ساعه من هم تتوقع ..؟
وليد : وهذا السؤال الي يدور في مخي ..بس بكره صباح لازم نروح نشوف الكوخ الي قالت عنه ساره
سمر : وليد تكفى لا تضحي بنفسك عشانهم خلك معي .. صح اني اعتمد ع الغير بس ما اعتمد عليك في شيء يضرك ابدا
وليد : سمر اش هالكلام هذول اخواني ولازم اضحي عشانهم ولا لاجل ايش خويهم انا ؟
سمر والدمعه بخدها : وليد محد يستاهل تضحي عشانه في الازمة هذي ..صدقني كل واحد جالس يخطط لمصلحته الحين ..وانا مو مستبشرة بالمستقبل يعني بعد 4 ايام او بعد اسبوع وش راح يصير علينا
وليد : انا من يوم عرفتك ..سلبيه بنظرتك للمستقبل ..خليك ايجابيه شوي ..وش دراك يمكن بعد اسبوع نخرج من هنا وكأن ولا شيء صار
سمر بحسره : او يمكن بعد اسبوع نكون جثث تحت الارض ولا حد درا فينا .
وليد : طيب وش اللي لازم اسويه الحين ؟
سمر : حاول تخلي نفسك اخر واحد عند الشباب ولا تتقدم اذا دختوا الكوخ بكره.. ولا تدخل في مشاكل عشان كل ما زادت فترة بقاءك كل ما زادت فترة نجاتك وخرجنا من هنا .
وليد : خلاص ..أوك
..
عند فاتن
الدور الثاني يسار البيت
..
فاتن تسمع صوت ..احد يناديها ..
فاتن : لا لا انا جالسه اتخيل .. هذا وسواس
ولا زال الصوت ينادي ويرتفع ..
فاتن : لحظه هذا سلطان !
راحت عند الباب حق غرفة سلطان
فاتن : هلا سلطان .وش بغيت ؟
سلطان من ورا الباب : فاتن اسمعيني زين وابغاك تفهمين كلامي بما انك شخصيه تحليليه وتهتم بالنتائج افهميني زين ولا تهتمين للواقع..
فاتن باستغراب : ايه تفضل ..وش بغيت .
سلطان : انا الحين محبوس وكل ما زادت فترة حبسي كل ما خالد استقوى عليكم ..صدقيني خالد ما وراه الا الشر انا اعرفه ..وصدقيني انتي لوحدك والباقين في مزدوجين في مجموعة زي سعد وسحر مثال .. لوحدك ما راح تقدرين تدافعين عن نفسك ولا لك سند يحميك ..والباقين مع صعوبة الاوضاع والله ما راح يشوفونك راح يهتموا باللي معهم ويحبونه اكثر ..صدقيني فاتن انا احبك لذكائك وانتي افضل وحده شفتها متزنة في المجموعة من اول ما دخلنا البيت .. صدقيني لوحدك راح تموتين بشكل اسرع
فاتن وهي تصبب عرق وخايفه : طيب سلطان صدقتك .. بس وش اسوي الحين تكفى علمني.
سلطان : بس فكي الباب علي وتكونين في امان
فاتن : سلطان لكن .....
سلطان قاطعها : مافيه لكن اذا تبين حياتك افتحي الباب الثانين مافيهم خير لك ترا ..
بعد دقيقه تفكير .
.
.
فاتن فتحت الباب لسلطان ..
سلطان : ايوه هذا انتي اتخذتي قرار ما راح تندمين عليه ابدا .
فاتن : ان شاء الله
سلطان : بس دقيقه اوريك فيهم بروح دورة المياه خليك هنا ..
فاتن : ان شاء الله ..
بعد دقايق
..
عند مجموعة
(خالد وسارة ) الدور الاول يسار البيت
خالد : سارة انا اعرفك تحبين راكان و تبين تلاقينه..
بس صديقني لو اهتميتي براكان راح تضعفين
سارة : كيف يعني وش قصدك
خالد : يعني انسي راكان حاليا .. وركزي على شيء اهم من هذا.. وهو وضعنا الحالي ووضعنا مع سلطان
سارة بحزن: انسى راكان !! .. بس هو ينتظرنا ندور عليه ..كيف ننساه بهذي السهولة ..خالد اشفيك راكان خويك ليش ماتحزن عليه
خالد : يووه .. انتي افهميني قلت حاليا ننساه بعدين نفكر فيه .. واصلا .
سكت خالد
سارة : اصلا ايش تكلم ؟؟
خالد : اصلا راكان ميت ..
سارة : ايشش !! .. هذا فألك على راكان بعيد الشر عنه..هذا انت ما همك الا نفسك .. لا مو ميت انت الي ميت داخليا ..
خالد بضحكه خفيفه: يعني بالله كم يوم لا اكل ولا شرب تعتقدين يعيش ! ههههههههه
سارة : ا ا ل
خالد : تلعثمتي وانلجمتي بالكلام ما تدرين وش تقولين صدقيني مات ..
سارة : بعدين تعال وش فيه وضعنا مع سلطان ..بالعكس هذا سلطان ولازم تصبرون عليه مو تحبسونه بالقلب البارد هذا ..
خالد : وش نصبر عليه هذا مجنون .. وصراحة المجنون لازم نستفيد منه بس لو تكونين معي ..
سارة : انت انجنيت وش مجنون الا انت اللي مجنون بعدين وش قصدك باننا نستفيد منه ؟!
وانت حابسه اصلا ..
خالد : قلت لك لو تكونين معي واقولك ..
سارة بقرف : خلاص بكون معك وبالله كيف نستفيد منه..
خالد : لو كلمنا المجموعات الثانيه ونتفق نقدم سلطان كطعم للكوخ بحيث نمسكه باسلاك ونربطه ونرميه قدام الكوخ ونشوف وش يصير للي داخل الكوخ هل يخرجون ونقتل ثنين منهم ونخلي واحد عشان نستجوبه وبكذا نستفيد ويمكن نخرج بسرعه
ساره : ايش !! كل هالقلب الحجر انت تملكه !!
خالد : هيه ترا يمكن ما يموت انا قلت احنا نرميه ونخليهم يطلعون بدون ما يدرون عننا ونغدر فيهم ومانخلي سلطان يموت .. او يمكن يموت لو تاخرنا وما قتلناهم بسرعه ..اهم شيء نستفيد ونلقى حل وبنفس الوقت نتخلص من واحد يهددنا يعني عصفورين بحجر واحد
سارة مدمعه: انت مجنون والله مجنون وانا ماني معك ابدا بس كنت ابي اعرف وش تخطط له وانا مستغربه وين راح خالد هذاك الساكت المؤدب الطيب طول الرحلة ساكت تحس انه بريء .. لكن لا والله انه انت الي تمثل مصدر تهديد لنا مو سلطان
خالد : انتي ما ينفع معك الكلام انا بروح ادور شيء اكله بالمطبخ سلام ..
..
خالد : سعد وخر ابي ادخل
سعد : هاه ...! ...بس هذا مكاننا بنراقب فيه مالك دخل . مو انت حطيتنا هنا
خالد دف سعد : اقول وخررر
خالد : دقيقه دقيقه سحر وراك تحطين الاكل بشنطتك !!!
سحر : هاه .. بسس .. ا ا .. انا جوعانه
خالد : جوعانه والاكل هذا كله وين بتودينه ..!!
سارة منصدمه وساكته ..
خالد : شفتي ساره الكل ماله دخل فالثاني وانتي مسكينه تحبين الخير للغير ..شفي اخرتها .. والله لا افضحكم عند الثانين وما اكون خالد وانتم اول طعم راح نستخدمه ممكن هههههههه.
..
عند مجموعة سلطان وفاتن
سلطان فتح باب الحمام بقوة وهو خايف: فاتن فاتن تعالي شوفي !!
فاتن مسرعه : وشو
سلطان : انا لمست الجدار لقيته خفيف جدا ودقيته وانكسر فتحة صغيرة بس يوم شفت مع هالفتحة لقيت ظلام واسع جدا .. وليزر طايح !!
فاتن : ا ا ايششش !!!
سلطان: دقيقه خليني ادق زياده ..
..بعد ما دق سلطان الجدار ..
فاتن : اش هذا !!!!
سلطان متعجب : يعني وشو برايك ..
فاتن : هذا كهف !!
سلطان : ايه كهف مظلم كبيرر والعجيب الليزر اللي شفته طايح من الفتحه مو موجود .. !!!
فاتن تنادي للي في البيت كامل : شباب تعالوا تعالوا ...!!!

انتهى البارت السابع ..
ومعليش ع التأخير ..

علقواا .. حمسوني شوي ..
كونوا ع تواصل ..
سلام