قصة_انت_ قدري

الحلقة الثانية

☺

مرام:انا مكسوفة اووى يا مراد
مراد:لا متتكسفيش
مرام:فرحان يا حبيبى
مراد بعدم الامبلاة:اة
مرام:امال مش طلعة من قلبك لية
مراد:لا عادى يعنى منا بقولها اهو
مرام:مراد
مراد:نعم
مرام وقد اقتربت من اذنة:بحبك
مراد وايضا بعدم الامبلاة:وانا كمان
مرام بحزن:اوك خلاص مش لازم تقولها عادى يعنى
مراد:طب افردى وشك بقى عشان الناس كلها مركزة معانا
مرام:حاضر
كان يدور هذا الحديث وهم يرقصون سويا
خالد:انا زعلان جدا على مراد
عمر:لية بس يابنى دة النهاردة فرحة الفرود تفرحلة مش دة اخوك
خالد:مش قصدى يا عمر بس عشان هو اتجوز واحدة مش بيحبها وكمان ظلم نفسة وظلمها معاة
عمر:واللّة انا مرام اللى صعبانة علية اوى ,اخوك دة فقرى مش حيوريها يوم حلو وهينكد عليها,اللّة يكون فى عونها بقى
كريم:انت ياد انت وهو واقفين هنا لية تعالوا اقفوا معانا برة القاعة فى هوا اية يسطل الواحد يخلى ينام
عمر:وهو انت موركش غير النوم والاكل
كريم:هو كان فى احلى منهم وانا قولت لآ
خالد:اة يا خوية فى .........فى سارة
ابتسم كريم عندما سمع اسمها وقال:واللّة مش عارف يا جماعة بس البنت دى عملتى حاجة زى ماتكون كدة عملتلى عمل
عمر:دة انت وقعت ومحدش سمى عليك
كريم:بقولك اية انت وهو سيبكم من الموضوع دة ويلا نخرج عشان نشم هوا بدل الكئأبة اللى شيفنها على وش صحبكم الفقر دة
خالد وعمر:يلا بينا
************************************************** *************
خرج الثلاث شباب لكى يقفوا فى الفرندا الخاصة بالقاعة ويجدوا سارة ومريم يتحدثون الى بعضهم فى حوار ما قد سمعة كريم وعمر وخالد
سارة:اسمة كريم
مريم:ومالك بتقوليها بحب كدة لية
سارة:مش عارفة بقى بصراحة بس انا فرحت اوى انى اتكلمت مع الشخص دة واسلوبة فى الكلام جميل جداا وكمان حليوة كدة وامور
بينما على جانب اخر
كريم بفرحة:سامعين بتقول علية اية
خالد:اهدى يابنى لايطقلك عرق او يجيلك شوجر ولا حاجة
كريم:دى طلعت معجبة بية انا لازم اتكلم معاها واقولها ان انا كمان معجب بيها وهى كمان اكيد هتقولى انها معجبة بية
عمر:حيلك حيلك طب افرض مطلعتش بتحبك حطحط نفسك فى موقف زبالة يعنى
كريم بثقة:انا متأكد انها معجبة بية .............وبعد برهة من الوقت قال كريم:انا هروح دلوقتى اعترفلها بحبى ليها وهقولها ا
نى عايز اتقدملها
عمر:طب روح روح يا فاشل ومتنساش تحكلنا على مغامراتك الفشلة يا لوزر
كريم:ملكش دعوة انت
وذهب كريم ليتحدث مع سارة وقد تركتهم مريم وذهبت لكى تتمشى
************************************************** **********
بينما كانت مرام ومراد يقطعون الجاتو وقد اعطاهم الشاب شوكة بها قطعة جاتو ليتناولوها سويا ,وكانت مرام محرجة ومراد ا
ايضا واقبل كلا منهم نحو الشوكة لكى تتلامس شفتيهم ببعضها ثم يقف مراد محرج وفى ذات الوقت متعصب لما فعلة نحو
مرام بينما مرام كانت محروجة وقد احمرت وجنتيها خجلا وايضا فرحة لما حدث
على جانب اخر
كريم:بصراحة يا سارة انا معجب بيكى وعايز اتقدملك موافقة ولا لا
سارة ووجهها فى الارض
كريم:السكوت علامة الرضا
سارة:بس انا لو ارتبط بيك هيبقى اقدام اهلى
كريم بسرعة:ايوة طبعا احنا لايمكن نعمل حاجة تغضب ربنا ولا تغضب اهلك
سارة وقد اعجبت بحديثة:ماشى طب انا هديك رقم بابا ابقى اتصل بية
كريم:اوك هاتى
************************************************** *****
كانت تتمشى فى ارجاء المكان وقد لمحها شخص فذهب للتحدث اليها
الشخص:ازيك يا انسة مريم
مريم:الحمدللّة بس مين حضرتك وتعرف اسمى منين؟؟
الشخص:انا عمر صاحب مراد وعرفت ايمك من خالد اخوة
مريم:اة اهلا وسهلا بيك اتشرفت بمعرفتك
عمر بنظرة اعجاب:دة الشرف لية انا
مريم:شكرا
عمر:انتى بقى تبقى صاحبة مرام من امتى؟
مريم:من واحنا صغيرين تقريبا من تانية اعدادى
عمر:زى انا مراد ومصطفى وكريم ومحمد بردو صحاب من واحنا صغيرين
مريم واكتفت بأبتسامة
عمر:تحبى اعزمك على حاجة
مريم:لا شكرا ملوش لزوم
عمر بالحاح مثل الاطفال:لالا انا مثمم لو مث هتيكى هثعل منك
مريم:هههههههههههههههههه خلاص خلاص هاجى اهو
عمر:ايوة كدة انتوا كدة كدة مش بتيجوا غير بالصنف دة
مريم:هااا هتيجى ولا امشى
عمر:لالالا طبعا يا باشا اتفضل
ظل عمر ومريم يتحدثون طويلا عن حياتهم حتى مر الوقت بسرعة وقد انتهى الفرح وذهب الناس الى بيوتهم
ازهار:الف الف مبروك يا حبيبى ربنا يسعدكم ياارب
مرام:ربنا يخليكى يا طنط عقبال خالد
مراد:ربنا يخليكى يا حبيبتى
ازهار:خد بالك منها يا مراد واوعة تزعلها وانتى كمان يا مرام اوعى تزعلى
مرام:متقلقيش يا حبيبتى دة فى عنيا
مراد اكتفى بأبتسامة
محمد:الففففففففف مبروك يا ميدو واللّة وعشت لليوم اللى شوفتك فية عريس
مراد:يابنى انت محسسنى ان انا مهاجر
عمر:الف مبروك يا ميدو ,الف مبروك يا مرام
مرام:اللّة يبارك فيك عقبالك
عمر وهو ينظر الى مريم:ياااااااااااارب
كريم:وانا كمان يا جدعان خلاص انا قررت ان انا وسارة هنتخطب
مرام بفرحة:الف مبرووك ربنا يسعدكم يارب
خالد:طب وسعولى بقى كدة عشان عايز اسلم على اخوية
خالد وهو يغمز لة:خدبالك منها ومتزعلهاش
مراد وقد هز رأسة موافقا
مريم:طيب يلا بقى عشان تروحوا تتفسحوا وترجعوا بدرى على البيت
مرام ومراد:حاضر
**********************************************
ركب مراد ومرام السيارة لكى يتفسحوا وذهب كلا من اصدقائهم الى منزلهم
وعلى فراش ووسادة كان يفكر عمر فى مريم ومريم تفكر فى عمر,وكريم يفكر فى سارة وسارة تفكر فى كريم
..........
عاد مراد ومرام لمنزلهم عش الزوجية بعد ان جلسوا على شاطىء البحر
مرام بفرحة:انا فرحانة اووى اووى يا مراد ان احنا خلاص اتجوزنا وانت فرحان ولا لاء
مراد:اكيد فرحان يا حبيب............وصمت مرة واحدة فقالت مرام
مرام:متقولها مالك سكت مرة واحدة كدة لية هو انا مش حبيبتك ولا اية
مراد محاولا ان يتوة الموضوع:لا عادى
مرام:طيب انا هخش اغير هدمى والبس الاسدال
مراد:لية
مرام:هو اية اللى لية؟؟هنصلى سوا عشان نبتدى حياة ترضى ربنا انشاءاللّة
مراد:اة ماشى طيب خوشى غيرى هدومك وانا هاغد هدمى من جوة وهغير هنا
مرام:اوك يا روحى
دخلت مرام لكى تغير ملابسها بينما كان مراد يغير ملابسة بالخارج,ثم خرجت مرام وهى ترتدى اسدل الصلاة وهى فى
قمة حياؤها فقال مراد
مراد:يلا تعالى اقفى وراية عشان نصلى
مرام:حاضر
وقفوا سويا ليصوا وكان صوت مراد فى قراءة القران عذب وجميل جداا فقد اعجبت بة مرام
مرام:تقبل اللّة عالفكرة انت صوتك حلو جداا فى قراءة القرأن
مراد:شكرا دة من ذوقك
مرام:طيب مش هنقرأ الدعاء
مراد:اة اكيد , ووضع يدة على رأسها فارتعشت خجلا منة وهو ايضا فقد احمر وجههة
مرام:طيب عنئذنك هدخل اغير هدومى
مراد:اتفضلى
دخلت مرام لكى تلبس ثياب النوم وتضع الميك اب وتضع العطور وكان شكلها فاتن جداا وجميل ثم خرجت من الغرفة وهى
فى قمة جمالها وكان مراد يقف امام باب الغرفة فيراها ب(قميص النوم)ويحمر وجههة خجلا ويتتصب وجههة عرقا
مرام ووجها فى الارض:احضرك العشا
مراد:لا شكرا ملوش لزوم
مرام:طيب اجبلك عصير او بسبوسة انا عارفة انك بتحبها وانا اللى عملتهالك بايدى
مرام:لا شكرا بجد مش عايز حاجة ثم يقول لها
مراد:طيب عنئذنك انا تعبان جداا وعايز انام
مرام متعجبة من تصرفاتة ولم ترد
مراد:تصبحى على خير
مرام لم تجب ايضا وظلة واقفة مكانها وتريد عينها ان تنفجر من البكاء
************************************************** **
استيقظ مراد فى الصباح ولم يجد مرام بجانبة ثم يخرج ليذهب الى الحمام
فيجدها نائمة على الاريكة ودموعها لم تجف بعد من على خدها
فتركها ودخل الحمام ثم عاد وجدها فى المطبخ تحضر الافطار
مراد:انتى صحيتى امتى
مرام دون ان تنظر الية:من شوية كدة
مراد:اية الريحة الحلوة دى
مرام:دة البيض
مراد:تسلم ايديك
مرام لم تعلق
مراد:تحبى اساعدك
مرام:لا خلاص مالوش لزوم انا خلصت خلاص
مراد:اوك
******************************************
مريم:الو
سارة:الو يا مريم
مريم:اتصلتى بمرام
سارة:لاء لسة هتصل بيها لما اقفل معاكى
مريم:اوك,قوليلى بقى عملتى اية انبارح مع كريم
سارة:عطيتة رقم بابا
مريم:يعنى الحمدللّة طلع غرضة شريف
سارة:اها ,وانتى
مريم بعدم فهم:انا اية؟؟
سارة:انتى وعمر متستهبليش علية
مريم:لا عادى يعنى هو عزمنى انبارح على عصير وكدة وقعدنا نتكلم شوية بس يعنى
سارة:علية انا بردو يا مريومة
مريم:بصى يا سوسة انتى انا مش بفكر فى الكلام الفاضى دة خالص وفكك من بقى وخليكى فى الاستاذ كريم بتاعك دة
سارة:خلاص خلاص يا ختى يلا بقى اقفلى عشان اتصل بالبت مرام اشوفها عاملة مع جوزها الخنقة دة
مريم:اوك وابقى تطمنينى عليها
سارة:ماشى سلام
مريم:سلام
*************************************************
مراد:مراام تليفونك بيرن
مرام:حاضر جية اهو
مرام:الو
سارة:هااالو على عروسة ف الدنيا
مرام:ازيك يا سوسو عاملة اية يا بت
سارة:تماموز وانتى عاملة اية
مرام:لحمدللّة
سارة:ومالك بتقوليها من غير نفس كدة لية هو فى حاجة
مرام:بعدين بقى
سارة:طيب خلاص مش هضغط عليكى دلوقتى وهكلمك تانى انشاءاللّة ,يلا سلام
مرام:سلام
........