منار:اني الكبيره وبعد عندي اختي عمرهه 15 سنه ماما هم اتحبج ودائما اتسولف بيج بالخير
ام خالد:كافي بنتي شبعت
منار:يله لحمام خاله
ام خالد:اروح لحمام وراهه سولفيلي قصه
منار:هااا
ام خالد:يله حبابه
منار:اوك اوك لتبجين
بقيت اقرألها ونامت رحت لاامي ساعدتها طبعا مشفت العرؤسه جنت اتمنى اشوفهه بس محصلي الشرف طلعنه اني وامي وبقيت افكر بأمهم يعني اكيد اكو شي هو هيج يخليهه تصير ممعقوله هي هيج تبقه وماالهه علاج
امي:شبيج
منار:ماما حسئلج سؤال اوك
امي:اسئلي بس منار لتحجين هوايه
منار:اني مااحجي هوايه بس اريد اعرف ليش خاله هيج
امي:تعرضت لحادث ومكدرت تمشي بعد
منار:انت اول مجيتي تشتغلين يمهم هي هيج
امي:ﻻ جانت بحيله قبل سنه هيج صار بيهه اصلا
منار:اصلا شنو امي كملي
امي:مااعرف اكو فد شي صار برحلتهم
منار:مثل شنو وليش ويامن
امي:تعرفين انت تلوكلج مهنت محقق
منار:بسيطه
وصلنه لبيت بيلا واخذنه ايات جانت الطريق كله تسولف ع الحفله وشلون اتونست دخلنه لبيت سبحت اني ولكيت ايات واكفه ع الباب مال الغرفه الي انام بيهه اني وامي وهي
ايات:منوره
منار:شكو اريد انام
ايات:شكراا حبيبتي مفشلتيني كدامهم
منار:بوسي ✋
ايات:هههههه انجبي وفد فرحت لج اني خفت كلت لتضربني بالكتاب ع وجهي بس حضنتني وكلهم اتعجبو ع الهديه واني بيني وبين نفسي اكول شدعوه هو كتاب عههعهههههه
منار : لان ثوله ومو مثقفه لج هذا تاريخ وحضاره
ايات:كلهه خرابيط وين صارت الحضاره هسه
منار:اذا الكل يفكر مثلج ماكو شي اسمه ثقافه وتاريخ جان هسه حتى معارض ومتاحف ماكو ولاكتب الكتاب يبقه تاريخ مهما ادمر البلد حيبقه الكل يذكره من وره التاريخ يعني عندج الاهرامات شنو متمثلج
ايات:اممم مجرد طابوك وطين
منار: طاح حظج هاي من عجائب الدنيا السبع هاي شي يفتخرون بي المصرين ولحد هسه محد يعرف شلون انبنت ومجان قبل لا رافعات ولاكرينات وهوايه سوالف وعندج وبلدي العرق كله تاريخ بحاله يعني من السومرين لحد وكتنه هسه ديجسد التاريخ ع
ايات:
منار:طاح حظج لج انتي صخله مال نوم بس
امي:شبيج ويه اختج
منار:جنت اشرحلهه ونامت
امي:يله نامي بنتي ورانه هوايه شغل باجر
بقيت كاعده افكر ليش خاله هيج يعني اوف الفضول حيموتني نمت ومكعدت الا ع صوت المنبه مالتي
7:30
ليش امي بعدهه نايمه
منار:ماما كومي يله
امي:عزه العزاني شكد الساعه
منار:7 ونص كومي يله حنتأخر
امي:يله كومي بدلي واختج هم خلي انروح ع سريع هناك نتريك
بدلنه ورحنه لبيت مالت ام خالد الكل نايمين امي دخلت لكت بس خالد كاعد عشتو ع شنو شايف نفسه
امي:صباح الخير
خالد:صباح النور اشو متأخره اليوم
امي:اسفه ابني اتأخرت بالنومه
خالد:بس عندج شغل المفرؤض انتي حاسبه حسابج
امي:متنعاد ان شاء الله
منار:شلون اركعه هذا بدفره اوصله لحظن صخلته
ايات:يخرب بيت اهله شلون حلو
منار:هذا الي همج عوبه
ايات:لج فديت هم غني وهم حلو وهم مثقف
منار:اؤؤؤف
امي:يله بلا حجي وخلي نتريك
منار:وشدعواه هذا هيج رافع خشمه يعني اليوم زواجه وهيج كالب خلقته وهيج يحجي اعرف انتي تشتغلين هنا بس المفرؤض يحترم
امي:بنتي بس هو حقه
منار:شنو حقه هذا معاجبه خلي يجيب وحده تساعدج
امي:كافي بنتي ليسمع وترى هو طيب بس هيج طبعه
منار :اي مبين اني مااريد ريوك اروح اشوف خاله
امي:يله اوك وايات روحي حظري الطاوله الهم ايات:بس ع فكره دااتريك اني
امي:ههههههه اوك اني اكوم
امي اول مكامت داخت ورادت توكع
ايات:ماما
منار:امي شبيج
امي:مابيه شي شويه ضغطي صعد
منار:ماما اكعدي احنه انسوي كل شي
امي:ههههههه روحي لام خالد هسه جاعت
منار:اوك ايات ديربالج عليهه اني هسه اجي
رحت اني لام خالد وخطيه مثل الجهال من شافتني اول شي مستحيه مني وراهه بدت سوالفه ظلت تلعب بالاكل وتهذي بحجي كل شي مفتهمت منه
ام خالد:هو ضحك عليه جنت احبه
منار:خاله حبيبتي يله عوفي اني انطيج
ام خالد:يحبه طلع ويضحك عليه
منار:شنو ومنو هذا
ام خالد:اريد انام محد يصدك بيه اريد امي
جيبيلي امي
صدوك جذب هسه اني عايزه اللهم طولج ياروح
منار:تعالي انغسل وراهه ابدلج وراهه انشوف العرؤسه
ام خالد:اي اي يله يله
منار:يله
بديت اغسل الهه وبدلت هدومهه ومشطت شعرهه اجه ابنهه
خالد:صباح الخير
ام خالد:صباح النور
منار:اني رايحه لمطبخ اي شي تحتاجين صيحيني
ام خالد:لا لا ابقي هنا
منار:مااطول هسه اجي
ام خالد:
خالد:ابقي هنا وامج جوه هي تشتغل وياهه اختج
منار:لا امي تعبانه خلي هي تجي هنا واني انزل جوه
ام خالد:اروح وياج
منار:ها
خالد:ماما متريدين اتشوفين العرؤسه
ام خالد:هاي العرؤسه
منار:هاااااا
خالد:لا هناك العرؤسه الحلوه الي شفتيهه يله تعالي ويايه
عشتو وشنو كدامك صخله حتى العرؤس الحلوه من وجهك عاد انت
ام خالد:اي اي يله
اللهم صبرني ع هذا اليوم
منار:استأذن اني
خالد:امم
(خالد)
اليوم هو يوم زواجي من انسانه جنت احلم بس احجي وياهه الصدفه جمعتني ويه ابوهه صارت بيناتنه شراكةعمل واني استغليت الموضوع
وحاولت اقرب العلاقه بيناتنه وخطبت (علا)
علا ابنيه مثقفه وحلوه رحت شفت امي وياهه هاي بنت الخدامه مالتنه نسيت اسمهه اخذت امي منهه ورحت لعرؤسه
خالد:صباح الخير
علا:صباحو حبيبي هلاؤ خالتي
ام خالد:مااحبج
خالد:ماما هاي العرؤسه
ام خالد:لا ذيج العرؤسه هسه اريدهه
علا:خالد شكو شصاير
خالد:اسف حبيبي حأخذهه ليجوه كملي ع راحتج
علا:اوك بيبي
(علا)
اني علا زوجت خالدتكدرون ادكولون زواج مصلحه لطرفين بالنسبه اليه بس خالد يحبني واني ضحيته مصلحة ابويه اني حب حياتي اسامهوكل هذا الحب حينتهي اليوم بسبب ابويه وهذا وامه الخبله الي ناقصه اني خبال بعد
سحر:علا يله حتجي الكوافيره الج
علا:اوووف حتخبل سحر
سحر:حبيبتي ماكو بيدي شي لتشوفين شلون ضايج اسامه والله
علا:اريد احجي وياه
سحر:لج انجبي اتخبلتي
علا:انتي مو صديقتي دكي عليه عليج الله بس اسلم عليه
سحر:اوك بس خلي اشوف الوضع
(ايات وامهه)
كاعده انظف بالاستقبال وطلعت بره بالحديقه ارتب بالورد وهاي السوالف مال فايخين
اووف تعبت ومسحت بيدي وجهي اتخبلت
خلدون:ماكو ورد يرتب ورده
ايات:
خلدون:هاي
ايات:روح منا ابني وكمل شغلك يله
خلدون:مااعرف شنو اسوي
ايات:تعال مبين حالك من حالي فكر شوف شيل هاي المزهريه الي بطولي وخليهه يم الباب
خلدون:هههههه اوك
ايات:يله يوم الي نحظر عرسك بس انت متكدر اجيب هيج مزهريه انجيبلك سله
خلدون:ههههههههه
وره شؤيه اجه هذا الحارس جان يحجي وياه بالسويدي
الحارس:سيدي ماذا تفعل دعها من يدك انا احملها
خلدون:لا سوف احملها بنفسي ليس هناك اي مشكله
الحرس:لكن
خلدون:اذهب الى عملك
ايات:اعمل نفسك ميت
خلدون:ههههههههه لا عادي
ايات:اسفهجيب اني اكمل والله ماادري بيك
خلدون:انتي جديده هنا
ايات:اني بنتهه ..
خلدون:لخاله مو اتشرفنه طلع اللسان وراثه بالعائله يله سيو اروح ابدل ورايه عرس مال فايخين
ايات:
امي:ايووو تعالي بنتي
ايات:اجيت ماما
امي :باعي اختج دترتب بالصاله تعالي انتي ودي هذا العصير لعرؤسه وجماعتهه
ايات:اوك شوكت يخلص هاليوم هذا
امي:ههههههه
صعدت فوك وشفت الكوافيره بالغرفه وحدهه
ايات:اين العرؤس
الكوافيره:لااعلم انا انتظرها هنا
ايات:سوف اذهب لها واخبرها بقدومك
الكوافيره:حسنا شكرا لكي
رحت وصلت يم الغرفه وسمعته تحجي بالفون
علا:حبيبي تعال والله بس اشوفك
قلت حيا انتظري ورهةالزفه
علا:اسامه ترى لتصور فرحانه بالي ديصير
اسامه منو هي مو تزوج خالد عزه
علا:حبيبي سامحني الله يسامح بابا والله امنيتك انت ويايه
عزه يمه عزه خرب هاي شنو شويه وانفتح الباب
سحر :شبيج واكفه هنا
ايات:انا اسفه سيدتي انا لاافهمك
علا:ههههههه الحمدلله متعرف عربي
ايات:عذرا
سحر:تعالي خلفنا واحملي هذه الامتعه الى الداخل
ايات:حسنا
سويت نفسي مااعرف عربي حتى لتصير مشكله بيناتنه ام الولد هاي خرب خلي اكول لاامي وديت غراضهم وبقيت يمهه اساعد الكوافيره بس اني اباوع بحقد عليهه شلون ضحكت ع هذا خرب شنو هالعائله هاي
سحر:ابتسمي شويه
علا:قلبي يوجعني
سحر:علا لاابوج يسويلج سالفه عليج الله خلي تخلص السالفه ع خير
علا:اوك بس مو....
خالد:اسف ع ازعاجكم
علا:حبيبي شنو رائيك
خالد:اتخبلين عمري انتي
علا:شكرااا
خالد:حبيت اكلج ابوج كاعد جوه وحاب يشوفج
علا:اوك
اي العيله دي حسبنا الله ونعم الوكيل
سحر:انتي اذهبي الى عملكي لانحتاجك بعد الان
ايات:حسنا
اني اريد الزم هاي من كفشتهه واطيح حظهه الخاينه بنت الفكر هم صاك وهم افلوس ومعاجبهه
منار:شبيج ادردمين وين جنتي
ايات:اسكتي عرفت شي اله بشده
منار:شنو كولي
ايات:لج هاي العرؤسه ....وبقيت اسولفلهه كل الي صار
منار:عزه شلون شحتسوين
ايات:وشعليه اني اخويه امي ابويه عمي اني شكو يطبهم مرض
منار:لا لج خلي نحجي
ايات:اتحبين تنطرد امي وتبقه بدون شغل
منار:ﻻ ولج اسم الله يله خلي نروح لمطبخ بعد ماعدنه شي حيجون اهل المطعم هم يشتغلون
ايات:اريد اكل جوعانه
منار:اني هم والله
(منار)
شنو هالعائله يربي الصبح الام مااعرف شنو تحجي وراهه هاي جنتهم خرب غير غموض عدهم هسه هاي اله ادكلي يعني اني ناقصني فضول عليهم
منار:ماما جوعانين وتعبانين
امي :هسه اكوم اسوي
منار:شبيج حبيبتي
امي:تعبانه رأسي ديأذيني
منار:اكعدي اني اسوي حتى نرجع لبيت
امي:لا ورانه تنظيف
ايات :باجر انظف احنه وياج
امي:اوك
منار:خلي اسوي اكل
بقيت اسوي واكلنه وطلعنه من البيت بعد مااستأذنت امي شفنه العرؤس والعريس يخبلون طالعين
ايات:خاينه
منار:هههههههه شعليج بيهه
ايات:ناس متحمد الله
منار:الحمدالله
امي:بنات الزموني
وكعت امي بالشارع بقينه نعيط عليهه مكعدت اخذنها لمستشفى ودخلوهه لغرفه وبقينه
نتتظر الدكتور
الدكتور محمد:هل انتي ابنتها
منار:نعم انا ابنتها ارجوك اخبرني ماذا هناك
محمد:انها تحتاج الى فحوصات لجسدها
منار:ماذا هناك هل هناك خطب بها
محمد:انه احتمال فقط
منار:وهو
محمد:انه ورم في دماغها
منار:ماذا
ايات:منار شديحجي هذا من كل عقله
منار:اشش حبيببتي احتمال امي مابيهه شي
محمد:طلعتو عرب
منار:اي دكتور الله عليك شييهه امي
محمد:لتخافون عليهه مجرد شك وحنسوي التحاليل وان شاء الله مابيهه شي
منار:شكراا لك
بقينه يم امي وبدت شويه شويه تكعد رحت لزمت ايدهه وبقيت ابوس بيهه وابجي وجانت اختي يم راسهه
امي:ليش تبجون مامتت بعدني
منار:ليش هيج تحجين احنه منو النه غيرج
ايات:يومي قبل يومج ماما شدتحسين شلون صرتي
امي:الحمدالله يله خلي نطلع منا مااحب المستشفى
منار:لازم بالاول نسوي تحاليل
ايات:ونتأكد من الدكتور وراهه نطلع
امي:ميحتاج اي شي نسوي الله كريم
منار:ماما شنو تحجين تعرفين هذا شي خطر لازم نسوي
امي:لتعاندين منار مااسوي
ايات:ماما ليش تعيطين يله خلي نطلع
منار:ماما اني علمودج
امي:يله كدامي لبيت
طلعنه ومحجيت شي وياهه عفته ع راحته وبقيت افكر بيهه معقوله هي مسويه ومتريد تحجي منمت بيومهه ولاشافت عيني النوم بقيت اتكلب بفراشي راحت هي من الصبح لشغل واني بقيت بالبيت ايات حبت اتروح وياهه تشتغل اني بقيت ادور بغراضهه لكيت تحاليل هي مسويتهن قبل شهر اخذتهن ولبست حجابي والكوت وطلعت لمستشفى
اول مدخلت حجيت ويه الاستعلامات
منار:مرحبا اريد ان اقابل اي دكتور مختص بأامراض الخبيثه
الممرضه:لقد خرج لتو انه هناك
منار:شكرا لكي
