وجاء وقت الغذاء...
ماما كولي انت البابا واقنعيه
__مو وكتها اخذي الخبز والماي
__م ــاشي
وهاااي لاحلئ بابا احلئ غدااا
--شنو سالفه بنونه جاي تلبغين اليون
__وهاي لعلوش الخبيث
_هيهيهي دمج عسل
---شبيكم مثل جهال بس تتناوشون
__حبيب كلبي متين احلئ اخ
--هههه لالا الا اكو شي
__حتئ انت واني اكول متين مو خبيث طلعت اخبث
__سسسكتو عاد كلو وانتم ساكتين
--اخلي جاي ع طباخ واجي
--وانتي جايه جيبيلي كلاص وياج
__وكأن ماصدك ست جيهان ماشي عيني
ــوبعدما خلصنا ماما دكولي ال بابا يلا ماما
ــ كوليه انتي
اوكي خلي اخذله جاي واكوله
ــوهاي احلئ جاي لا بابا
ــ كولي شرايد ميحتاج هل سوالف
ــ لابابا مرايده شي قابل شرايد بس بـبـــس..
ــ اي بس شنو
ــ ا ا ا ا ريد يعني بس
يعني اريد ار اروح للمكتبه
ــ شششششنو وليششش شتسوين شعندج اهناك
ــ اريد استعير جم كتاب مااتاخر ساعه ساعتين ومااروح وحدي اخذ احد وياي الله يخليك بابا مخنوكه من البيت مامتعوده اني اكعد بالبيت
--ماكو روحه انتي الي قررتي اطلعين من المدرسه وانتي مجبوره تتاقلمين وتتعودين
ــ الله يخليك بابا خلي اروح بس نص ساع اروح ارجع
ــ كلت ماكو روحه
ــ ليشششش بابا
انتي مو طالبه وطلعه وفوته يجيبلنا حجي وناس ماترحم بنتي
ــ عليها ناس بابا قابل وين طالعه
ــماعدنا بنات اديح
ــلعد اروح بيت صديقتي بالفرع الي ورانا
ـــ كلت ماكو طلعه يعني ماكو
ـــ بس ليش بابا ليششش ماتفهموني مخنوكه واريد شويه اغير جو
ــ وين عايشين احنا الله اكبر شكد تحجي سدي الموضوع تحملي نتيجة قرارج انت مو كلتي ماريد اكمل دراستي وعيني يتعب من القرايه شايفج ماتعوفين كتب وحتئ ماجاي تكعدي ويانا وماتساعدين اختج وامج بشغل بيت ــ شلون ماساعدهم ها مو مقسمين الشغل واشتغل الي عليه واكول من تحتاجوني كولولي واساعدكم شاسوي لو هم معاجبهم شغلي..شاسوي شطالبه اني كلت اطلع ويه كفرت يعني
ــكلت سدي موضوع وكافي شكد تحجين انتي الله اكبر الا تحركين اعصابنا وتفورين دمنا انتي مابيج خير من يوم يومج منحوسه
انتم ماتفهموني ومراح تفهمو يالله اخذ روحي تارتاح
قفلت باب الغرفه وظليت ابجي ليش ماتفهموني ليش محد يحبني اني اكرهكم اكرهكم
