★ سالي ★
حتى الان لم استطع ان اعترف حتى لنفسي بانني احبــه
لكن يبدو انني قد فضحتَ أمري امام ميس
فحين كنت جالسة مع ميس في حديقه الكليه ،، اخبرتني بموضوع خالد ..
__ سوسو اكلج انتي مفكره ترتبطين هسه لو شايله هالموضوع من مخج .
__ يب ماافكر هسه توني مرحله اولى بسم الله ، وشنو السالفه بدون لف ودوران احجي .
__ امممم خالد كال انه معجب بيج .
__ اعرف ، انو حسيت بيه بس هذا واحد ملطلط لج عيني شبسرعه انعجب ماصارلي شهرين من داومنا .
__ ههههههه لا ولج مو ملطلط بس مبين صدك معجب بيج ، وبعدين هو صاك وشاطر واخلاقه زينه .
__ لج باب ياخلاق ديلاه عيني سندس متشوفينه شلون ملطلط ومايع اسم الثقل ماعنده وبعدين اذا عاجبج انتي اخذيه وهو بكدج.
__ لا ولج اني امممممم الصراحه حطيت عيني على واحد من مرحلتج .
__ لج صدك ماتستحين عودك انتي العاقله اشوفج تتلطلطين على وسيم دوم ومكضيتها شقه وغشمره وحركات ، ولج اصغر منج شنو تاخذينه تربينه ؟! .
__ على كيفج خرب يومج كليتيني اكل شدعوه تخافين لا اخذ حبيب القلب ههههه .
احمر خداي من شده الخجل فقلت : أ أ شنو لا شنو دا تتخيلين وتسوين افلام من عندج مو صح ترى ابد .
__ ههههههه لا واضح انو مو ابد ، لعد شبيج صرتي حمره .
__ أ أ لا من الجو بردت امشي ندخل بالقاعه نكعد .
__ ههههههه ماادخل ، اعترفي هسه حتى اساعدج وبعدين اني عجبني علي شكله كيوت وهم اكبر مني بسنتين.
__ خرب طلعتي مضبطه وضعج ،طلعتي مو هينه ميسو .
__ هههههه شفتي شلون وهسه اريد اضبطج ويا وسيم .
__ امممممم مادري هو ميريدني يمكن واني عندي اموت معلگه بنص الكليه وتأكل الطير من راسي ولا اروح او احسسها باني احبه .
__ اممممم خليني افكرلج بطريقه لعد .
__ اكلج هسه انتي متأكده علي اكبر منج شو احسه مضيع مدرسته الابتدائيه وجاي النا .
__ هههههههه بس شكله كيوووت واني بعد سنفوره مثله هع .
★ وسيم ★ :
بعد ان علمت بان خالد معجب بــ سالي بت اخاف من ان يأخذها احداً مني ،، لكن لا اعلم كيف لي ان اخبرها بانها ملكي ولا يحق لاحداً ان يقترب منهــا...
كنت جالس مع علي في الحديقه ، شاهدت ميس وسالي جالستان ايضا
فقلت لــ علي
__ علوش ...
__ها شبيك .
__ اكلك اذا تريد تعترف لاحد بحبك اله شلون ؟ .
__ ياااا الله حبيب قلبي انت ، اني هم حسيت انو هالشعور متبادل بينا .
