صراع الحب (مكتمله)

قرار مهم

بالليل الساعه٢ الصبح طلعت الين من الملهى وره ما خلصت الحفله مال صديقتها وركبت بسيارتها ورجعت للبيت دخلت الين للبيت ومشت على طراف اصابعها حتى ميسمعها الخدم ولا والدها وراحت باتجاه غرفتهه الى ان وقفها صوت والدها

السيد جون (والد الين): ليش كل يوميه ترجعين بهيج ساعه متاخره ليش تردين تشوهين سمعتي بين الناس روحي لغرفتج والصبح راح نحجي بهذا الموضوع

الين: اني اسفه ان شاء الله

الين(راحت الغرفتها وغيرت ملابسها بعيد استلقت على سريرها الواسع مستعده لاحلامها)

~~~~~~~~~~~~~
في مكان اخر

يدخل ليام الى البيت بكل حذر حتى محد من الخدم او والداه يسمعه ودخل الغرفته وراح بنوم عميق وهو مرتاح ان محد شافه وهو راجع للبيت متاخر

~~~~~~~~~~
الصبح اجت الخادمه حتى تكعد الين

الخادمه: سيدتي استيقضي

لين : حبابه عوفيني اريد انام

الخادمه :سيدتي اذا لم تستيقضي سوف يغضب السيد جون

الين : كتلج اطلعي منا اريد انام عوفيني

( وبهاي الاثناء اجه السيد جون )

جون : الين يله اكعدي تره اتصرف وياج بغير طريقه

الين(كامت بسرعه وهي خايفه من والدها وراحت للحمام حتى تستحم وتسوي روتينها اليومي المعتاد ومن خلصت راحت لصالة الطعام)

الين (وهي تقبل والدتها ووالدها ): صباح الخير

ليزا (والدة الين ):صباح الخير

جون :صباح الخير يا بنتي الكسوله

الين : باباااا

جون (بجديه): الين من هسه لازم ترفعين مستواج الدراسي ولازم تعتمدين على نفسج ولهذا قررت انو اوكف حسابج مال المصرف وراح اخذ منج سيارتج ولازم تدبرين شغلت دراستج

ليزا: بس حبيبي هي بعدها صغيره شلون راح تدبر نفسها

جون :هذا قراري وبعد ما اغيره ...

الين: بس بابا شلون تسوي هيج ببتك الوحيده

جون : هذا القرار علمود مستقبلج لان انتي تعتمدين علينا بكل شي ولازم تتعلمين تعتمدين على نفسج لان انتي صرتي مدللة هوايه وبعد لاتعانديني بهذا الموضوع مره ثانيه

طلعت الين من صالة الطعام بسرعه وهي تحاول تمنع نفسها من البكاء بعدين راحت ركبت بسارتها ومشت بسرعه ووصلت للجامعه