بعد سااعه و نص
فتحت عيني على صوت صراخ من هني و هنااك و أنا مستغرب من المكان اللي فيه و بعدين استوعبت أنه كنا مسافرين .. أحس بألم فظيع في جسمي و مهب قادر أحرك شي و لا أنادي احد.. أشوف الدنيا سوده و حمره و زرقة
>> خخخخخ صادني عمى ألوان <<
أسمع أصوات مألوفة من بعيد بس ما أقدر أتكلم .. ألتفت يمين و يسار عل و عسى ألقى شي.. حسيت أني نايم على بقعة ماي شي رطب كان تحتي .. شدني شي اسود كان طايح عندي و مب عارف وشو هااي.. حاولت اقرب منه بس ما قدرت.. حاولت انادي و اتكلم بس لساني ثقيل و جفون عيني تعورني مااقدر ابطلها ...
>> يا ربي وشو صار بالضبط والله مب متذكر اي شي <<
بغيت أحرك يدي عشان أعرف وشو هالشي الأسود اللي طايح عندي بس حسيت بألم فظيع و ما قدرت أتحمله.. من وين ياتني الطاقة و القوه عشان اتحرك
>> الله اعلم <<
حاولت أقوم أول مره و ما قدرت.. حاولت مره ثاانيه و تحركت شوي قمت بمساعدة يدي اليمين لانه يدي اليسار مااقدر احركها.. قربت شوي شوي من الشي الأسود و فجيت عيني من الصدمه
>> لا مستحيل لااااا يا ربي لا يطلع الي في بالي آآآه <<...
حمد:: يعني وين بيكونون ؟؟!!
عبدالعزيز:: استهدي بالله يااخوي الشرطه مو مقصره و بتلقاهم ان شاء الله بس انت هد اعصابك ...
حمد:: انا ماادري شلون اعصابكم باارده يا جمااعه هااي داانه و راكان اللي نتكلم عنهم انتوا شفيكم هاديين ...
فهد:: يا حمد ما نقدر نبتعد و ندور عليهم في هالظلام ... انت ما تشوف المكان والله حتى الشجر ما يبين من الظلمه و بنضيع اذا رحنا ندور عليهم ...
حمد:: شدراك انت وشوو صاير فيهم الحين ... يمكن ميتين لا سمح الله ولا يتألمون و محد يقدر يساعدهم ...
سحب حمد البجلي من يد منصور و راح يدور عليهم ...
عبدالعزيز:: هالمينون يبي يودي نفسه في دااهيه خلني أروح وراه قبل لا يصير فيه شي ...
منصور"بتعب":: وياك يالحبيب يلا ...
عبدالعزيز:: فهد روح شوف البنات صاير شي فيهم ولا؟؟
فهد"واصله حده من الالم":: زين ...
راح فهد صوب البنات و الشبااب و الشرطه يدورون على راكان و داانه ... البنات كانوا قاعدين في وحده من سياارت الشرطه و كان الاسعاف واقف عندهم عشان يتأكد انه ما صادهم شي ... هناادي صادتها رضوض بسيطه و المااس انكسرت يدها اليمين و فطيم تعبت واايد و قلبها يعورها بس ما قالت لهم شي كفايه انهم تعبانين و يحاتون راكان و داانه و ما تبي تزيدهم أما همياان اللي صج تكسرت من الخااطر عندها كسر في الريل اليسار و ياتها ضربه قويه عـ الراس و انجرحت في يدها و ويهها ...
أنت تقرأ
شلون أتـوب عن حبك ، و غلاك شَايب في قلبي!!
General Fictionلآ أعرف من أين أبدء سأمسك قلمي و أروي أحداث لأشخآص عآشوا الحب والحرمآن عرفوا البؤس والسعآدة الثقه والشك نعم حيآه كلها متناقضات فالحياة ابيض واسود و دوآم الحال من المحال لن أعرف عن شخصيآتي ولكن أسلوب حياتهم وتفكيرهم وتصرفاتهم في الموآقف التي ستمر بهم...