القديس

الشخصيات + مقدمة

القديس

( حرب الثقة )

:

أبو آدم ( تميم ) : 44 سنة كان رأس لعصابة أحتيال للمنطقة الشرقية

و دول الخليج جمع ثروة صامته هو و عصابته لين ملأ الطمع صدره

زوجته الأولى ما جابت له عيال لذا تزوج من ثانية من عائلة متواضعه

وجابت له الولد ..خوف زوجته الأولى و أخوانها على الورث الكبير

اللي بيآخذه آدم خلاهم يخططون ضده ..

مياده ( أم آدم ) : فقر عائلتها خلاها تتزوج من تميم أول ما تقدم

لها مع أنها كانت تعامل أسوء معامله إلا أنها بعد ما جابت آدم

أرتاحت .. سمعت المكايد إللي يخططون لها أخوان ضرتها بإنهم

ينهون حياة ولدها لذا تقرر قرار مصيري أنها تهاجر مع ولدها

و مهما أي فلوس و ثروة..

آدم ( مايك ) : 24 سنة طوله متوسط وعيونه رماديه حجمه مايل

للصغر شعره كثيف ، قبل 10 سنين هاجر من السعودية لأمريكا

هو و أمه بسبب كبير، عانى في صغره من نبوذ كبير في القصر

اللي عايش فيه و كان أمير القصر أما أمه تعامل كأنها خدامة

هذا اللي خلى صدره يغلي ..

إياس : 33 سنة في مراهقته كان هو و أبو آدم في عصابة وحده كانوا

يحتالون على الناس لين جمعوا ثروة وحده طمع أبو آدم بالفلوس لذا

نصب مكيدة له وللباقي و سجنهم .. طويل و معضل وبشرته سمراء

عنده كم أثر للطعنات في جسمه ..

أصيل : 35 سنة كان الضلع الثالث في العصابة كان هو و إياس

مثل الضل لأبو آدم إللي وهمهم بأنه تزوج و ما يبي العصابة و الفلوس

لين قدر يدخلهم السجن لسنوات ، بشرته بيضاء ووحده من عيونه

مصابة بالعمى لذا يغطيها دايماً ..

سراج : 27 سنة تعرف على إياس في السجن وصاروا صديقين

طويل وجسمه رياضي مزاجي و دايم يتهاوش عقد إتفاقيه مع إياس

أنه يساعده بإنتقامه من أبو آدم ..

ترف : 23 سنة دخل السجن ظلماً جسمه الضئيل وجبنه خلاه النقطة

الأضعف في السجن بس صار بعد فترة تحت حماية سراج و إياس

عرف قصة كل واحد فيهم لذا قرر يكون معاهم به نمش بوجهه ..

عقيل : أخو أصيل الأصغر 26 كره أخوه اللي دخل السجن وصار

هو السبيل الوحيد في عايلته قرر يمحي ماضيه سافر و كون

نفسه و تزوج من عايلة غنية تصير له مشاكل و تتراكم عليه

ديون لذا يرجع لأصيل إللي يخطط معاه يرجع الثروة من أبو آدم ..

ـــ

كآنْ على فراش الموت و أيامه قليلة في الدنيا مسك يدينه وعطاه

نص المفتاح ..

آدم ودموعه على خده وينتفض : شن..شنو هذا ؟

أبو آدم بصوت رايح : النص الثاني من المفتاح عطيته صديق قديم

آدم فلوسي و كِل أملاكي في الغرفة هذي ما ينفتح الباب إلا بالمفتاح

كامل..

آدم : ما أبي شي يبه أنت لا تموت لا تتركني .

أبو آدم : بيحاولون يأذونك و بتتعب كثير .. النص الثاني من المفتاح

لا تعطيه إلا إللي تثق فيه ..

آدم : تقول عطيته صديقك ..

أبو آدم وهو يأشر بصبعينه : عطيته اثنين ..

آدم وهو يحس أن أحد بدا يقرب من الغرفة : مين شلون أعرفهم ؟

أبو آدم : مو أنت تدور عنهم .. هم إللي بيجونك ..

آدم بخوف : يبه ماني عارف شسوي.؟

أبو آدم وهو يطبطب بيد آدم : إللي تثق فيه هو اللي يستاهلك ..

ــ

ترقبوا البارتات قريباً..