"Pera, kapangyarihan at kasikatan. Tatlo lang iyan sa mga bagay na lubos na minimithi ng tao dito sa mundo lalo na ng mga taong ni hindi nakaranas ng kahit isang minuto lang ng mga bagay na binanggit ko. Iba naman ng mga taong likas na mayayaman, makapangyarihan at sikat na. Hindi na iyan ang minimithi nila, iba na. Sabi nga nila, pag namatay ka, kahit isang kusing, wala kang madadala. Kahit isang barya ng milyon milyon mong pera, isang supot ng mga lupang iyong pag-aari, maliit na tela ng iyong mahahaling mga damit o kahit maliit na piraso ng bakal mula sa iyong magarang sasakyan, wala ka talagang madadala, wala. Kaya ngayon, gumagawa na sila ng paraan para mapakinabangan lang ang kanilang mga kayamanan nang walang hangganan at ang unang hakbang para magawa iyon ay ang pagiging IMORTAL." -Anna Davies
