**نرجع لاخر حاجة :
علاء: ربنا يخليكي يا ❤
انتي: و يخليك ليا يا حبيبي ❤
علاء: ايه دا اخيرا ازغرط يا ناس ❤
انتي: ههههههه اي خدمة بقي
علاء: هتجن كدا انا
انتي: لا بعد الشر
علاء: انا موووت خلاص
انتي: لا هش ما تقولش كدا تاني
علاء: ايه دا يعني بتخافي عليا ❤
انتي: ااا..مم..ااا..اكيد طبعا ❤❤
علاء: بحببببببك ❤❤
انتي: مش اكتر مني اكيد ❤❤
علاء: لا لا لا كدا كتير ❤
انتي: هههههههه
**ميعاد اول محاضرة جه
علاء: يوووه ميعاد المحاضرة جه بقي
انتي: معلش يالا نروح ولا عايزني اسقط
علاء: لا لا بعد الشر ان شاء الله تجيبي 1000 من 100
انتي: ربنا يخليك حبيبي ميرسي ☺
علاء: و يخليكي ليا ❤☺
انتي: يالا دلوقتي بقي
علاء: يي رخمة بس يالا بدل ما اترفد
انتي: يالااااا
علاء: حاضر حاضر حاضر
**و روحتوا قاعة المحاضرات و بدأت المحاضرة :
اسيل: ايوة بقي الناس الي نسيتنا بقي
انتي: و انا اقدر برضه يا بت
اسيل: اه ماهو باين اوووي
انتي: ههههه معلش بقي ما انني عارفة الي فيها
اسيل: ماشي هنعديلك يا ستي
انتي: ايوة طبعا
اسيل: اتفووو
انتي: عليكي انتي يا زفتة
اسيل: بقي كدا
انتي: لا لا اوعي تزعلي
اسيل: لا ما انتي عارفاني انا جبلة طول عمرى
انتي: ما شاء الله عارفة نفسك
اسيل: ثانكث فيري ماتش
انتي: بصي ركزي في الي حبــيـ اقصد الدكتور بيقولو
اسيل: هههههههههههههههه حاضر ياختي
**و عدت المحاضرات كلها و سلمتي علي دكتور علاء الي بقي زي المجنون بعد ما عرف انك بتحبيه و روحتي البيت و اتغديتي و بعدين طلعتي تذاكري و بعد حوالي 3 ساعات اسيل اتصلت بيكي :
اسيل: سمووو عليكوو
انتي: و عليكم ياختي
اسيل: بقولك بما ان بكرة الجمعة و مافيش جامعة
انتي: للاسف
اسيل: ايوة يا عم بقي
انتي: بس يا بت يالا كملي عايزة ايه؟
اسيل: تيجي نخرج النهاردة
انتي: ياريت انا زهقانة اوي هسئل ماما و بابا و اقولك
اسيل: ماشي
انتي: ماشي سلام
اسيل: سلام
**نزلتي تحت و كان باباكي و مامتك قاعدين بيتفرجوا علي التليفزيون :
انتي: مساء الخير يالي هنا
مامتك و باباكي: مساء الفل
انتي: كنت عايزة اخرج مع اسيل ممكن؟
باباكي: طبعا طبعا بس رايحين فين؟
مامتك: اكيد حبيبتي
انتي: شكرا شكرا بس هي سيبهالي مفاجأة و مقالتليش
باباكي: ايوة بقي طب مش عايزة فلوس
انتي: والله ياريت يعني
باباكي: حاضر من عيوني خودي (اداكي 700 جنيه )
مامتك: و خودي دول كمان (اديتك 400 جنيه )
انتي: يا سلام يا سلام ربنا يخليكم ليا ❤
مامتك و باباكي: و يخليكي لينا ❤
**طلعتي تلبسي و شوية و اسيل رحت عليكي و قالتلك علي الشارع الي هتتقبلوا فيه و انتي نزلتي سلمتي علي اهلك و مشيتي بسرعة علشان متتأخريش و لما وصلتي :
اسيل: ايوة بقي الموزة وصلت بقي
انتي: ربنا يخليكي ميرسي يا موزتي انتي ❤
اسيل: يالا بقي
انتي: هو احنا رايحين فين؟
اسيل: امشي و اني ساكتة
انتي: حاضر
** و مشيتوا
____________________
عند احمد:
احمد كان صاحي مضايق اووي و حاسس ان كل حاجة حوليه سودا فقام لبس و لم شنطته علشان زي ما قال امبارح هيروح يقعد في فندق لغايت ما يرجع لاخواته في دبي و نزل علشان يقول لأهله و كان معاه شنطته :
احمد: ماما... يمني
مامته: نعم.... ايه الشنطة دي (اتخضت)
يمني: نعم يا احمد (اتخضت هي كمان)
احمد: بصو يا جماعة انا حاسس اني متقل عليكم فانا هروح اي فندق فيه الكام يوم دول لغايت ما ارجع دبي و شكرا ❤
مامته: انت بتهزر صح؟! يالا اطلع وادي شنطتك و اعقل ( اتعصبت)
يمني: يالا يا احمد اسمع كلام ماما
احمد: و كمان بتزعقوا شكرا اوي سلام بقي و اوعدكم مش هاجي تاني و انا همشي بس عايزكم تعرفوا حاجة انا مش زعلان منكم و بحبكم اوي و شكرا جدا (عينه دمعت و خد شنطته و مشي)
مامته: (جريت وراه) احممممممد
احمد: نعم يا ماما (و كان بيعيط)
مامته: انا اسفة والله ما اقصد
احمد: انا قولت مش زعلان بس انا هريحكم
مامته: لو دا يريحك يبقي براحتك
احمد: اه شكراً (و كب عربيته و مشي)
مامته: (دخلت البيت)
يمني: هو ايه الي زعل احمد كدا يا ماما
مامته: علشان زعقتله بليل لما رجع متأخر و هو كان مع صحابه القدام
يمني: يووه ليه كدا يا ماما و هنعمل ايه؟
مامته: سيبيه براحته علشان ما يضايقش زيادة
يمني: حاضر
*** احمد وصل فندق بس كان حلو جدا و حجز اوضة وطلع يريح بقي و يوضب حاجته و قرانه هيخرج بليل يروح مول اسمه " City Stars " و قال ينام شوية و يصحي يروح بقي
___________________________
نرجع عندك انتي و اسيل:
طول الطريق كنتي بتسئلي اسيل انتو رايحين فين :
انتي: اسيل والنبي احنا رايحين فين بقي؟
اسيل: خلاص هقولك
انتي: هييييه يالا بقي
اسيل: هنروح........... ( نكمل البارت الجي ان شاء الله ❤)
_____________________________________
رااااائيكم ❤❤❤❤❤❤❤❤❤
أنت تقرأ
Forever Together
Randomالصبر من اهم الصفات التي يجب ان نتحلى بها حتي نستطيع أن نحقق جميع احلامنا و يجب علينا ان نبذل الجهد لتحقيقها و بالطبع علينا ان لا ننسى انا كل احلامنا لن تتحقق الا بمشيئة الله تعالى..... القصة تتحدث عن واحدة من الـ Fivers التي سعت حتي حققت حلمها و س...
