-فارس...فارس...نجحنا..احنا نجحنا...
لهثت دنيا وهى تجرى ناحيه فارس من بين حشد طلاب الجامعه...بعينين لامعتين
فارس:بتتكلمى جد.. قوليلى بسرعه تقديرى ايه وتقديرك ايه؟؟
عقدت زراعها امام صدرها قائله بإبتسامه واسعه:تدفع كام؟
امسكها من زراعها بتوتر :قولى بقى انا خلاص اعصابى باظت.
دنيا :جيد جداا ياسيدى...وانا مقبول زى كل سنه.
قالت وهى ترفع كتفيها بلامبالاه.
ضحك بسعاده كبيره قائلاً:الحمد لله ..انا كده حطيت رجلى على اول سلمه.
ضحكت دنيا بينما جاءت عليهم فتاه عيناها مثبته على فارس وعلى السعاده التى على وجهه وقالت بمرح:مبروك النجاح من غير ما اعرف النتيجه.
التفت اليها فارس بمرح قائلاً:الله يبارك فيكى يا عزه ..الحمد لله جيد جداا.
قالت بسعاده بالغه:الحمد لله..انا كنت متأكده.
امسكت دنيا زراع فارس ونظرات الغيره فى عينيها وهى تقول:الله يبارك فيكى يا عزه..عقبال ما تباركيلنا على خطوبتنا قريب ان شاء الله.
اطرقت عزه رأسها فى هدوء وقالت:مبروك مقدماً ..عن إذنكم.
التفت لترحل ولكنها تذكرت شيئاً ونظرت لهم مره أخرى:اه يا فارس ..انا هروح دلوقتى وأكيد مامتك هتقابلنى وهتسألنى على النتيجه تحب اقولها ولا اسيبك انت اول واحد يبلغها ..؟
فارس:ااه طبعاً قوليلها .انت عارفاها مش تقدر تستنى ..؟؟!
ابتسمت عزه وقالت:زمانها دلوقت قاعده مع ماما فى البلكونه مستنين حد فينا يروح الأول.
ضحك فارس وضحكت هى ثم لوحت له فى سعاده،رفع يده ولوح له ورحلت امسكت دنيا بيده وقالت فى غضب:طبعاً لو قلتلك انى مش بحب البت دى هتقولى انكم جيران ومتربين مع بعض وم..
قاطعها فارس:بقولك ايه سيبك من الكلام الفاضى ده وتعالى نروح نقعد فى اى حته.
سحبها من يدها وهى صامته وأوقف إحدى السيارات الأجره وركبا فيها..
همست دنيا فى تذمر:كده يا فارس بتركبنى ميكروباص دا انا كان زمانى خدتها مشى احسن...
***************************
دى بداايه اتمنى تعجبكم .
فارس فى الصوره.
