بعد مرور شهر
في الكوفي شوب
ازار: حبيبتي اشتاقيتلج
جمان : اني هماتين كلش اشتاقيتلج
ازار: يلا احجيلي شسويتي ماسويتي هناك كلشي كلشي بالتفصيل
اندي: ازار على كيفج ويا الابنيه
ازار: كوم انت شعندك كاعد هنا
اندي: مشتاق لجمان
ازار: كوم يلا
اندي: شكد انانيه
ازار: فضنا كوم يلا
اندي: اوك شبعي بيها ..بعدها دخل اندي
ازار: يلا سحلكته احجي
جمان : اتخيلي لهناك ولحكتنه
ازار: منو
جمان : اخته ايلا
ازار: عزة بعينها شنو ماعدها احساس
جمان : على كلبنا ضلت كاعدة ولج تخيلي تنام بنصنا والله شنو تخاف ومامتعودة تنام وحدها
ازار: شنو هاي اللواكه
جمان : مادري تصرفاتها غريبه
ازار: يمكن تغار منج لان اخذتي اخوها منها وخصوصا هم كل سوة
جمان : يمكن
ازار: وانتي شلون تتعاملين وياها
جمان: عادي
ازار: يعني متتعاركين ويا جاك
جمان: لا بالعكس اسكت ..يعني اخته وهم عليها حق عليه ومااحب المشاكل
ازار: يعني شلون وياها
جمان : هسة شوية شوية تتعود على الوضع
ازار: اوك ننتضر ونشوف
جمان : شخبارج انتي شصار مصار اخر رساله دزيتها كلش خوفتني
ازار: شفتي الكلب رجع وعلمود الفلوس
جمان : امممممم انطيه وخلصي منه
ازار: لج هذا تعود كل ميسوي مصيبه يتذكرني ويجي فبعد ماانطيه مجال
جمان: خاف ياخذ الطفل منج
ازار: ميكدر
جمان : واذا اخذة شتسوين وانتي متعلقة بيه
ازار: ميكدر يأخذة منه ومستحيل انطي ابني
جمان: ليش هيج متاكدة ميكدر ياخذة
ازار؛ اكو اتفاقيه بيناتنا
جمان : اها
ازار: ايييي ....
جمان عادت الى المنزل وعندما ذهبت الى غرفتها وجدت ايلا هناك
جمان : خير ايلا
ايلا : جنت اخذ دوش
جمان : وليش بغرفتي
ايلا: عاجبني
جاك: حبيبتي
جمان : هلا حبيبي
جاك: ايلا شتسوين بالغرفة
ايلا : اخذ دوش لان حمام غرفتي عاطل
جاك: ايلا طلعي من الغرفة
ايلا : شبيكم ترا ماراح اكلها للغرفة
جاك صرخ : ايلااااااا
ايلا خرجت من الغرفة
جمان : جاك
جاك تقرب من جمان وامسك يدها : حبيبتي ادري تصرفات ايلا مزعجة وتضوجج وادري بيج ساكته ومتحجين بس ماداعرف اتصرف وياها
جمان : بس المفروض تلكي حل يعني حتى اني مااكدر اكعد وياك 5 دقايق لوحدنا ..حتى وقت النوم تنام يمنا وبعدين هي مو صغيرة
جاك : ميخالف حياتي تحملي واني الكيلها حل
جمان : اوك حياتي
جاك : حبيبتي وعمري وكل حياتي ..ربي يخليج الي ولا يحرمني من هذا الكلب الطيب
جمان : ويخليك الي ....
في الكوفي شوب
ازار صرخت : ايرام حبيبي شنو هاي المفاجئة (ايرام صديقهم الثالث)
ايرام : شسوي متجون عليه كلت اني اجي اشوفكم
ازار ذهبت اليه واحتضنته وبعدها اندي
اندي: اشتاقينالك
ايرام : اي كلش
ازار وهي تمسك بذراعه وتضع رئسها على كتفه
اندي: خير شبيج ليش لازكة بيه
ازار: مشتاقتله غير
اندي: دكافي عاد وخري من يمه
ايرام : خير شكلة الحلو يغار
اندي: واغار من اشكولك
ايرام : واضح كلش عليك
ازار : ايرام عليك الله ابقى هنا ولترجع بعد
ايرام: ماادري راح ابقى شهر وحسب
ازار : الله واخيرآ راح ننجمع
ايرام : صدك السحليه وين
اندي: ربع ساعة وتجي
ازار: كونان حبيبي تعال اتفل على عموو
اندي: كبر حتى كبر
ايرام ضربها على رئسها: انتي شوكت تكبرين
ازار: كونان حبيبي
اندي قام واحضر كونان
ايرام : تعال حبيبي
اندي: ماانطيه
ايرام : هو شنو متنطيه
اندي: ابني هذا معليك منه
ايرام : شنو حجيتيلي شي
ازار: لا ماحجيت شي
اندي: شنو شحجيتي
ازار: لا لا هيج ولا شي
ايرام : ديلا انطيني ابني
اندي: هذا مو ابنك فاهم
ايرام : لا ابني وجيت علمودة وعلمود احتفل بعيد ميلادة
اندي: ادري بيك ليش جاي
ميلي: هاااي ..شنو هاي ايرام هنا
ايرام : هلا
ميلي: ياهلا ..مابلعك شجابك
ايرام : لتخافين ماجاي اشوف خلقتج
ميلي: ولي مااحبك
ايرام : اندي انطيني الولد
اندي : ما
ازار اخذت كونان واعطته لايرام
ايرام : ازار اني راح اخذة هم شويه اتمشى واشوف المنطقة وهم اوديه للحديقة
ازار: اوك روح
ايرام اخذ ازار وخرج
اندي: يعني تنطيه الولد وتاخذيه مني
ازار: خطيه جاي من السفر وماشايفة
اندي: وشلون تاخذيه من ايدي
ازار تركته وذهبت للداخل ولكن لحقها
اندي: ولج خلي في بالج هذا ابني الي
ازار: اي ماشي
اندي: مااريد ايرام ياخذة مني فاهمة
ازار: اوك
اندي: ادري بيج تحبين ايرام اكثر مني من جنه اطفال
ازار: ههههههههههههه
اندي: ووجع لتضحكين
ازار: شبيك اندي شنو هاي التصرفات مال الجهال
اندي: كونان ابني الي فاهمة
ازار: اي فاهمة
ميلي: اندي
اندي : خير
ميلي: افرض انو كونان ابنك جان شسويت
اندي: ماادري بس هو ابني ..فهمتي انتي الثانيه
ازار: ترا لحيت هوايه
اندي: المهم تفهمين الكلام
جمان : شبيكم صوتكم طالع
ميلي: اندي يغار من ايرام
جمان : ليش
ميلي: لان اخذ كونان منه
جمان : حقك والله
اندي: اي جمان فدوة لقلبج ..
جمان: هو ابنك وميصير ياخذة
ازار صرخت بهم : هذا ابني اني لوحدي فاهمين ..هو ماعندة اب ولحد يكول ابني بعد
اندي: ازار شنو هذا الحجي
ازار تركتهم وخرجت
جمان : مدفهم شكو ..احد يفهمني
اندي: طبعا بس يوصل ايرام نحاسيتها تشتغل
ميلي: اندي انت تبالغ ومعليك بيها
اندي: شمسوي اني
ميلي: ابني ابني ..كافي تحسيها انو ابوه عايفة وعايفها
اندي: بس اني مااقصد هيج
ميلي: المهم انت اسكت وبعد لتكول ابني
جمان: اروح ارجع للميتم احسن
اندي: اصلا ماطول وصل ايرام راح نتفرق
ميلي: حياتي اليوم اجي يمك
اندي: اوك لعد اقفل المكان ونروح لشقتي
ميلي: يلا حياتي اقفل وخلي نطلع ..
