جمان : ازار
ازار: اممممممم
جمان : ووجع ركزي وياية
ازار: وياج وياج
جمان : ياربي سبونج بوب انت شوكت تكبرين
ازار:ولج دقيقة مو احب هاي الحلقة
ايرام: تدرين هاي 10 مرة اشوفها وياها
ازار: اشششش بس خلي تخلص
جمان : سدي التلفزيون يلا
ازار: يلا سديته شعندج احجي
جمان : بخصوص حملج شراح تسوين
ايرام: اي صدك شوكت تكولين لاندي
جمان : اي لازم تحجين مو تضمين السالفة
ازار:من راح يتقدملي راح وراها احجيلة واشوف يريد هذا الطفل او لا
جمان : وشوكت يتقدملج يعني
ازار: ماادري من رجعت ميلي كلشي تغير
ايرام:يالله هاي السحليه شكد ضايج منها
جمان : دقيقة انتوا ليش تكولولها سحليه
ازار: سألي ايرام هو الي طلع اللقب
ايرام : ماادري هي تشبه السحليه
ازار: حرام عليك
ايرام : ههههههههههه
جمان : بس هي عادي تبقى صديقتكم موو
ازار: بالنسبة الي عادي
ايرام : ماابلعها
جمان : وبالنسبه لاندي
ازار: عادي علاقتهم صارت
جمان : انتي هم ديري بالج
ازار: هو الي الك مستحيل يصير لغيرك
ايرام :اسعى ياعبد واني اسعي وياك
ازار: اوك فهمتك
ايرام: الحمدالله ....
في الكوفي شوب
ميلي: طبعا محتاجة احجي وياكم
ازار: اي احجي
ميلي: ازار واندي صح انتو غدرتوا بيه وخنتوني
اندي: نعم نعم
ازار: خلي تحجي وبعدين عقب على كلامها
ميلي: صحيح انج خنتيني واخذتي اندي مني بس مع ذالك اني مسامحتج
اندي: لا والله
ميلي: وصح انت عفتني ورحت حبيت غيري بس اني احبك واتمنالك السعادة
ايرام : اتصدكين مامرتاحلج
ميلي: عادي شنو الجديد انت لو مامرتاحلي لو مابالعني
ايرام : شوفي لعبه منا منا ..محد يخلصج مني
ميلي: اني خسرت اندي كحبيب فبعد مستحيل اخسركم كأصدقاء
ايرام : اتمنى كلامج يكون صح
ميلي: صح كلامي ولتضل تشكك بيه
ازار: ايرررام
ايرام : شغلي دماغج ترا مو كلها مثلج وكلبها طيب
ميلي: الله يسامحك
ايرام: امممممم
اندي : اني اروح لان عندي شغلة مهمة
ازار: اوك حبيبي روح ومن توصل دزلي رساله
اندي : ماشي عمري وبعدها ذهب اندي
ازار: ميلي عندي خبر كلش حلو وراح يفرحج
ميلي: شنوو
ازار: اني حامل
ميلي: من منو
ازار: من اندي يعني من منوو
ميلي : ليش انتو وصلتوا لهاي المرحلة
ازار: اي وحتى راح نتزوج
ايرام : سولفيلها كلش راح تفرحلج
ميلي : يالله ياازار كلش فرحتلج
ازار: ادري بيج كلبج طيب
ايرام : ماكو احد كلبه طيب وغبي غيرج ...ايرام قال هذه الكلمات وخرج......
كان الجميع سهران في منزل ازار
ايرام: اندي وينه
ازار: كال ربع ساعة ويوصل
ميلي: يالله علاقتكم تخنك شلون متحملة كل شويه تحجين وياه ووين انت ودير بالك على نفسك
ازار: اساس الحب هو الاهتمام
ايرام: مااتوقع تفهم هذا الحجي
ميلي : لا افهم احد كالك غبيه
ايرام: انتي مو غبيه ..انت ابليس بعينه
ازار: ايرررام
ميلي: عادي مااضوج من كلامة
ايرام : لان ماعندج احساس
دخل اندي فذهبت له ازار وقبلته من خدة وبعدها انحى وجلس على قدمه واخرج العلبه ودخلت فرقة موسيقيه خلفة وبدوا يعزفون وكونان بجانبه يحمل باقة ورد
اندي : تقبلين تتزوجين
ازار والدموع في عينها : اقبل اكيد
قام اندي والبسها الخاتم وحضنها وبدا يدور بها
ازار: حياتي
اندي: شرايج بالرومانسيه
ازار: اي هسة انت تمام
اندي غمز لها : ترا اعجبج
ازار: فديتك
اندي قبلها 💏
ايرام : احم احم نحن هنا
اندي : حسوا وطلعوا
ايرام : كومي جمان وميلي خلي نروح
ميلي: بعدنا بأول السهرة وين رايحين
ايرام : هم يريدون يحتفلون وحدهم
ميلي: روحوا انتو مااروح اني
ايرام : اكول كومي كدامي وخليهم فرحانين وشعندج مثل البومة مكابلتهم
ميلي انزعجت من كلام ايرام وخرجت وبعدها جمان وايرام خرجوا ايضا ....
