دعيني انتقم

13

الفصل االثالث عشر

مر اسبوعين وحاله جيني كما هي لكن عندما تتحدث يظهر صوتها بشكل بسيط جدا (مبحوح جدا)

شريف: عامله ايه دلوقتي

جيني : اديك شايف

شريف: بتبحبي تفاجأت جيني من سؤاله بشده

جيني: لا

شريف : كدابه يا جيني مش بتعرفي تكدبي

جيني بعياط: شوفت خيبتي بحب اللي شلني... مش قادره اكرهه اعمل ايه يا شري انا تعبت

شريف : اهدي يا حبيبتي... دا لهفته لما كنتي تعبانه تبين انه كان بيحبك

جيني بسخرية: دا بيعشقني... دا انا عرفت من كتر الذل والاهانة والضرب

شريف: معلش يا حبيبتي هخلي يطلقك

عمر من ورائهم : مش مطلق

تفاجأ كلا من جيني وشريف

شريف : بغضب انت ازاي تدخل من غير ما تخبط

عمر انا حر....وانتي يا هانم نايمالي في حضن كل واحد شويه

شريف : اخرس اتكلم معاها عدل

عمر متجاهلا اياه: ولا اقولك حسابك في البيت

نظرت له جيني نظره سخريه ونظرت لشريف بالم احس بها شريف لكن فاجاها عمر بحملها

جيني ؛ انت بتعمل ايه

عمر : مسمعش صوتك

سكتت جيني لكنها نامت في حضن عمر من اثر المسكن ....ابتسم عمر من طفولتها ومن موقفه فها هي حبيبته بين يديه لكن ما لبث ان عادت له نظره الغضب في عينيه

عندما استيقظت جيني وجدت نفسها في غرفه عمر علي الارض وهو نائم علي السرير

لم تقدر ان تقوم بسبب الجبس فنتظرت لكي يستيقظ وبعد ساعه ملت من الانتظار

جيني بصوت يكاد ان يسمع: عمر... عمر استيقظ عمر ووقف امامها بدون تيشرت... اغلقت جيني عيناها بسرعه

جيني : البس تيشرت

ابتسم عمر بينه وبين نفسه لكنه قال: علي اساس انك اول مره تشوفي حد كده.... دا انا كل شويه الاقيكي في حضن راجل

تجمعت الدموع في عين جيني لكن اغلقت عيناها بقوه اكبر

عمر: انا داخل اخد شور

جيني بصوت مخنوق اوي: طب ممكن مايه

عمر : لما يجيلي مزاج

جيني: ايه الذل دا حتي المياه... كل يوم اكتشف انك قذر اكتر و قطع كلامها رش عمر عليها زجاجه مايه كامله

شهقت جيني وصرخت : غبي

عمر : لولا انك مش ناقصه كنت عاقبتك بس احنا فيها وحملها ووضعها علي السرير وقبل شفتيها بسرعه شديده

عمر: كل ما هتضايقيني دا عقابك

جيني: طلقني

عمر : قولتلك لا

جيني : مدام بتكرهني ليه بتعمل فيا كده .... اوعدك مش هتشوفني تاني واي قضايا ليها صله لك من بعيد مش يمسكها

عمر : لا

جيني : طب هسيب الداخليه خالص بس طلقني

عمر : بينه وبين نفسه : تسيب الداخليه ليه هو انا ارفها اوي كده

قلبه : انت شلتها خالص ودمرت حياتها وانت بتحبها

عقله: بحبها بس بحب خالي اللي موتته اكتر

قلبه : ما خالك موت ابوها واختها وطول ما انت ماشي ورا قلبك هتخسرها زي ما قلبها وقف دا عنيها بقت سوده علي طول مصعبتش عليك

نظر لها عمر نظره شفقه لكن تفاجأ بها تنهره

جيني: متبصليش كده انا مش محتاجه شفقه حتي لو اتشليت انا بكرهكو وبكره نظره شفقتكو وصرخت بصوت عالي تفاجأ به عمر ارحمووورررني بقي