زينب:يله حتى انروح🚶🏻♀️
اية:وين انروح؟
روان:للصالون غير لدكولين انتي محجزتي
اية:اي محجزت و احط مكياج اهنا و زينب اسويلي تسريحه
زينب :صخام صخمج اية بابا خطبتج حته لو مقابله على الوضع بس الصور يله يله كومي كدامي اخذي هدومج و روحي بدلي لبسي فدشي بي دكم (ازرار) او سحاب
اية:ليش!!!؟
زينب :يا فهيمه من تريدين تلبسين البدله و تنزعين البدي حتتخربط التسريحه يله كوومي كدامي فضينه
اية:بدلت حسب طلبات و رحنه صالون [...]
روان:اريد تسريحه بسيطه مو كلش عاليه و مكياج بسيط لونه وردي
صالونه:اوك تتدللين بس المناسبه شنو
اية:خطبتي
صالونه:الف مبروك فرق طول بينك وبين عريسك شكد علمود انسوي تسريحه متتعده طوله
اية باوعت على روان صفنت
صالونه:لا مستحيل متعرفين طوله شكد😰
اية:الصراحه ممنتبه بس ....ذكرت اخذت صوره بالخطبه(شباب و بنات) فرق بيناتنه عشر اصابع
صالونه :اووك
اية:سوتلي تسريحه بسيطه
و مكياج خفيف بس الحمره حمره حطيت طلعت اخبل
و رجعت لبست فستان ابيض بدون اكمام احد جهاته يوجد شريط من الازهار السوداء(دانتيل)
بدأ الناس بالحضور انا موجوده في الغرفه دخلت عليه مرت اخو النذله (نوره)هلو ... ممكن ادخل
اية:هلو.... ااي اكيد تفضلي😊
نوره :هااي شنو شطالعه هذا كل مكياجج اصلا ميسمه مكياج بس الحمره اوك
ايييع هااي شنو البدله (فستان)كلش فقير غير انتي عروووسه تلبسين اللوان
روان:اية حلووه ميحتاج انضم جماله بالمكياج
زينب:اية تكره بدلات الهووسه تحسه مال مزوجات و عده 5 جهال ...احله ال اية بدلات بسيطه
سوسن:ندري عروسه كل متكون العروسه على طبيعته متتوتر هوايه و ناس دكوم تحبه هوايه
اية😂😂😂 (اكلوها بكشورها البنات)(ضحكه بكوه لازمته علمود لتطلع ههه)
نوره:هففف اني انطيت رأي بس الناس اذواق
نوره [اعيون حاده لون اسود و حنطاويه و طويله جسم متروس او (مربربه) انف و فم صغيرين ملامحه تبين انها قويه لكن عيناه تقول ان قلبها طيب]
اية:نزلت من درج ببطئ و سمعت صوت الهلاهل مع اغنيه الف الصلاه و سلام عليك يا حبيب الله محمد (حسين الجسمي ) و امي تمسك يدي
اروح على ام ليث اسلم عليه و جلست على الكوشه و اجوي سلموا عليه الكل طلعوا الاغاني و صديقاتي و كرايب العريس كاموا يركصون مرت نص ساعه جتي زوجه عمي
زوجه عمي:بنات لبسوا اجه العريس
اية:حسيت قلبي حيوقف ما اريد يجي اريد اكوم بين كل معازيم اكول ما اريد ازوج ما اريد .... بس بين كل الناس ارفع راسي اشووف ليث بقاط كحلي (زي رسمي)و قميص ابيض و رباط اسود بي ابيض بلون فستاني و شعره مرتبه رافعه و لحيه (ذقنه) الي مزيده رجوله واو ماصدك هذا حيصير زوجي ... اتوقع اني احبه اففف اية شبيج ذبتي بالولد عيب هزيت راسي لتطلع هااي الافكار منه
ليث:بين كل النسوان الواكفات و صوت الهلاهل شفتها اية لبسه فستان ابيض و اسود فوق ركبه و شعرها نازل على جتفه و جسمها المتناسق اهووو ليث طلع هااي الفكره من راسك عيب تحجي هيج انته متريد تحب احد بعد (أمنه [الله يرحمه])
وقفت بصفه و سلمت عليه و جلسنا اية محجت اي شي بس ردت السلام
و بدا الناس يركصون
اكو هواي ناس ما اعرفهم سألت اية عليهم كبدايه حديث
ليث:اية نص الناس ما اعرفهم منو هذوله ممكن تعرفيني عليهم
اية:اي اكيد هذيج خالتي هدى و البصفه بنته حنين و بنين و بصفهم مرت خالي زهراء و بنته نور و حفيدته شهد وووووو...ووبس
عائله جبيره
ليث :هااا تعاي دوري اعرفج على كرايبنه
هذيج مرت عمي و بناته ميس و سما و هاله و جنته بتول و و و و و بس و هذيج مرت اخويه تعرفيه نوره
اية:اي اعرفه جتني للغرفه قبل شويه
ليث: شحجيتوا؟ اعرف بيه اتسم الواحد
اية:لا محجت شي بس كالت مكياجج خفيف و الفستان بسيط شعجب ممشترية بي نقشات و بس
ليث:هههه ضحكتيني مرت اخويه تحجي هيجي لا مستحيل المهم اني اسف بنيابه عنها
ريام(اختي ام حماده و فافا):يا عرسان لاحكين على الحجي هسه وقت تلبيس الحلقات
اية(لبسته حلقتين وحده ذهب و الثانيه فضه و هم نفس الشي على اغنيه بحبك انا كتير (وائل كفوري )
و باقي الكعده بقينه ساكتين يجون يطكون صور و يباركون و بس اخذ رقم تلفوني و دك عليه و بس
و اخيرا خلصت الحفله و كل واحد راح البيته و اني دخلت في نوم عميق من تعب
....................... .......................
بعد يومين من الخطوبه دون اي مكالمه يسألوني اهلي حجيتي وياه اجاوبهم اي قبل شويه سديته
....................... .................
ليث :بعد يومين من الحفله اهلي يسألون شوكت اخر مره حجيت ويه اية الجواب قبل ساعه او نص ساعه
....................... ....................
