المقبره الملعونه

نبذه

الجزء الأعلى منه عليه رسم غريب انا نفسي معرفتش أحدد ده ايه و ف وسط الرسمه موجود عين حمرا و الجوانب الأربعه منهم كل جنب مكتوب عليه كلمه بس كلمه بالغه الفارسية أو الرومانيه و الكلمات كانت كالآتي ( مازر - كمطم -  قسوره - طيكل ) مش عارف حسيت بخوف ليه لما قولت الأسماء دي حاولت افتح الصندوق باي طريقه معرفتش اضغط ع العين الحمرا اللي ع غطا الصندوق برضو مفيش لحد ما حمزة قالي جرب كده تقول الأسماء اللي مكتوبه دي بس بصوت عالي

سمعت كلام حمزه و عملت كده و يا ريتني ما عملت اول ما قولت الأسماء بصوت عالي العين الحمرا بدأت تنور نور شديد جدا و طالع لفوق بطريقه بشعه و بدأت الأرض تتحرك أكن ف زلزال و الكشفات اللي معانا بدأت تنور و تطفي بطريقه سريعه جدا و فجأه كل حاجه هديت خالص و لا أكن حاجه حصلت من الأساس بعد كده ببص ع الصندوق لقيت جوها حاجه زي ديل بقره أو معزه مش عارف بس هو زي ما يكون ديل حيوان بس ناعم بطريقه غريبه جدا و لونه اسود وليه ايد تقريبا من العاج و مكتوب عليها ( سياه)