المقبره الملعونه

الجزء الأول

انا اسمي عمر عندي 32 سنه خريج كليه الآثار اشتغلت ف مصلحه الآثار من بعد ما اتخرجت بحاجه بسيطه لاني كنت متفوق دراسيا المهم بعد اتعينت ف المصلحه الأيام كانت شبه بعضها مفيش فيها أي جديد بس ف يوم لقيت حمزه صحبي داخل عليا المكتب و بيقولي

حمزة - جهز نفسك عشان ف شغل كتير النهارده
انا - شغل ايه ده و جه امته
حمزة - تقريبا اكتشفو مقبرة ع طريق سقاره و المفروض نروح هناك حالا
انا - يعني يجوا يكتشفوها ف اليوم اللي رايح فيه للدكتور
حمزة - معرفش بقى انا اللي بلغني جيت قولتو و جهز نفسك عشان هنطلع حالا
انا - طيب

أجهز نفسي و أخرج من المكتب و نركب العربيه انا و فريق العمل كان مكون من 4 غيري انا و حمزه بجانب الاجهزه المهم بعد شويه نوصل المكان اللي فيه المقبرة اول ما نوصل نلاقي عباره عن سرداب طويل و ف آخره مقبرة تقريبا ترجع للعصر 14 قبل الميلاد ع طول الجدران بتاعت السرداب كان موجود كلام و رموز انا بصراحه مدرستهاش و لا أعرفها اصلا فقولت لحمزة

انا - حمزة انت مش واخد بالك من حاجه
حمزة - حاجه ايه
انا - الكلام و الرموز اللي ع الجدران مامتش للغه الهيلغروفيه بصله اصلا
حمزة - ايه ده ازاي مختش بالي من الحاجه دي
انا - طب هنفهم اللغه دي ازاي
حمزه - ممكن نكلمهم ف المكتب يبعتولنا خبير لغات
انا - خلاص لما نطلع نبقى نشوف

أفضل ابص كتير ع الجدران مفيش حاجة ف السرداب و لا المقبرة اصلا شادد انتباهي غيرها و خصوصا الرموز حاسس أني شوفتها قبل كده ف حاجه بس مش عارف ايه هي و مره واحده ألقى حمزة بيقولي

حمزة - عمر شوف لقيت ايه
انا - ايه ده
حمزة - مش عارف انا شغال ف الآثار بقالي اكتر من 15 سنه و عمري ما شوفت حاجه زي كده
انا - دي أحجار كريمه باين
حمزة - لا عمر الاحجار الكريمه تكون بالشكل ده احنا ناخدها المعمل و نشوف هناك
انا - طيب

المقبرة كانت عباره عن تابوت كبير من الدهب الخالص ف وسط المقبرة و مرسوم عليه أشكال غريبه انسان برأس حيوان غريب جدا مش زي ما احنا عارفين عن الآثار بتاعت بلدنا المقبره نفسها غريبه اووي و ليها رهبه و تحس فيها بالخوف
بس احنا بحكم شغلنا اتعودنا ع الحاجات دي

المهم و انا ماشي رجلي خبطت ف حاجه انا الأول فكرتها حجر أو حاجه بس لما وجهت الكشاف ليها طلع صندوق صغير ف حجم كتاب صغير وطيت عليه و جبته الصندوق كان شكله كالآتي
الجزء الأعلى منه عليه رسم غريب انا نفسي معرفتش أحدد ده ايه و ف وسط الرسمه موجود عين حمرا و الجوانب الأربعه منهم كل جنب مكتوب عليه كلمه بس كلمه بالغه الفارسية أو الرومانيه و الكلمات كانت كالآتي ( مازر - كمطم -  قسوره - طيكل ) مش عارف حسيت بخوف ليه لما قولت الأسماء دي حاولت افتح الصندوق باي طريقه معرفتش اضغط ع العين الحمرا اللي ع غطا الصندوق برضو مفيش لحد ما حمزة قالي جرب كده تقول الأسماء اللي مكتوبه دي بس بصوت عالي