المقبره الملعونه

الجزء الثاني

دي آخر حاجه سمعتها ف المقبره بعدها محستش باي حاجه خالص و لما فوقت لقيت نفسي ع سرير ف المستشفي و يدخل حمزة عليا

انا - هو حصل ايه يا حمزة
حمزة - الحمد لله عدت ع خير
انا - أيه هو اللي عدي ع خير
حمزة - انت محستش بحاجه و لا ايه
انا - لا خالص انا آخر حاجه فاكرها اني كنت بكلم أحمد بس
حمزة - غريبه
انا - ايه هو اللي غريب ف ايه يا حمزة
حمزة - انت كنت بتكلم علي و انا و أقف مع العمال و مره واحده لقيتك ماسكه من رقبته و بترفعه عن الأرض بطريقه غريبه جدا و عمال تقول كلام محدش كان فاهمه فين و فين لما أغمى عليك و كلمنا المستشفي بعتت عربيه إسعاف بس هو ده اللي حصل
انا - ازاي يعني انا عملت كل ده و ايه السبب اصلا
حمزة - معرفش شوف انت بقى
انا - و علي فين دلوقتي
حمزة - روح اكيد
انا - فين موبايلي
حمزة - اتفضل

افتح الموبايل ابص ع الساعه ألقى الساعه ما زالت 4 و كذلك التاريخ مديش ليها أي اهتمام و ابص لحمزة و اقولو

انا - حمزة انت تعرف حد ليه ف السحر و الكلام ده
حمزة باستغراب - سحر ليه يعني
انا - محتاجه ف حاجه
حمزه - لا معرفش بس ممكن أسألك و اعرف
انا - خلاص أسأل و ابقي كلمني
حمزة - ماشي
انا - هو انا هخرج من هنا امته
حمزة - دلوقتي حالتك عاديه مفيش فيها حاجه مجرد إغماء بس

بعد شويه نخرج من المستشفى و حمزة يوصلني و يمشي ادخل المطبخ اعمل أكل و انا واقف حسيت أن عيني بترعش جامد و عليها غيامه و حاسس أني بشوف حاجه غريبه الشكل استعيذ بالله من الشيطان الرجيم و أكمل اللي انا بعمله و أخلص و ادخل انام و محسش باي حاجه خالص غير لما صحيت الصبح و روحت شغلي سألت ع حمزة قالولي مجاش اتصلت بيه مش بيرد ف قولت ف بالي لما أخلص شغل ابقي اروحلو و ربنا يسهل

اروح المعمل عشان اشوف وصلو لايه

انا - ها يا استاذ أحمد وصلت لايه تاني
أحمد - بس يا عمر اللي اقدر اقولو ليك دلوقتي أن الحاجات اللي طلعت من المقبره دي مجهولة المصدر و منعرفش ايه هي العناصر اللي متركبه منها
انا - طب و حكايه الجن اللي انت قولت عليها
أحمد - انا قولتلك كده مجرد افتراض و قولتلك هتاكد اكتر لما الخبير يقولك اللغه ايه و لما الخبير رجع هنا عرفته منه أنها لغه سريانيه يعني بمعنى أصح المقبره دي و بما فيها كانت لشخص من بتوع الجن
انا - طب تفسر بايه وجود الجثه ف التابوت من غير تحلل
أحمد - مش عارف بس ف حاجه غريبه و لازم جهة أكبر مننا تبحث ف الموضوع
انا - متشكر جدا يا أحمد هبقي اجيلك تاني
أحمد - خلاص ماشي

أخرج من المعمل و اروح لغرفة المدير و اخبط و ادخل

استاذ هلال - ها يا بطل عملتو ايه ف موضوع المقبره
انا - موصلناش لحاجه حضرتك بس ف حاجات غريبه كتير حصلت و مش عارف ليه معنى
استاذ هلال - زي ايه
انا - احنا لما دخلنا المقبره لقينا حاجات غريبه جدا و كنا داخلين بالنهار و مكملناش اكتر من ساعتين جوا و لما خرجنا كان الليل ليل علينا و لما بصيت ف الساعه لقيتها واقفه ع الساعه 4 و التاريخ ع 804 و أحمد بتاع المعمل مش عارف ايه مصادر الحاجه اللي طلعت منها و بيقول أن المقبره بتاعت حد كان شغال ف جو السحر و الكلام ده و ده اللي أكده خبير اللغه لما قال إن اللغه اللي مكتوبه ع الحيطان لغه سريانيه
استاذ هلال - الكلام ده خطير يا عمر و لازم نتحري الدقه قبل ما ناخد خطوه
انا - طب نعمل ايه حضرتك
استاذ هلال - انت تاخد حد قديم ف معرفه أنواع اللغات و الحاجه توديها معمل خاص بالأشياء الغريبه و لما نفحص كل ده نشوف هنعمل ايه
انا - خلاص ماشي يا فندم أستاذن انا
استاذ هلال - اتفضل