قروب BFF
نوره : بنات مو مصدقه بكره اخر يوم بالمدرسه .
رغد : يوووه حتى انا مو مصدقه متى افتك من الدوام و وجيه البنات .
فيّ : وش فيكم لهدرجه تكرهون المدرسه ؟
رغد : واكثر بعد .
نوره : انا ماني فاهمه انت كيف تحبينها !!
هدى : اهم شي الصباح واخييراً بنام للظهر ماني مصدقه هههههههههه .
فيّ : عادي يعني ما احبها ولا اكرها .
رغد : الزبده وين بتروحون بكره بعد ما نفتك من المقبره اااقصد المدرسه 😂 ؟
فيّ : انا ماني طالعه برجع البيت .
رغد : وش فيك هيه نفسيه تراه اخر يوم لازم نحتفل .
هدى : وش فيك يا فيّ ترا انت هالسنه من بدايتها وانت
غير عن زمان تغيرتي ١٨٠ درجه وش صاير لك مو فيّ
اللي الكل يعرفها !
نوره : اي !
فيّ : متغيره ؟! ما تغيرت ولا شي بس كل السالفه اني
ماني حابه اسوي شي وبرجع البيت !
رغد : خلاص خلاص بكيفك .
..
آخر يوم ، الصباح ..
( فيّ ما قدرت تنام بذيك الليله وكانت تبكي طول الليل
لانها كانت عارفه انه مارح يصير شي راحت مواصله بذاك
اليوم كانت عيونها لونها احمر ومختلفات عن كل مره كان
شكلها مره غريب وباين عليها انها تعبانه دخلت المدرسه
وكانت كل خطوه بتتخطاها تكون متردده فيها كانت ما
تبغى تكمل كانت تبغى ترجع البيت ماهي قادره تشوف
روز لآخر مره كانت حاسه نفسها بتنهار ما تبغى تصدق
الواقع بس الواقع اقوى وانجبرت تكمل خطواتها كانت
تناظر البنات في الساحه تدور روز تبغى تشوفها وتتمعن
فيها لان محد يدري وش يصير يمكن تكون آخر مره فيّ
تشوف روز بحياتها ! كانت تبغى تستغل آخر اللحظات
بس ما لقت روز كانت للحين ما جت وفجأه ظهرت رغد
ونوره بوجهها )
رغد : هلا هلا بنفسيتي الجميله .
فيّ : اهلين .
رغد : هوّ وش فيك ؟؟؟ وش صاير معك ؟؟؟
فيّ : وش فيه ؟؟
نوره : اماا عاد وش صاير معك ؟؟
أنت تقرأ
أحــببتــها فــخــذلتني !
Teen Fiction( ليه لما نتعود عليهم يتركونا ؟! ) ( قصتي تروي قصة حقيقية حصلت لوحده أعرفها وانا قلت لها بكتب قصتك وهي وافقت .. القصه عباره عن بنت وتومبوي قصه مشوقة ولها احداث مثيره ( حزينة .. سعيدة ) اتمنى تعجبكم .. ^^ )
