أحــببتــها فــخــذلتني !

البارت الثالث عشر ..

اليوم الثاني ..
( المدرسة )
( الفصل _ الحصه الثانيه )
رغد : فيّ لو سمحتي طلعي كتابي .
فيّ : لك يدين اعتقد !
رغد : اففف ، طيب انت واقفه !
( في هاذي اللحظات روز مشت من عند الشباك ، فيّ انتبهت لها ناظرتها .. بس الغريب بالموضوع ان روز ما ناظرت اتجاه فيّ ، فيّ استغربت وقالت في نفسها يمكن عشان مستعجله بستناها بس ترجع )
رغد : هييه وين سرحتي ؟!
فيّ : اوففف يا رغد منجد انك بثره -_-.
رغد : هوّ انا وش سويت ! والله عجايب :/ .
( روز رجعت وهي راجعه ناظرت الشباك شافت فيّ تناظرها بسرعه بعدت عيونها عن الشباك وفضلت مكمله طريقها ، فيّ استغربت من تصرف روز )

( الفسحه )
( ساحة المدرسه )
هدى : فيّ انت ليه كذا صايره ؟!
فيّ : ما فهمت !
هدى : يعني تغيرتي ما عدتي فيّ الأولى !
فيّ : بعد ما فهمت ! كيف تغيرت ؟!
نوره : يعني صرتي تتنرفزين بسرعه وصرتي مزاجيه مرره وايام تنفسنين علينا مثل ما نفسنتي على رغد شوفي المسكينه عيت تطلع معانا الساحه وجلست بالفصل بسببك .
فيّ : اوف اوف اوف الحين كل ذا شايلينا عليّ !
هدى : نوره تقصد .. ( قاطعت فيّ كلامها ) ..
فيّ : لا تقصد ولا ما تقصد ، الحين انتو اللي حسبتكم صديقاتي وتشيلون همومي واشيل همومكم كذا تسوون فيني !
( مشت فيّ متجهه لنهاية الساحه وهي كلها انزعاج من اللي سمعته من نوره بس هي كانت عارفه ان كل كلمه قالتها كانت صحيحه بس ما تبغى تصدق ان روز اثرت عليها لهدرجة )
..

وهي ماشيه جت عيونها بعيون روز بس روز ما عطتها وجه ولفت وجهها وصارت تتكلم مع صديقاتها اما فيّ انقهرت زياده من تصرف روز ، كملت مشي جلست على كرسي وناظرت السماء وقالت يا رب انا ليه كذا يصير معي ! انا ايش سويت عشان كذا يصير ليه كل اللي احبهم يطلعون من حياتي بسرعه ليييه !!!

مرت الأيام وفيّ كل يوم حالها يزيد سوء بسبب روز تعاملها تغير مع الكُل حتى بالحصص صارت مستهتره وما يهمها شي تضحك وتستهبل بالحصه والابلوات صاروا ينزعجون منها وصديقاتها مستغربات منها ليه كذا صار ؟!
وش اللي غيرها ؟؟
هي كانت عارفه انها تغيرت وما عادت مثل الاول بس مهي قادره ترجع فيّ القديمه اللي يحبها الجميع من لما روز دخلت حياتها كل شي تغير كللللللل شيييي !
كانت تبغى تنسى روز بس مهي قادره كل ما تيجي تنساها تتذكرها تعلقت فيها بشكل موب طبيعي صارت ما تِمر دقيقه على فيّ الا وهي تفكر بروز وليه تسوي كذا ؟ تحبني ولا لا ؟ كل ما قلت ما تحبني اتذكر تصرفاتها معي ! ياخي في شي غلط بالسالفه :(
في جزء من القصه ماني عارفه لو اعرفه كنت فهمت كل شي راسي مشوش حياتي صارت روز روز روز روز روز ما صرت اشوف الا روز قدامي غابت ازعل واتنرفز ما عطتني وجه امووت قهر ولما تعطيني وجه اطير من الفرحه وش اللي صار لي ؟! كيف تقدر كذا تتحكم فيني كيييف !!!!
لا وكل اللي قاهرني انها تغار علي لما اكون مع غيرها قولي والله 😐 !
روز كانت بذيك الفتره يوم تعطي فيّ وجه ويوم لا وعلى بالها انها كذا بتخلي فيّ تحبها اكثر ، ما كانت تدري انها كذا تخلي فيّ تفكر مليوون مرره عشان تنساها وتطلعها من حياتها بشكل نهائي لانها تعبت من كل شي وكل اللي كان يجيها من كل هذا وجع راس وتغيرها على الناس اللي تحبهم و يحبونها 😪
فيّ قررت خلاص بطلع روز من حياتي و بنساها اصلاً ما بقى شي على اجازة الترم الاول ..