البدايه (1)
_____________________________________________________________________________________
بالبدايه بحكي لكم عني ، انا نيار رجل كاره حياتي كلها ، من البيت لشركتي والعكس ، وهذي حياتي الي اعتقدت انها مستحيل تتغير
الا بيوم تغير كل شي من شفت ذاك الطفل........
-
نزل من سيارته بكل هيبه ورزه ، بشكله الجميل الي يفتن الكل
يمشي بكل ثقه والكل يحترمه ويهابونه ولايقدرون ينطقون عليه بكلمه سوء
وجاه مساعده عمار : طال عمرك تفضل جهزت الاوراق والملفات الي طلبتها
نيار : تسلم ، قلهم يجيبون لي قهوتي الحين
عمار : ابشر - مشى لين الباب وكان بيسكر الباب...
نيار: لحظه لحظه تعال ، شصار مع نادر ؟-بنص ابتسامه-
عمار عبس: لا تذكرني فيه تكفى، كل ماله ويصير اللعن من اول مدري وش غيره!
نيار بسخريه: مشكلتك وتحملها هه،ذا الحب حقكم الي مزعجينا فيه كل الخلق،هذي نهايه الحب تفرحون اول خمس دقايق وبعدين تاكلون تبن انت وياه؛).
عمار: مو الكل كذا يانيار ! ، ماعلينا الله يهديه ويهديك انت وقلبك ذا الحجر اعوذ بالله مافيه احساس وجع
نيار : نعم؟ انت ضف وجهك مثل ماضفيتك هنا،لاتمون بزياده....
عمار قمط: امزح امزح طال عمرك بسم الله عليك قلبك قطنه قطنه بنفسه-بموتتتت-
نيار: اذلف بس.
-عمار طلع وسكر الباب وراه- وقعد نيار يتذكر كل لحظه مرت بحياته اول، قعد يفكر هو ليه كذا؟ ووش الي وصله لهالحاله؟
(نرجع ورا قبل 8 سنين ونختصر الاحداث)
نيار: والله مو مصدق والله! اليوم بتصيرين ملكي خلاص، الدنيا مو سايعتني من الفرحه
امل وهي تبتسم بخجل: نيار حبيبي حتى انا ، مو عارفه كيف اعبر والله اخيراً افتكينا من الهم والمشاكل وصرنا لبعض خلاص
نيار : حبيبه نيار انتي، اليوم زواجنا، اكيد بتصيرين اجملهم،لاتنسين تحصني يادنيايّ..
امل وهي تضحك بهدوئها المعتاد وبخجلها الي مايفارقها: يخليك لي حبيبي، ان شاءالله
بعد ساعات، طلعو نيار وامل لفندقهم بعد ماودعت اهلها وصحباتها، طلعت وهي تبكي وودها لو تاخذها كلهم معها xD
بالسياره : امل حياتي، شفيك تبكين؟ دموعك ماتهون علي ياقلبي
امل وهي تمسح دموعها: بشتاقلهم، احس مو قادره اعيش بدون امي قلبي تقطع عليها يوم شفتها تبكي
نيار وهو يضحك: كل هذا دلع ؟ فتره وتشوفينهم ياقلبي
بعد ماوصلو
