غـــلا الجـ♥̨̥̬̩ــــود

part 1

ماردت احبك حاولت ،،من لفظه  اسمك حاذرت ،،
كلمه وشلتها من الحجي ،،، ومن اللسان خفيتها ،،
وبيبان روحي  مقفله وعلى الااحب سديتها ،،
صلفه امنياتي الرادتك ،، سالتني عنك شكد بس صمت كلش ولا حاجيتها ،،

كنت استمع للشاعر ايهاب المالكي  ولكن قاطعني دخول اخي الصغير (مصطفى )
-جوعان ،، ليش ماحضرتي الغده
-لا حبيبي محضرته بس انتظر علاوي يرجع  حتى ناكل كلنه
-معليه حطيلي اكلي هسه ومن يجي عود سويله يله كومي
-ماشي افتهمت ،،ابو بطن
-ترة سمعتج بس مابيه حيل اتعارك ،،
-فديته لحبيبي الزغيرون

هو صغير في الابتدائيه ولكن تصرفاته وكلامه اكبر من عمره بكثير وهو المميز عندي ،،احبه اكثر من بقيه اخوتي ،،لدي ثلاثه اخوه ،،وسام وعلي ومصطفى ،، انا هي الكبرى في المرحله الثالثه من الهندسه 
واحمد في الرابع الاعدادي ،علي في المتوسطه وهذه السنه الاخيره له ،،
اكملت الغداء لهم بعد ان عادوا اخوتي ،، ثم رن هاتفي ،،
-الو هلو ايوته
-هلو حبي شلونج
-تمام وانتي
-بخير ،،مشتاقتلج كوومه
-واني اكثر ،،شخبارج
-حاليا ملتهيه بتجهيزات للدوام تعرفين يعني السنه الثالثه وكذا لازم نغير الستايل
-هههه اي اي ادري
-كملتي تجهيز لو بعدج
-يعني مو كلشي انتظر عمتي تجي باجر حتى نروح لبغداد جديده
-اي هاي السنه احسهة راح تكون مختلفه
-ههههه طبعا اذا ويه خطيبج ليش لا
-هههه اي حبيبتي لعد شعبالج راح نكظيهة طلعات من هسه مخططين لكل شي
-لا عيني مينخاف عليكم
-ههه عابتلج ،،اكلج حياتي امي تريدني هسة خلي اشوفهة وعود نتراسل ع الواتس اوك
-اوك حبي ،،باي

ايات صديقتي المفضله تعرفت عليها في المرحله الاولى وبعدها اصبحنا كلاخوات ،، بعد اسبوع تبدا السنه الدراسيه الجديده ،،ويبدا الملل والتعب ،
في اليوم التالي اتت عمتي لزيارتنا ،،
-صباح الخير عمه شلونج ،،قمت بتقبيلها
-الحمدلله وانتوا شلونكم
-زينين
-عمه متريكه لو اسويلج
-لا الحمدلله اكلت ،، عود حضري نفسج بسرعه حتى نرجع من وكت
-اي عمه ماعندي شي هسه ثواني واجهز
-اي ادري الثواني شلونهة ،،امشي يله بسرعه بدلي
-ماشي ،،صعدت لغرفتي وغيرت ثيابي ارتديت فستان طويل وعليه ستره جينز قصيره وضعت حجابي بشكل رباط وحقيبه صغيره والقليل من المكياج ،،نزلت بسرعه فقال لي وسام
-مو تتاخرون ،،ب12 انتو هنا زين
-اي وسام افتهمنا هسه خلي نطلع والله كريم ،،، اكلكم حبايبي عود لا تهوسون البيت رجاءا بس اليوم
-امشي منا احسلج يله
-ههه ماشي بس حبابين موتنسون فدوة بس هاي المرة
-اي افتهمنا
فقالت عمتي ،،-يله امشي ولج راح نتاخر
-يله عمه اجيت
خرجت وطوال الطريق تفكيري باخوتي والبيت اتمنى ان يبقوه نظيفا لهذا اليوم فقط فانا سارجع متعبه ولااستطيع التنظيف مرة اخرى ،،فهم لايبالون لاي شي ،، وبلاخص انهم يغيرون ثيابهم من حين لاخرى ويرمون البقيه على الارض ،،
بعد مرور ساعه ونصف على تجولنا في المحلات قالت عمتي ،،
-اكلج روز تعالي خلي نرتاح شويه تعبت من الفره ،،،،(في الحقيقه اسمي هو زهراء ولكنهم ينادونني روز )
-اي عمه تعاي ،، اكعدي وراح اجيبلج عصير ماشي
-ماشي بس بسرعه
-اوك ،،
كان المحل على الجانب الاخر من الشارع ،،طلبت منه اثنان من عصير البرتقال ،،اخذتهما وذهبت وبينما انا احاول عبور الشارع كادت سياره ان تصدمني او بلاحرى صدمتني بخفه
-اااه ،،اوقعت العصير على الارض وبقيت ممسكه بقدمي لانها كانت تؤلمني ،،فنزل من السياره شاب وقال :
-اسف والله ماانتبهت
-وشيفيدني اسفك شبيك متشوف بعدين انته شكو تمشي بالرون
-والله اعتذر حقج اني غلطان ،، صارلج شي ،،خليني اخذج للمستشفى
-لا مااحتاج مساعده منك ،،حاولت الوقوف ولكنها كانت تؤلمني بشده
-رجاءا خليني اخذج مبين عليج متاذيه هواي
-كتلك مااريد وبعدين اذا بيك خير ساعد نفسك مو تجي تساعدني ،،
-شلون يعني
-يعني انت وامثالك لو بيكم خير جان افتهمتوا هذا طريق خطر ويأذي ماينفع ،،يعني اليوم خطأك صرت اني ضحيته وباجر يجوز انته فساعد نفسك احسن لك ،،بس انتو متفكرون بهيج شي
-وليش منفكر
-  وقفت بصعوبه واسندتني امرأه كبيره في السن فنظرت بعينه بكل حقد وقلت ،،، لان عقولكم صغيره

  بعدها مشيت بصعوبه ووصلت لعمتي  عندما راتني انصدمت وقلقت كثيرا واخذتني فورا للمشفى ،،
-عمه مابيه شي حبابه خلي نطلع
-لا عيني لا هسه يجي ابوج ويحاجي الدكتور ونشوف
-عمه انتي احجي وياه
-تعرفين بابوج مايقتنع اذا مايشوفه بنفسه
-افففف خرب عليه يومي ذاك الغبي لو بس كادرة اوكف جان ضربته بوكس على وجهة واخلي يصير بمكاني بالمستشفى
-ههههه انتي هواي متاثره باخوانج
-اي احسن من مااصير مايعه
بعدها جاء ابي وقال
-ها السلام عليكم
-وعليكم السلام ،،بابا خلي نطلع والله ضجت
-اوكفي خلي نشوف الدكتور وينه ،،بعدها جاء الطبيب وتكلم مع ابي ووافق على الخروج
عندما وصلنا للمنزل ساعدني ابي على النزول وقال لاخوتي ،،
-اسمعوني عيني اختكم ماتكدر تمشي هذا الشهر رجلهة انكسرت ولازم تضل كاعده ومرتاحه ،،لاتزعجوهة مفهوم ،،

ذهبت عمتي لانها تاكدت من انهم يستطيعون القيام بكل شيء ،، واصبحت امور المنزل كلها على اخوتي فهم يعتنون بي والطعام اغلب الاحيان من المطاعم لانهم لايجيدون الطبخ ،،، اما انا اقضي اغلب وقتي بالتصفح على النت ومراسله صديقاتي ،، احاول ان اساعدهم في بعض الاحيان ولكنهم لا يدعوني افعل شيئا ،، حان وقت ذهابي للمشفى لفتح الجبيره التي على قدمي ،،
-اي واخيرا اليوم راح اخلص اريد امشي ضجت
وسام :انتي من كل شي تكولين ضجت ماادري شنو الي يونسج
-اكلك شنو
-اي
-من تجي تشيلني هههه هذا يونسني
-اي واليوم  اخر مرة اشيلج فااستمتعي بيهة ،، بس انتي والله تكسرين الظهر
-لك اني مو ثكيلله
-شمدريج شايله نفسج من قبل
- متضحك ،،بس ادري بنفسي موثكيله لان لو ثكيله جان انته وكعت مو
-لا عيني مو اني قوي فااتحملج
-يله ياحلو ابو عضلات تعال نزلني خلي استمتع
-تدرين بنفسج انتي لوكيه
-اي ادري
-ههه مبين سامعتهة من قبل 
- لا بس انته هسه كلت
-عابتلج تعالي ولتلعبين بشعري مثل كل مرة ترة اوكعج واكسرج مرة ثانيه
-لا لا ابد ماالعب بس خليني اخلص
بعد ان جاء الطبيب وفتح الجبيره اعطاني بعض الادويه وخرجت امشي بحذر وبطء فقال ابي
-شبيج
-ههه ماداعرف امشي عدل تعودت اكمز
-ههههه
-احمد تعال شيلني حباب
-ولي لج صارلج شهر كسرتيني عندج رجلين شكو بعد
-خبيث ،،
وصلنا للبيت واول شيء قمت به هو ترتيب المنزل وبعدها حضرت العشاء  ،، ثم صعدت لغرفتي لاحضر ثيابي ليوم غد لانني لم اذهب للجامعه طوال تلك الفتره