غـــلا الجـ♥̨̥̬̩ــــود

part 4

كنت جالسه بالمطبخ افكر بماذا ساطبخ غدا للوليمه ،،ثم قمت باعداد مكرونه بالبشاميل ،،وايضا الشيء المستحيل احد ميحبه وهو "الكليجه " بعدها قمت بتحضير ثيابي وذهبت للنوم ،،،
.
.
.
في الصباح الساعه 10:30 بدانا بعرض الاطباق على احدى الطاولات في الكافتريا ثم اتى الحكم المبجل "حيدر افندي واصدقائه الزواحف "

حيدر : صباح الخير صبايا ...... قلتها بكل حماس وانا ابتسم ابتسامه عريضه وانظر لزهرة حياتي واراها
وهي تشح بنظرها عني
-اي خلي نشوف شطبختولنه اليوم ،،،
زهراء :انواع من السموم ،،مثل سم فيران ومال حشرات ومال زواحف هم واشكال والوان تكدر تتسمم بيهم على راحتك ،،تفضل محد يسبقك بلاكل

ايات ومروة :ولج شهالحجي موعيب كل يوم لازم اتسوين عركه متبطلين انتي -😡😠
-معليجن بعدين منو الغريب هنا ،،شو كلهة تعرف بقصتنا يعني عادي ولتخافون على مشاعره ترى هذا ميصيرله شي واذا على العراك فاني تعودت مااكدر اذا مااتعارك وياه يوميه ،،، كبر جان حطيتن فد سم بلاكل حتى يروح بيهة واخلص

-وليش عيني متحطين انتي
-لا مواني راح يعرفوني كبل اني سممته بس انتن لا ميشكون بيكم ،،،شفتو شفتو شلون خانكنني
حتى اذا يموت هم مااخلص منه😧

حيدر : احم خلصتو حجي عليه ترى عادي تعودت تحجون بس يله خلي نكمل

احمد وهو صديق حيدر :::
لحظة مااتفقنا شنو هديه الي يفوز ،،
حيدر : شكو عليكم بنات شلون لكيت هديه اله تخبل فدشي ،،بلاحلام هم متلكونه
-شنو بله
-الي تفوز منكم راح ....
-اي شنو
-راح تبقى يوم كامل وياي افرهة الدنيه كلهة شنو رياكم
-ههههه عود هاي صدك ،،هه عبالي هذا عقاب ،،بس يله ماشي اني من هسه اتبرعلكم بهاي الهديه الثمينه ،،يله كولولي شكرا ،،😊😊
-اي هسه خلي نشوف منو يفوز ايجوز انتي
-نظرت بعينه وفهمت من حركاته انه ينوي على الشر ،،،فقلت:
-لعد اني انسحب وجيبوا الكليجه وهاكم المكرونه ويله
-لا يمعوده وين اخذتي الكليجه تعاي ،،،اشاقه وياج
-مااجي اكلوا براحتكم ،، او اكلك راح ابقى 😑
-اه شعجب
-بكيفي انت شعليك 😕

حيدر نظرت لها باستغراب ثم انهينا ذلك الحديث ،،اردت ان تسير الامور على خير هذه المره
قمنا بلاكل نحن الشباب بالبدايه ثم بدانا بالتصويت ،،، في الحقيقه كان طبخها لذيذ جدا لكن اعطيتها اسوء علامه ،،اما الشباب (احمد وحسام وطارق ) صوتوا لها ولمروة ،،
-بنات بنات كافي اكل كافي ،، اسمعوا نتيجه الفايزة هي ،،،،
-مررررروة ،،،مبروك طباختنه عاشت ايدج

مروة :😮😮 شكرا شكرا ،، بس حيدر اعفيني من الهديه ماشي
حيدر : هاي شنو محد تحب تطلع وياي ليش هيج ليش ،،كسرتوا قلبي ،،،
-خطيه مبين عليك مو محبوب ياحرام قهرتني 😏😏
قام من كرسيه واتى نحوي وضع يده على الطاوله التي امامي واخرج تلك الكلمات من بين اسنانه
-شوفي لطلعيلي روحي وياج ،،ترى اليوم تحملتج هواي
-واوو ليش منو متحمل منو اني لو انت
-يعني انتي مصرة على هذا طبعج راح تبقين هيج مو
-اي راح ابقى وشتريد تسوي سوي
-ماشي ،،،،قالها ثم ضرب الطبق الذي امامي بيده وكسره فقام عليه اصدقائه لكي يهدئوه
-وخرو منا لحد يلزمني روحو اريد احاجيهة وحدنه
-قام الجميع وبقي هو واقفا والغضب يملؤه