غـــلا الجـ♥̨̥̬̩ــــود

part3

في صباح اليوم التالي ،،،،،
كنت جالسه في المكتبه لوحدي شاغله تفكيري في حل معادله رياضيه صعبه كنت احاول بها كثيرا لكن من دون جدوى فاغلقت الدفتر بقوة ورميته جانبا وقلت ...اكره الرياضيات واكره دنيتي وياه ....
فسمعت شخصا من خلفي يقول
_ليش تكريهنه الرياضيات ماكو احلى منه بهل الدنيا
استدرت باستغراب لارى استاذ حسين واقفا وبيده كوبان من الشاي قال لي
-تفضلي ،، اخذت منه كوب الشاي وقلت له
-شكرا
-ليش تضوجين من الرياضيات
-لان صعب ويدوخ ماادري بس هيج يعني اكرهة
-هههههه زين ليش تكرهين دنيتج وياه
-لان هو خرب حياتي
-شلون يعني
-ماكو شي بس هيج يعني اكرهة ،، اي صدك نسيت اكلك
-شنو
-شوكت عود ترجع تشرحلي اني مااحب ابقي شي ماافهمه احس نفسي تايهة
-انتي شوكت تريدين
-باسرع وقت
-ماشي بس اني مااكدر اعيدلج الماده بالتفاصيل كلهة لان تاخذ وقت هواي ،،راح انطيج ملخص لكل موضوع وانتي اقري واي شي ماتفهمي اني حاضر
-اوك ،،بس وين الكاك اذا ردت شي اني مااحب اروح لغرفه الاساتذة خاف ياخذوهة بغير نظرة
-اي اي صح ،،زين انطيج رقمي ؟؟
-بقيت صامته قليلا وهو وجهه مليء بالتحيرات ثم قلت ،،اوك ماشي ،،
-زين سجلي عندج ...
-ماشي حفظته ،،شكرا على الجاي اجه بوكته
-العفو
-زين اني لازم اروح ،،باي
-الله وياج ،،
-خرجت بسرعه من المكتبه وتوجهت للنادي رايت صديقاتي مجتمعات ذهبت اليهن
-اوووو هاي شنو مسوين عزيمه 😋😋
-اي يله تفضلي هاي اليوم زينب هي طبخت
-اي روزة تعاي شوفي اول مرة اسوي برياني بس هاي ايات تعيب على طبخي
-ماشي ماشي اني هسه راح احكم ونشوف طيب لو لا
-تناولت ملعقتين ثم شربت الماء ونظرت لزينب وهي متحمسه
-ها شنوو احجي
-لااا يخبل فدشي روعه كلش طيب
-ههههه شفتو كتلكم محد يعرف بلاكل الزين بس روز
صديقتي مروة -زين شنو رايكم باجر كل وحده تجيب اكله حتى نشوف منو اطيب اكل ومنو احسن وحده بينه تعرف تطبخ
الجميع -اي والله حلوة الفكرة
ثم اتى احمق اخر مع اصدقائه ،،-هاي شنو شعدكم برياني اووو احبه منو طبخت
-زينب ،،
-اي طيب عاشت ايدج ،شبيكم سمعتكم تحجون على فكرة مدري شنو ،،شراح تسون
-باجر راح نسوي وليمه كبيرة بيناتنا كل وحده راح تسوي اكله ونشوف منو اطيب
-هه ززين منو الحكم على الاكل
-بعد ماحددنه ،
-اي ولا يهمكم اني موجود وراح احكم بينكم شتكولون ،،هاا شباب شرايكم
-اي حلو احنه ناكل وانتو طبخون ،،ثم بداؤ بالضحك بينهم ،،،اما انا فكنت صامته طوال الوقت واعبث بهاتفي كي اتجنبه ،،ربما تسالون لماذا ؟؟ ساخبركم لاحقا
-عيني زهراء شو ماشاركتينه الحديث خير ،،قالها وهو يتقرب نحو كرسيي
-نظرت بعينه وقلت ،، بكيفي ،،وابتسمت باستهزاء
-وقف بجانبي ثم قال بصوت منخفض ،،اي باجر راح اكل من طبخج اول شي
-لعد راح اخلي سم بي حتى تموت وافتك منك بسرعه احسن ماتزعجنه
-لا لا ياحلوة اني متعود على السم منج فما راح اموت بس يمكن اذا شفتج لغيري بذيج الساعه اموت
-كدت ان افقد اعصابي واصرخ بوجهه امام الجميع.ولكن تمالكت نفسي
-يله بنات اني راح اكوم باجر اشوفكم باي
-باي حياتي ،،،قالتها ايات
-خرجت من النادي فلحق بي وعندها توقفت ونظرت اليه ،،،

-حيدر،،،،، للمرة المليون اكلك لتضل تلحكني ومااحب هاي حركااتك البايخه بطلهة
-شكو بيهة اذا حجيت وياج مو احنه اصدقاء
-ساعه السوده القبلت بيهة نصير اصدقاء
-اي عادي
-ماشي زين مو احنه اصدقاء ليش تضل تحجيلي هل الحجي
-ياحجي. هاا كولي
-ااا هذاك الي كلته قبل شويه
-اي وليش متكولي ما اذكرة
-جذاب ،،تعرفه كلش زين
-اي اريد اسمعه. من صوتج الحلو
-لك احترم نفسك. اني صوجي الي واكفه اتفاهم وياك بس انت مو مال تفاهم
-لعد مال شنو
-مال اسويلك حظر مثل ارقامك
ثم تركته وذهبت للكراج قمت بتشغيل سيارتي وعدت للمنزل
حسنا الان ساكلمكم عنه ،،

-حيدر جيرانه بالشعب من قبل ثلاث سنوات من بعد ماانتقلنا لمنطقه ثانيه هو ظل يلحكني بكل مكان وبالكليه نفسهة بس الحمد لله بغير قسم ،، من وكت الي عرفته وهو يكولي احبج واريدج وكان اي واحد يتقدملي من كليتي يسوي اي شي حتى يتخلص منه ويخليني مااقبل بي ،،هو مثقف ومرتب وكل يوم خميس يجيبلي ورده حمرة وياهة بطاقه مكتوب بيهة
شعر ،،،بعدين عرفت منه انو هاي الورده يجيبهة حتى تبقى تحرسني اله خاف احد ياخذني منه بهاي اليومين ،،واني جنت اضحك على افكارة ،،حيدر خانكني بالكليه بكل مكان اروحله الكاه حتى على لبسي يحاسبني ،،تقريبا كل واحد من جماعته يعرف هو يريدني وصديقاتي كذلك ،،ودائما احنه بس نتعارك بكل يوم لازم نتعارك ،،

حيدر غيور كلش ويحب المشاكل ومتسلط ،،،اما شكله فهو طويل واشقر عيونه خضر ،،،شعره خفيف
وانيق ومتكبر ،، يحب اللون الازرق واغلب ملابسه بهذا اللون ،،
اضافه لكل هذا التسلط بالكليه هو كل جمعه يجي يسهر ويه اخواني ويبقه عدنه اليوم كله وينام بغرفه احمد ويضل يطلب اشياء تافهة كل الوقت بس حتى يخليني اشتغل ،،واني اختتتتنك منه ،،،