بقلم الكاتبة سارة مزهر حسابي @_novels1
أكاذيب
" الحياةة.. اصدق كذبة ممكن نعيشها "
للاسف..
الكذب الي يحجي أصدق المشاعر و أبشعها..
و الصدق الي يخفي أكذب المشاعر و أجملها..
ثنينهم عملتين لوجه واحد.. و هو الحقيقةة المفروضه على كل حاجز انكسار بينا..!!
،،
ممكن!!..
ممكن كلشي يصيرلك و أنت بعدك هذاك الانسان الي ميترك أحد و لا يخدع أحد بمشاعر.. هذا الانسان الصادق حتى بنظرة عيونه! وجع كلبه يبين عليه و على ملامحه لان صدقه يمنعه حتى يخفيه.. بس لازم و مجبور هل انسان يوصل مرحلة لازم يختار ذاك الطريق الي كل الناس بيه ذاك الطريق الي تسلكه كل المشاعر.. لازم يلجأ لطريق الكذب..!!
بقلم الكاتبة سارة مزهر حسابي @_novels1
بعد مخلصت كاتبةة هاي الاسطر كتبت جوه كلماتها التاريخ لان هي واثقة الكلمات الي تجبرنا نخطها على اوراقنا هي صديقة الوقت الي جان السبب ان نعيشها.. و هي دتكتب حست بحركة داير مدايرها رفعت راسها جانو الطلاب ديطلعون منتهبت خلصت المحاظرة لان جانت مركزة بكتابتها الي تعتبرها سبب من اسباب دخولها لهاي الحياةة..
خلت قلمها الي كتب كل مشاعرها بنص الدفتر و رتبت غراضها.. قبل متكوم من كرسيها طلعت محفظتها الي بيها مصرفها المبلغ القليل الي تكتفي بيه مثل طفل بالابتدائية.. فتحت المحفظة جان بيها مرايه صغيرة شافت خاف شعرها طالع هي متهتم لجمالها بس تخاف من الله.. تعرف حرام شعرها يطلع و أحد يشوفه.. خارقة قانون العيب قبل الحرام لان هي عدها الحرام قبل العيب مو مهم اذا جانت حلوة او ملابسها تعجب الي ديشوفها مو مهم تخلي مكياج يزيد انوثتها المهم متصرف تصرف واحد ممكن يغضب الله منها.
بقلم الكاتبة سارة مزهر حسابي @_novels1
رجعت محفظتها و لمت كتبها و ضمتهم لصدرها مثل متضم الام اطفالها.. لان الام متملك اعز من اطفالها و هي نفس الشي متملك اعز من كتبها الي راح يوصلونها لحلمها..
طلعت من القاعةة و هي حاضنه كتبها و جنطتها الصغيرة الي تكتفي بس بمحفظتها.. الكتب الخاصة بقسمها قسم اداب انكليزي الي مؤمنه أنو هي ممكن تحقق حلمها بيه الحلم الي ماكدرت تحققه بقسم ثاني لان هي بساطة مؤمنة بقدراتها بهل قسم..
و هي دتتمشى.. فكرت تروح للكافيتريا علمود تكمل كتابةة بس تذكرت بهل وقت بالتحديد يصير ازدحام و جو مزعج ما تحبه.. مزاجها الهادئ و بساطة تفكيرها و حجيها الي يعبر عن صدقها و عفويتها ميتماشى ويه مجتمعها الي مبني على كذب.
تتهرب من هل جو هوايه على خلاف المجتمع الي تعيش بيه.. مشت بممرات جامعتها الي جان الها دور تخلق جواها عالم أكثر انعزال و هدوء بعد مشافت المجتمع الي يعيش اكاذيب هو نفسه ميصدكها احيانا..!
بقلم الكاتبة سارة مزهر حسابي @_novels1
مشت بوحدها كالعادة.. ماعندها صديقةة لان مؤمنة الصداقةة علاقة فاشلة متتكون الا على كذب!
و بعض الاحيان يكون كشف الكذب اصعب حتى من انو نقبل الحقيقة.. نتمنى لو يبقى الكذب الحلو الي سعدنا مثل ما هو!.
هي مؤمنة بإن البعد عن الناس راحةة بال.. و الانعزال احلى من الدخول لهذا المجتمع.. يمكن البعض يشوفونها معقدةة لان دائما تكعد وحدها تكتب بمكان هادئ بعيد عن الناس و احيانا بعيد حتى عن نفسها.. تحب يكون الها حياتها الخاصةة تحب الاستقلاليةة الي يشوفها البعض وحدة!..
طلعت من الجامعةة تنتظر الباص مثل كل يوم.. لحد ما وصل.. بالطريق و هي بالباص الي كل شويه ينزل ناس و يصعد ناس ، ناس كل حياتهم مبنية على كذب.. ملامحهم تبين ذاك الشعور الي متعبهم و مخليهم ينداسون برجلين افكار الوسط الي عايشين بيه..
