بقلم الكاتبة سارة مزهر حسابي @_novels1
الدموع الي تمنعك تنام.. أمسحها.
ذكرياتك الي تتراهن وياك على الوجع.. أنساها.
الوقت الي ميخليك تبقى.. عانده.
الدنيا الي تكسر ظهرك.. قاومها.
كلبك المكسور.. ضمده.
أنت انخلقت علمود تبقى عايش مو علمود تموت قبل ممكتوبلك.
عيش.. و أنت عايش لا تنسى تعيش من صدك و تفرح!.
اول مرة واحد يحضن هند.. و يبجي!. هي تريد تبقى بعيدة عن الناس بس شافت نفسها قريبة!.
هي ممصدكة أن انسان يحبها لهل درجة و متأذي بسببها.. هند عافت حنين و طلعت لان تريد تفكر تريد تعرف هي شسوت جانت تحس مسوية غلط بس هم جان احساس جواها هي مسوية صح.
كعدت على جربايتها و غمضت عيونها..
بقلم الكاتبة سارة مزهر حسابي @_novels1
تذكرت اشياء ذكريات.. هي متريد تتذكرهم،،
قفلت باب غرفتها و كعدت وحدها.. تريد تكون وحدها تريد تسأل نفسها اسئلةة محد يجاوبهم غيرها.. تذكرت حجي مهيمن البارحة كل كلمةة تذكرت كلام متعرف تنساه مثل اي كلام مر عليها.. واجهت صعوبة بداخلها ان ترفضه او تكول حجي غلط.
كامت هند و كعدت يم الطلبة مالتها طلعت دفترها و رجعت تقرأ الدفتر.. رجعت لذكريات قديمةة ذكريات تنكتب على اوراقنا من سنين بس تنعاش بداخلنا كل يوم..
رجعت لسنة ٢٠١٤ ، ٢٠١٣ ، ٢٠١٢ ، ٢٠١١....الخ❗
بدأت تقره كلماتها.. تقرأ كم موقف جانت تقصده بس كتبت خاطره عليه مكتبته هو لان متكدر تحجي المواقف الي تمر بيهم..
بقلم الكاتبة سارة مزهر حسابي @_novels1
تذكرت خيانة صديقتها و شلون حجت عليها و على شرفها كدام الكل و اذتها كلش.. تذكرت نفسها من جانت تخابر امها و تكللها ارجعي و امها متقبل..
تذكرت انتقاد بنات الصف الها لان مبتعدة عن الكل.. تذكرت ايام راحت من عمرها و هي وحيدة!.
قرأت خواطرها.. و كلماتها قرأت توقيت كل وحدة بيهم!!.
تذكرت أن الوقت الي كاتبته جوه كل خاطره الها.. مضت عليه هوايه ايام بس ليش بعدها تحس بوجعه الي عاشته!.
حنين جانت متوقعة ان حجيها راح يأثر بهند بس استغربت من هند راحت و قفلت الباب..
رجع محمد و مهيمن من الشغل.. جانت حنين كاعدة و حجتلهم على الي صار بينها و بين هند لان مفتهمت معنى تصرفها..
حتين : و هسة هي من الصبح لحد هسة بغرفتها ؟ مفتهمت هسة اني سويت شي غلط!!
مهيمن : لا احتمال دتفكر بحجيج.
بقلم الكاتبة سارة مزهر حسابي @_novels1
حنين راحت حضرتلهم الجاي.. بقو كاعدين ينتظرون هند!. لان همه يحبوها يشوفون الي هي بيهم مشكلة بالمستقبل تأذيها شلون تكون عائلة و شلون تستمر بحياتها..
ساعة [ ٢٥ : ٨ م ] نزلت هند و هي بيدها جنطتها.. لان من جانت كاعدة تقرأ خواطرها تذكرت شصار بيها و شنو وصلها لهل مرحلةة.. جانت تفكر تتغير بس من قرأت و رجعت لكل الاحداث الي واجهتها من كذب و خيانة و فراق قررت متتغير و تبقى نفس ما هي..
هند فكرت تتغير لان هاي اول مرة تسمع هل حجي الي حجاه مهيمن اول مرة واحد يحجي وياها و يواجهها بالي جواها و الي تمر بي.. و اول مرة تشوف دموع انسان بسببها " دموع حنين " هواية تأثرت بيها و تندمت على الي جانت تسويه وياها.. هند على مدار سنين فاتتها و لا بشر حجه وياها هل كلام الي حجاه مهيمن بس مهيمن كدر يحجي لان الانل الي عنده انطاه اصرار يغير شخصية بنية تعرضت لصدمة من الدنيا و استسلمت بعدها..
