بقلم الكاتبة سارة مزهر حسابي @_novels1
السم.. الي بكلبنا بسبب كل الي عشناه و نتجرعه ويه كل لحظة وجع النا ممكن ميكدر يموتنا بس احتمال يكدر يخلينا نبدأ حياة جديدة!!.
هنانه الفرق.. فرقك أنت تعرف شلون ؟ من تقرر تقاوم السم بمضاد الامل..
من تقرر أن يكون السم مجرد وجع مؤقت و يروح!
من تكول الله ميخلي حمل ثكيل على جتف اي أحد.. يخلي هل حمل الثكيل بس على جتف الي يكدر يشيله و يصعد جبال الحياة..
من تفكر و توصل لنتيجةة " الله عادل " كل لحظة وجع عشتها و يعوضك بلحظة سعادتها تنسيك هل وجع..!
من تفكر بعدالة الله على أن هي الحد الفاصل بينك و بين نفسك.. لان هل عدالة الي تقرر تأذيك و تغير من غباءك بعض الاحيان هي نفسها العدالة الي تقويك و تصنع من ذكاءك دليل طريق تكدر تكمل بيه حياتك!.
بقلم الكاتبة سارة مزهر حسابي @_novels1
مهيمن قرر يسكت لفترة.. مو معناتها هو استسلام عن الي باله بس معناتها هو ديفكر شلون يخلق من اليأس الي جوه هند " أمل " ،
هند كالعادة مجانت تأكل وياهم لان طبعا كونها متعترف بالعائلةة متحب تجمعاتها.. لذلك جانت تكعد بالحديقة وحدها و خاصة بالليل بس مرات الانعزال مالتنا يأذينا أكثر ما ميفيدنا ،
هند تمرضت بفلاونزا قوية كلش لان الجو جان يبرد بالليل و هي استمرت تكعد بالحديقة و متنتبه البرد يأذيها..
أنت مثلها ؟ تعرف شوكت.. من تقرر تصير وحيد!
الوحدة تأذي و تمرض.. مو مرض بجسمك و انما مرض بنفسيتك.. لان الوحدة هي المرض الوحيد الي يرفض صاحبها يتعالج لان علاجها الوحيد الاختلاط بالناس و مريض الوحدة هو الي قرر يتمرض لذلك يرفض العلاج.!
بقلم الكاتبة سارة مزهر حسابي @_novels1
هند تكره احد يهتم بيها و لان هي تكره الاهتمام الي تعتبره كذب مكالت لاحد جيبلي دواء!..
بقت نايمة بفراشها.. حنين اختها حست بشي غريب بهند صعدت لغرفتها تشوفها لان تدري هند مراح تحجي شبيها.. دخلت حنين للغرفة جانت هند نايمة و مغطي رأسها.. تقربت منها على كيف و هي تكول!.
حنين : هان كاعدة ؟
هان مجاوبت.. بس حنين سمعتها و كانما بالكوة دتتنفس.. تقربت منها و رفعت الغطاء من على وجهها شافت هند كلش حرارتها مرتفعة.. حاولت تكعدها بس مكعدت..
حنين : عزة هند شبيج ؟؟
نزلت بسرعة لغرفة الخطار.. جانو محمد و مهيمن كاعدين..
حنين : هان مريضة كلش حرارتها مرتفعة و حاولت اكعدها مكعدت
محمد : امشو ناخذها للمستشفى
بقلم الكاتبة سارة مزهر حسابي @_novels1
حنين : و شغلك محمد لازم تروح اني و مهيمن ناخذها
محمد : راح يضل بالي يمها الشغل مو اهم من هند.. يلا بدلي و مهيمن حضر السيارة
محمد يعتبر هند أخته الصغير.. يهتم بيها بهل مواقف مع العلم هي نادر تحجي وياه!.
بس هل شي مأثر عليه لان هو يعزها كلش و لان يحب حنين زوجته لذلك يعز اختها..
صعدت حنين و لبست هند شالها و ملابسها و اخذوها للمستشفى.. الاهتمام مو دائما كذب و لا مصلحةة و انما خوف و قلق و انسان ميريد يخسرك بس للاسف أنت تحاول تخسره!.
بقو يم هند بالمستشفى لحد مكعدت.. حنين دموعها متوكف من البجي لان تكول جان المفروض اهتم بأختي اكثر و مهيمن و محمد مقهورين عليها..
فتحت هند عيونها جان و بسرعة ركضت عليها حنين.. حنين الي تموت على هند لان تحس هي عوض عن أمها..
